الضباب الرقيق
بقلمي الكاتبة ...Bmbsh_beme
كُن قَويآ من ٱجل نفسكِ دائمًا
.......
اسيل...احممم وين شهم
رفعت عيني اسيل واكفه كبالي يم باب المطبخ الداخلي
مريتلها عفتها ورحت لغرفة ساره ما اتحمل الزمها اكتلها بعد السوته بفاتحة امي
ساره...خيرجج
سديم...جت اسيل
ساره...اقفلي الباب واذا سمعتيها تدك الباب لٱ تردين
هزيت راسي وقفلت باب الغرفه
غرفت ساره كلش.مرتبه تختها لون عسلي وصبغ غرفتها عسلي وعدها بلازمه صغيره وصوبه صغيره وغرفتها بكل وقت دافيه م̷ـــِْن كد ما مهتمه بيها ساره
رحت يم الصوبه وساره جانت تدرس
انطيتها ضهري حتى لٱ تنتبه باچيه
لامه رجليه وموجهة اصابعي للصوبه الكهربائية ودموعي تنزل فقدان الأم. كلش.صعب تقبل فقدان الأم مو بيوم ويومين ولا شهر وشهرين جانت امي كلشي بالنسبه اليه بالذات ٱڅڑ فتره كلش تعلقت بيها اكل واشرب وياها وانام يم راسها
اجه على بالي بيوم النامت ولازمه ايدي
متحملت شهكت وبجيت بصوت
ساره...الووو شبيجججج
اجتني بسرعه خلت ايدها علـّى كتفي وكالت
ساره...شبيج سدوم
باوعتلها ومبرطمه
ساره...احجي شبيج منو حاجاج
بقيت ابجي وهي تسكت بيه ومراضيه اسولف لحد ما تعبت بقيت ساكته لامه رجليه لصدري وراسي مخليته على رجليه وعيني عالتلفزيون
ساره كاعده يمي كل شويه تكلي شبيج واكللها تُعباُنٌهْـ
ساره...شهم حاجاج شي
سديم...لٱ
ساره ...لعد شبيج
سديم...اشتاقيت لأمي
حجيتها وبچيت
وهي حضنتني وتبچي وياي
لحد ما سكتنه اثنينه كالت ساره
ساره...تردين حلويات نشتري
هزيت راسي يعني اي
ساره...اروح اكول لشهم يروح يشتريلنه
سديم..عوفي خطيه تهبان ونايم
ساره...هسه اشوف بدر اكله يروح
هزيت راسي وساره راحت شويه ورجعت كالت ...
ساره...امشي نروح للاستقبال
رحت غسلت وجهي ورحت وراها للاستقبال كعدنه وعمتي كاعده ومدنكه تسبح بالمسباح صوت استغفارها ينسمع
أنت تقرأ
الضباب الرقيق
Romanceالحياة مليئة بالمصاعب هناك من فقد ام وهناك من فقد اب وهناك من فقد الاثنين هناك من فقد الأخوه هناك من فقد الصحبة وهناك من فقد السمع وهناك م̷ـــِْن فقد البصر لكن هل هناك من فقد الحياة نعم بعض الاشخاص يوجد لديهم كل ما يتمناه غيره لكن فاقد للسعاده وال...
