بقيت يمها اتعلل. بس وجها صار ثكيل مني معرف على شنو اني اخذت على نفسي لأن باقيه يمها وهي مثكله وجها مني رفعت تلفوني واتصلت على ناردين
دك الا فصل وما جاوبتني كالت اسيل
اسيل... لو تشوفين شهم شكد متعلق بيه هالفتره ميكدر بدوني كل يوم يخابرني يكلي ما اكدر اكضي اليوم اذا ما اسمع صوتج ببداية صباحي وما انام مرتاح اذا ما اسمع صوتج
ابتسمتلها وحجيت...
سديم... عمري دومكم
اسيل... يدوم نبضج لو تشوفين بنات عمامه متخبلات عليه كلهن مخليات عيونهن عليه
باوعتلها بنضره فهمت نضرتي وكالت..
اسيل... طبعا انتي وناردين ما اقصدجن لأن اعرف نيتجن شنو
ما حبيت اكسر بيهن اعرفهن شنو من شي بس لو مهما كان يبقن بنات عمامي
سديم... شهم مو بس اني وناردين شهم بنات عمامه كلهن ما يهتمون لأمره لأن واحد كلش شايف نفسه وما يتحاجه
اسيل... امممم
سكتت ما رديت حجيت بعد تقريبا ساعه اجو اهلي اخذوني رجعت للبيت وشيخ رهام لا هي ولا اخويه ما يحجون وياي اخويه خل يحجي وياي بس هي لا ما اريد احجي وياها محد غيرها مسوي مشاكل بالبيت
متمددات بفراشنه حتى ننام حجيت. ويه ناردين..
سديم... ليش متجاوبين من اتصل عليج
ناردين... جنت ملتهيه ويه البنات والله وتلفوني بالجنطه ما سمعت صوته
سديم... امممم
ناردين... اكلج سديم
سديم... اي كولي
ناردين...اليوم خاله نسرين خابرتنه
سديم... اي شعجب مو من عوايدها
ناردين... كالت لامي باجر جايين نمشي
سديم... كمزت بفرحه وحجيت... صدوك والله واخيرااا حتاخذين ايمن
باوعتلها تعدلت من فراشها كعدت كبالي لزمت ايدي وحجت
ناردين... سديم يجون يخطبونج لايمن مو يخطبوني
راحت ابتسامتي لأن اعرف ناردين تحب ايمن
ناردين...هاي احسن قسمه سديم لا ترفضينه واذا علمود موضوعي اني نسيته لايمن وما اريده
سديم... ناردين صدك تحجين
ناردين... اي سديم صدك احجي اخلصي من عذاب ابويه واخوتي والحيه رهام اخلصي منهم كافي وخاله نسرين كايله لامي اذا توافقون حتى بس اول شهر وبعدها نرجع للخارج يعني حتعيشين خارج العراق بعيده عن الكل بس حترتاحين وايمن حباب
سديم...لتحجين بيها. ناردين مستحيل ابني سعادتي على جروحج هذا حب طفولتج تردين اوافق بي
أنت تقرأ
الضباب الرقيق
Romanceالحياة مليئة بالمصاعب هناك من فقد ام وهناك من فقد اب وهناك من فقد الاثنين هناك من فقد الأخوه هناك من فقد الصحبة وهناك من فقد السمع وهناك م̷ـــِْن فقد البصر لكن هل هناك من فقد الحياة نعم بعض الاشخاص يوجد لديهم كل ما يتمناه غيره لكن فاقد للسعاده وال...
