اخترتك من الناس للقلب خله🤍

البارت ٥

اما ام سلطان عارفه حياة ريم وش عاشت فيه وكيف انها كانت تتعذب من ابوها وكيف ان ابو سلطان الحين ندمان

نوف اللي كانت مو عارفه شتسوي شالت هم خالد كيف انه مصدوم ومنهار نوف ماكانت تبي تعرف ان اخوها يحب بذي الطريقه لكن قدر الله وماشاء فعل وريم كيف تعيش وكيف راح تكون حياتها

اما عبير عبير الله يرحم حالها مالها احد الا ريم ونوف
وكيف بتعيش اختها وكيف هي تقدر تساعد اختها كانت منهاره سكرت الدنيا بوجهها كانت تقول واحلام ريم وطموحاتها كيف

سعود يفكر ب عبير كيف راح تكون حياتها وكيف انها منهاره قدامه ومو قادر يسوي لها شي كيف ان خالد منهار على صوت وصرخات ريم اخذ نفس سعود وقال بينه وبين نفسه: ياسعود وش قاعد يصير فيك ليش تفكر بعبير لايكون تحبها لا لا مستحيل ياسعود اعقل مو وقتك ابدا مو وقت الحب والعشق بذي الاوضاع ومسح على وجهه وهداء نفسه

اما سلطان منصدم ومنهار وكيف راح تكون حياتهم بالايام الجايه هل راح يكونون بخير وهل ريم راح تتأذى من كلام المجتمع و كيف كان الاخو الكبير ولأول مره مايعرف يتصرف ويحتاج احد معاه

عزيز اللي كان مايدري وش يسوي كان مو مستوعب شي وعيونه مليانه دعوع

ام سعود وابو سعود كانو يفكرون هل ابو سلطان يبقى الشخص العصبي الحاده اطباعه بعد اللي صار وهل اللي صار راح يغير اسلوب ويخليه يتغير لشخص افضل

بهذي الاثناء لما كل واحد يهوجس بفكره طلعت الممرضه وهي مو متحمله صراخ ريم اللي يقطع القلب والبكاء اللي يسمعه كل المستشفى طلعت وعيونها مليانه دموع انتبه لها سلطان كيف ان قلبها رقيق وتبكي بسرعه والمفروض انها ماتبكي لان تكون متعوده على مواقف زي كذا كان مكانها قريب من سلطان كانت تقول يارب تجبر قلوب اهلها يارب صبرهم يارب تعينهم كان هذا الكلام اللي تردده سلطان سمع كلامها وحسها لطيفه وتتمنى الخير لغيرها سألها سلطان : اختي فيها شي
الممرضه اسمها العنود مسحت دموعها واخذت نفس وردت عليه: اختك لا لا مافيها شي
سلطان: طيب ليه تبكين صاير شي
العنود: ولا شي عندي شغل ابي اخلصه
سلطان حس انه تدخل بشي مايعنيه واستعجل: تمام
رجع سلطان لاخته وكانت تصارخ وتبكي بقوه
ام سلطان : يابنتي استهدي بالله يابنتي مايصير تسوين بنفسك كذا يابنتي هدي يابنتي تكفين لايصير فيك شي
الدكتور: اتمنى انها تخضع للعلاج الطبيعي وان شاءالله انها ترجع تمشي
عبير بصدمه:هذا علاجها؟
الدكتور: ايه واتمنى انها تستمر عليه لحد ماتسترجع رجليها
ام سلطان: ان شاء الله يادكتور
الدكتور: تعالو لي بعد شهر اعطيكم موعد
ابو سلطان: حاضر

بعد ثلاث ايام طلعت ريم من المستشفى وهي على عربيه وهي حاسه انها شخص غريب بمجتمع يحب الانتقاد والتنمر بمجتمع ينظر لها بطريقه غريبه لاتعلم هل هي استهزاء بها او شفقه او رحمه وعطف كان الجميع ينظر لها بطريقه لا يمكن تفسيرها