اخترتك من الناس للقلب خله🤍

البارت ٧

ثاني يوم في بيت ابو مصلح
ابو مصلح جاي من الشغل: يامره وينتس
ام مصلح : امر ياهلا انا بالمجلس
ابو مصلح:سويتي الشاي والقهوه لـ الرجل
ام مصلح : ايه تلقاهم على الطاوله بالمطبخ ابو سلطان عندك؟
ابو مصلح : ايه
ام مصلح راحت للمطبخ وكان الباب مردود شافت ابو مصلح يحط بالقهوه شي حست انه ناوي ابو سلطان وبيسوي له شي: ياويلي على ابو سلطان الله يبصرك يام سلطان
________________________
ام مصلح لبست عبايتها واتجهت لبيت ابو سلطان تستفزع فيهم دخلت عليهم وكانت مخروشه دخلت وهي تبكي دخلت المجلس وكان سلطان وامه موجودين
ام مصلح: ياولد لحق ابوك ياولد تكفى
ام سلطان : ياربي وش فيك وش صاير تكلمي
ام مصلح: شفت ابو مصلح يحط بالاكل شي تكفى ياسلطان لحق لايصير فيه شي
سلطان قام وعيونه شرار قام وهو مليان عصبيه: انا عارف ماوراه الا المصايب ماعمره تعدل الله ياخذه
طلع من البيت متجهه لبيت ابو مصلح
_________________
مصلح شاف سلطان متجه لبيتهم معصب وشك انه عرف عن خطة ابوه اخذ الحديده المرميه على الارض واتجهه وراء سلطان
دخل سلطان بيت ابو مصلح وهو مو قادر يمسك اعصابه : يبه اترك الفنجال لاتشربه محطوط به سـ..
ماكمل كلامه الا وضربه مصلح على راسه واغمى عليه
فز ابو سلطان من مكانه وراح لسلطان اللي مرمي على باب ومغمى عليه :حسبي الله عليكم الله لايوفقكم الله ياخذ حقي منكم
مصلح اللي حس انه اطفى نار بداخله بس باقي حقد:
ههه هذا ولا شي يابو سلطان احمد ربك اللي جت على كذا انتبه من الجاي غمز لابو سلطان ومشى طلع من البيت
ابو سلطان: تحسب انك بتنحاش مني لاوالله تعقب الوعد بالمحاكم يابو مصلح
ابومصلح: تصدق اني عزمتك عشان اذبحك بس ولدي سبقني دايم سباق كفو عليه
ابو سلطان: ابد انت اللي تبي كذا وابشر باللي يسعد خاطرك ترا مابتساهل
طلع ابو سلطان مسرع اتجهه للمستشفى
بقسم الطوارى
كان ابو سلطان ولأول مره يحس انه بيفقد ولده كان خايف واول مره يجرب شعور الخوف على شخص وقدم بلاغ
________________________
رجعت ام مصلح لبيتها وكان الوضع هادي وخايفه ان ابو مصلح يعرف انها هي اللي قالت لسلطان
دخل ابو مصلح يضحك : وين بتهربين ههه تحسبيني ماادري بالاحلام انا عارف انك انتي اللي قلتي لهم
سكر الباب بقوه وسحب ام مصلح من شعرها ورماها على الارض ونزل فيها ضرب بالعقال صرخت ام مصلح وكل ماتصرخ يضربها عشان تسكت بعد ماضربها سكر باب الغرفه بالمفتاح وتركها بالغرفه بدون اكل ولا ماء طلع برا البيت
_______________________

في بيت ابو سلطان كان عزيز والبنات توهم صاحين
عزيز: يوهه ياني حلمت حلم اقشر
ريم: يالله صباح خير ياربي منك انت واحلامك الواحد وده يستمتع بالحياه
عبير: قل هو الله احد بسم الله افف منك
البنات لاحظو ان امهم متغير وجهها
ريم: يمه صاير شي
عبير: يمه ابوي فيه شي
عزيز انتبه لأمه: يمه...
قطعت كلامهم : ياعيالي اخوكم وجلست تبكي
ريم: لا اله الا الله هدي وقولي وش صار
ام سلطان مكمله بكي: ام مصلح جت وابو سلطان كان عندهم وقالت لي ان ابو مصلح حط سم بالاكل وطلع سلطان لابوه وللان مارجع
عزيز: وانا اخو عبير تشجع ياخوي جايك
طلع عزيز من البيت ويتصل على ابوه
ابو سلطان بصوت متضايق: هلا عزيز
عزيز: يبه فيكم شي
ابو سلطان: عزيز اسمع هد اعصابك
عزيز:شلون تبيني اهدي اعصابي وانا مااعرف وش بكم
ابو سلطان:اخوك بالمستشفى والدكاتره عنده
عزيز: وانا اخو عبير يعقب اسكت عنه الردي انا اوريك به
ابو سلطان: عزيز لاتدخل قدمت بلاغ
عزيز: كفوو عليك يلا جايك ارسل الموقع
ابو سلطان: طيب فمان الله
_________________________
انهاء ابو سلطان المكالمه وجاء الدكتور
ابو سلطان: بشر يادكتور
الدكتور: ابد ابشرك انه قام واموره طيبه لاتنخرع لفيناه بشاش عشان الجرح اللي براسه
ابو سلطان: يعطيك العافيه يادكتور اقدر اشوفه؟
الدكتور: الله يعافيك تقدر تدخل له
جاء عزيز : يبه وش يقول الدكتور
ابو سلطان: يقول بخير ونقدر نشوفه
دخل عزيز وابوه الغرفه
عزيز: هلا هلا يالعضيد
ابوسلطان: جت سلامات يالبطل
عزيز وهو يضحك: يقولون راح ينقذ ابوه وليته سلم
سلطان: هاه بدينا شماته
ابو سلطان: ابد من يقول انه جاء ينقذني ليته انقذ نفسه
عزيز: يتخيل نفسه سوبرمان مايدري انه صار كل شي الا سوبرمان
سلطان: يبه ماقالو لك متى اطلع؟
ابو سلطان: يحاول يغير الموضوع شف وشلون
عزيز: ايه ايه
ابو سلطان رد على سؤال سلطان: لا للان ماقالو لنا
اتصل جوال عزيز
عزيز: هذي امي متصله تتطمن

عند ام سلطان: تشوفين مايرد انا قايله صاير لهم شي بس مايبون يقولون لي
عبير: يمه استهدي بالله مو صاير الا الخير
رد عزيز على مكالمه امه: هلا يمه ابشرك انهم بخير وجت سلامات ولدك السوبرمان ضربوه على راسه واموره تمام
ام سلطان:عطني ولدي اشوفه
اخذ الجوال سلطان: هلا بالغاليه ياهلا
ام سلطان وهي تبكي : والله ياوليدي خفت عليك
سلطان: ياحبيبتي المفروض ماتخافين على سوبر مان
عبير: يمه عطيني انا ابي اشوف اخباره
ام سلطان: ياولدي اختك تبي تكلمك
عبير : هلا هلا بالبطل الخارق اللي يقولون بالمستشفى
سلطان: حتى انتي ياعبير
عزيز: الليله ماراح يسلم منا
سلطان: كل العايله بتنمر علي اليوم
عبير: اكيد
ريم: ههههههههههههههه الله يعينك بتصير طقطقه سنه قدام
سلطان: هلا بحبيبة اخوها
ريم: ايه ايه امدح بس ترا ماراح تسلم من الطقطقه
سلطان: على كذا يلا مع السلامه اذا جيت نكمل طقطقه
البنات: مع السلامه
_______________________________
ابو سلطان: تحس انك بخير
سلطان: ايوالله ابي اطلع تكفى
ابو سلطان: يلا انا بروح اطلعك على مسؤوليتي
سلطان: يعطيك العافيه
طلع ابو سلطان من الغرفه
عزيز وهو يضحك: حركات سويت لنا فعاليات
سلطان: اقول اسكت لااصفقك الحين

طق الباب ودخلت ممرضه تسوي المغذي
الممرضه واقفه على الباب بينها وبين نفسها: لايكون هذا اللي ذاك اليوم جاني يسأل عن اخته يارب لا
لو يلتفت واشوف وجهه اعرفه

سلطان : عزيز من اللي على الباب
عزيز بصوت عالي: ادخل
التفت سلطان يشوف من على الباب
عزيز ضحك لسلطان وغمز: جايه عشان تقولين لنا خروج؟
الممرضه: لا جايه اسوي المغذي
سوت المغذي بسرعه وطلعت برا الغرفه: يوهه هو نفسه ياربي يا هذي العائله كل شوي واحد داخل علينا

بالغرفه عند عزيز وسلطان
سلطان: شفيك تغمز وتضحك
عزيز: ابد كأني ماشفتك ذاك اليوم معها تسولف
سلطان: ياذا النشبه قسم وربي مابيني وبينها شي كنت اسألها عن ريم
عزيز : خلاص انكشفت مافي
سلطان: ترا راسي مصدع لاتصدعني زياده
عزيز: انت اعترفت جاء دوري اعترف
سلطان: اصبر اصبر ماني مصدع ابي اعدل الجلسه
عزيز : ايه عدل عدل على كيفك تسوي انك تعبان وعلى كيفك تسوي انك بخير
سلطان ضحك: لاتقول انك تحب يوه
عزيز: ولو اقول لك منهي تنصدم
سلطان: انا جاهز انصدم عطني اللي عندك
عزيز: نوف
سلطان انصدم: نوف ماغيرها حقتنا نوف بنت عمي
عزيز: شفيك
سلطان: اخص مانت هين والله
دخل ابو سلطان وسكتو العيال
ابوسلطان: يلا مشينا

طلعو من المستشفى
____________________________
بالسياره عزيز : اسمع يبه اليوم نبي نعزم عمي ابو سعود والجيران بمناسبه سلامة سلطان
ابو سلطان: تممم البطل ذا يبي له عشاء حاشي
اتصل ابو سلطان على ام سلطان يعطيها خبر وبدأ يعزم