طبيت لبست شالي ورجعت شهم كاعد يم امي وامي تبجي
فائزة... سوده عليه كله مني ما دافعتلها
اباوع لشهم عاقد حاجبه مفاهم الموضوع
كعد كبال امي وحجه......
شهم.. شبيها سديم حجيه شو خابرني محمود كالي روح يم اهلي بالبيت لأن وحدهم سألته خوب ما اكو شي كال احنه بالمستشفى ويه سديم
باوعت لأمي تريد تحجي اشرتلها بمعنى لا شنو ردة فعلة اذا عرف، اختي تنتحر وما تاخذه بعدين يخرب كلشي واخوتي هالمره هم اللي يموتون سديم
فائزة... تخربطت شوية لأن ما تاكل ووكعت اخذوها
شهم.. ليش ما تاكل
ناردين.... مسوية دايت قبل العرس
شهم... شللها بالدايت هي ما سمينه
فائزة... هاي سوالف البنات يمه خابرهم شو وين صارو
خابرهم شهم سد الاتصال وكال.......
شهم.... راح يبات بالمستشفى محمود وياها. ابوها يكول فاقده السوائل
من كال هيج عرفته ابويه يكول فاقده السوائل حتى لا شهم يدري بيها انتحرت يمه اختي طول عمرها بالضيم تعبت حيل وتأذت حيل
امي اباوعلها صايره صفره حجه شهم....
شهم... يلا ناردين تحضري علمود ابوج كال جيبها للمستشفى تضل يم اختها
ناردين.. تمام
ركضت لغرفتي ممصدكه اشوفها اشون صارت لبست عباتي وذبيت شالي بأهمال وطلعت
ناردين... يلا شهم مشينه
شهم... اي خويه يله
طلع يمشي شهم واني امشي وراه صعد بالسيارة يسوق واني هم صعدت بالصدر لأن اذا اصعد بحوض الوره اليشوفني يكول هاي ويه واحد غريب هيج نضرة الناس
مشينه طلعنه منطقتنه وكال شهم
شهم... ناردين
ناردين... هاا
شهم... شبيها سديم
ناردين... هاا اممم كلشي
شهم.... ناردين اني اليجذب اعرفه كبل ف احجيلي سديم شبيها
ناردين... كلشي شبيك وبعدين على شنو دجذب
شهم... حاجتها بشي اسيل
الفتت عليه كأنو انكاني الضوء الأخضر حتى افتح الموضوع وياه مدام جاب طاريها......
ناردين... ليش خطبة سديم
شهم.... ليش اكو شي
ناردين... لا بس انت تحب اسيل
شهم... منو كالج احبها
أنت تقرأ
الضباب الرقيق
Romanceالحياة مليئة بالمصاعب هناك من فقد ام وهناك من فقد اب وهناك من فقد الاثنين هناك من فقد الأخوه هناك من فقد الصحبة وهناك من فقد السمع وهناك م̷ـــِْن فقد البصر لكن هل هناك من فقد الحياة نعم بعض الاشخاص يوجد لديهم كل ما يتمناه غيره لكن فاقد للسعاده وال...
