اخترتك من الناس للقلب خله🤍

البارت٩

نوف طلعت من المطبخ وراحت للحوش شافت مافي احد من المعازيم وضحكت : وش صاير ليه راحو
ام سلطان: اخخ يانوف المشهد يضحك
ام سعود: فاتكن
نوف: تحمست اصبرو انادي البنات
بالمطبخ عند ريم وعبير
عبير: ريم توقعين وش صار عند الحريم؟
ريم: ابد اكيد صارت سالفه
دخلت نوف منهاره من الضحك: بنات تعالو الحوش
عبير وهي تضحك من ضحك نوف: وش صاير
ريم: ضحكتتس يانوف لحالها تضحك
نوف تحاول تمسك انفاسها من الضحك: تهاوشو عقبنا هوشه تعالو نسمعها
راحن البنات مسرعين للحوش
جلست عبير: ايه تقولون وش صار
ريم: وش صاير تحمست
ام سلطان: ابد كل وحده شدت شعر الثانيه
ام سعود: وسطرنا بعض
ام سعود وام سلطان قالو السالفه للبنات
ريم: ياربي مااصدق انتن يالحريم تهاوشون
عبير تضحك: وتخيلي امي وعمتي اللي تهاوشو
ريم: ماصدق
نوف: لاصدقي لازم نحتفل بمناسبه دخول امي وعمتي عالم الهوشات
صفقو ريم وعبير
ام سلطان : لاداعي لا داعي
ام سعود: احس صرت مشهوره
ام سلطان: مسلسلي شوي ويبداء
نوف: الله ياعمه عندتس مسلسل
ريم: ايه مسلسل بدوي
نوف: زيي امي
ام سلطان: الحلقه لاتروح علينا يا ام سعود خلينا ندخل ونتابع بالمجلس
ام سعود: ايوالله ونخلي البنات يسولفون على راحتهم
عبير: يوه ياعمه اصلا حنا معاكن ماخذين راحتنا
ام سعود: ياحلوتس لا نبي نخليكن انتن يالبنات
دخلو ام سعود وام سلطان المجلس وشغلو التلفزيون
ام سلطان: الله يازمنا زمن الطيبين
ام سعود : ايه ماكان عندنا هاللي صار عند الجيل هذا
ام سلطان: ول يالدنيا الله يرحم الحال
ام سعود: الا سميره وش صار عليها
ام سلطان: ايوالله مختفيه الايام ذي
بدأ المسلسل ام سلطان وام سعود انسجمو مع الاحداث
____________________
عند البنات
نوف: ابي اروح اغسل الفناجيل عشان نتقهوا
عبير: عنتس عنتس انا اغلسهم
نوف: ياويلي ياعبير مابينا حلفت انا اغسلهم اقعدي
جلست عبير وراحت نوف تغسل الفناجيل
عبير: وش رايتس نقول لنوف عن عبد العزيز
ريم: لا خليه هو يعترف احس احسن
عبير: يعني نخليه هو يعترف لها
ريم: ايه اسكتي لا تدري
عبير: ابشري
جت نوف: ايه تقولون اشتقنا لجلستنا مع بعض وطلعاتنا
عبير: ايوالله
ريم: استغفر الله يابنات
نوف: وش صاير بعد
ريم: مو صاير شي بس ماادري كيف اصارحكن ان ابي احش
عبير: كلنا
نوف: يابنات بردانه
ريم : ايه اليوم ابرد من امس
عبير : يقولون بكره مطر
نوف: يالبيه ان شاء الله يارب
ريم: احسن شي بالشتاء الغيوم والمطر والليل والقمراء وكاسة الشاي
عبير : ايوالله
نوف: كل الشتاء لياليه حلوه
ريم: خلاص كنسلت ماابي احش ابي نلعب اونو
عبير: يلا
راحت عبير تجيب الاونو وبنفس الوقت تجيب جاكيتات للبنات
دخل عزيز وعبير تدور بغرفته تدور الاونو: اوه دخلت بغرفتتس بالغلط يمكن ماهي غرفتي
عبير:حياك الله الغرفه غرفتك
عزيز: الغرفه غرفتي وتقول حياك الله غريبه
عبير: ادور الاونو
عزيز: اجل انادي العيال ونلعب مع بعض
عبير: ايه زمان عن العب مع بعض
عزيز: اجل بروح اناديهم
عبير: هالخلا تعال وين ودك نبي نلعب بنات كلمه ثانيه بنوتات
عزيز: لا اهفتس على وجهتس يااختي اشتقت
عبير: ايه مو لنا ولعبنا مع بعض لنوف لحبيبتي
عزيز: ياربي اكسبي اجر وخليني اناديهم واشوف القمر وهو نازل على الارض
عبير: بس ابي اجمع راسين بالحلال نادهم يلا
عزيز باس عبير على خدها : الاخت البطله اول مره تعجبيني
عبير: يلا تاخرت على البنات
عزيز: يلا انا رايح
__________
عبير وهي طالعه مع الباب وجلسه البنات قدامها:
يابنات ترا العيال بيجون يلعبون معنا
ريم: جيبي نقابي
عبير: جبت نقاباتنا كلنا
نوف: يلا
لبسو نقاباتهم وتجهزو والميانه بينهم منهم صغار يعني تربو مع بعض وكبرو مع بعض ويمونون على بعض مره بس ماقدرو يوقفون الميانه بينهم لما كبرو البنات
دخلو العيال
سعود: من زمان مالعبنا
سلطان: ايوالله
عزيز: تجهزو يابنات ترا حنا اللي نفوز
ريم: ايه تباهو الحين بعدين حنا اللي نفوز
خالد: نشوف
نوف: يلا
نزل فروته عزيز : والله اني متحمس
سلطان : وانا معك
سعود: ترا كل واحد لحاله
خالد: ايه نعرف
عبير: نعيد قوانين اللعبه ولا مايحتاج
كلهم : مايحتاج
نوف: قبل مانبداء من يبي شاي بنعناع؟
ريم: انا
سلطان: انا
سعود: وانا
عزيز: انا معاهم
عبير: انا
خالد: وانا بعد
صبت نوف الكاسات وخلتهم بالصينيه وحطت الصينيه بالنص وكل واحد اخذ كاسه وشالت الصينيه
عبير: جاهزين
كلهم بصوت واحد: ايه
عزيز: افاعليك
ريم: وطو اصواتكم ترا كلنا بجنب بعض
وجلسو دائره البنات بجنب بعض ريم بالنص على يمين عبير واليسار نوف وبجنب عبير اخوها سلطان وبجنب نوف اخوها سعود
وبداو اللعب
سلطان: يلا خالد
خالد: يلا عزيز
عزيز: يلا سعود
سعود: يلا نوف
لما جاء دور نوف نزلت الورقه وهي ترجف: يلا ريم
ريم: يلا عبير
عزيز: عبير شوفي الرسالة اللي ارسلتها لتس
عبير: طيب يلا سلطان
وكان الدور يمشي كذا فتحت عبير الجوال وشافت الرساله وكان يقول فيها( عبير شوفي فروتي عطيها نوف شكلها بردانه فروتي مرميه وراتس)
وناظرت عبير ليدين نوف وكانت فعلا ترجف
عبير: نوف امسكي الفروه
نوف: لا لا مو بردانه
عبير: الا واضح يدينتس ترجف
نوف ناظرت يدينها  فعلا ماتقدر تخبي اكثر
ريم: اقول خذيها لاصيبتس برد
خالد: صادقه ريم
سعود ناظر لنوف وشافها خجلانه شلون تلبس فروة عزيز وهمس بأذن نوف: نوف خذيها انتي بردانه
نوف: تمام عطيني
لبست نوف الفروة فعلا خجلانه كانت الفروه مره تدفي وكملت لعب
عبير: واحد اونو
سلطان: واحد اونو
عزيز: يالله يالحماس من بيفوز
نوف :انا
خالد: الحين بداء الحماس
عزيز: جوي
سعود: نوف اسحبي اربع اوراق
نوف: ريم اسحبي ٨ اوراق وفزتتت
خالد: كفووو
نوف: كفوك الطيب
ريم: لحظه لحظه هدو عبير اسحبي ١٠ اوراق
عبير: اصبري سلطان اسحب١٤ ورقه وفزتتت
سلطان: اححح يالحظ
خالد : القم
عزيز: الحين اللي فاز المركز الاول نوف والثاني عبير
عبير: ايه حنا البنوتات
نوف: كملو لعب انتم انا بروح انام سعود قل لامي نوف تنام عند البنات
سعود : ان شاء الله اجل انا وانت ياخالد ننام عند العيال
سلطان: يعيال خلاص وقفو اللعبه اللي فاز نوف وعبير
خالد: ايه ١٤ ورقه ويقول وقفو
عزيز: ايوالله نبي نسولف
سعود : صح ابو ١٤ قال وقفو
ريم: معي ٧ اوراق ماحولي الفوز وقفو
خالد: ايه وقفو
كنسلو لعب وبداو يجمعون الاوراق دخل ابو سلطان وابو سعود الحوش
سلطان: يالله حيهم
ابو سعود: الله يحيك
ابو سلطان: من زمان ماجلستو مع بعض
ابو سعود : ايوالله من زمان ماشفت الجلسه هذي
سعود: ايام وعدت
خالد: الحمدلله
ابو سلطان: اجل بكره رايحين المخيم
البنات فرحو بالخبر
عبير: نسوي فعاليات
نوف: ايه ونصور
ابو سعود: انتن يالبنات همكن التصوير
ابو سلطان: خلهم ينبسطو
كلهم استغربو ان ابو سلطان صارت كذا شخصيته بالعاده اطباعه حاده
ابو سلطان : بكره نجيب الكيرم نباري تجهزو
ضحك ابو سعود: ابشر بالمنافس
سعود: يعني بكره لعب
خالد: شكله
سلطان: انا الثالث معاكم
سعود: اجل انا الرابع
عزيز: الله يالحماس بكره لعب صح
ريم: الله عليكم وربي انبسطت
عزيز: بكره بجيب الدباب
خالد: وانا الخيل حقي
استغربو والتفتو على خالد
ابو سلطان: عندك خيل
خالد: ايه توه وصل ماصار له كم يوم
سعود: مبروك
سلطان: مبروك تتهنى فيه يارب
عزيز: ايوالله مبروك
ريم: الله بصور بكره الخيل
خالد: ان شاء الله
عبير: يالله وناسه
طلعن ام سعود وام سلطان
ام سعود: مجتمعين
ام سلطان: ايه التعلله عامره
ابو سلطان: ترا بكره نروح المخيم تجهزو
ام سعود : هذي الاخبار الحلوه
ام سلطان: ايوالله الحمدلله رجعنا لايامنا
ابو سلطان: ايه مرت الايام الشينه
ابو سعود: الحمدلله
كلهم: الحمدلله
نوف: يمه ترا انام عند البنات
ريم : ايه ياعميمه انا قلت لها تنام عندي
ام سعود: طيب نامي
عبير : تسلمين ياعمه
سلطان: اجل العيال ينامون عندنا
ابو سعود : تمم
ابو سلطان: ولل يابو سعود رجعت لايام العرسان
ضحكو وكل واحد راح للغرفه مع شلته عشان ينامون وراحو ابو سعود وام سعود للبيت....