بقلمي الكاتبة... Bmbsh_beme
خل شوية اضحكم قبل منبدي البارت هاي اكو طفل كاعد. يحجي لدكتور نفسي عن حالته ومصاعب حياته شوفو شيكله 😂😂
اخ يادكتور شريد احجيلك عن ماما 😔
لاتخليني اشمر غراض البيت بالزبالة
ولا العب بالبصل وشيله من السلة وافرط اوراقه عالگاع وره متنظف البيت😥
ولا أوسخ الدنيا بعد ماتخلص تنظيف😥😥
لك حتى نومتي تريدني انام من الساعة ٨ وانا اريد ألعب واكمز واصيح لوجه الصبح😭😭
ولله يادكتور ماما ما تخليني اخذ راحتي ابدا💔 اذا لعبت بالتواليت وسختهه تصيح عليه😭
واذا شمرت الادوية ب التواليت تزعل مني😥😥
اذا نفشت كنتور الملابس كلهن تزعل من كل عقله😭واذا كسرت المكياج ولونت نفسي بالحمره السحريه يوصل عياطهه لسابع جار
واذا شخبطت علئ الحيطان الممر كله وانا جاي العب ضربتني على حفوظتي 😭
اني تعبان نفسيا يادكتور😭😭
اريد حل مع امي داخل ع الله ثم عليك يادكتور😭😭💔
فدوه تعبان نفسيا هههههه بنوتات كرزاتي حيكون يوميه بارتين قصيرة انشاءالله حتى يكون البارت خفيف ولطيف مو ممل +انشاءالله حبدي انزللكم برواية اخرى اسمها واقعي المضلم
.......
.......
.......
قفلت باب الغرفه حتى اذا اجه شهم يرجع ما اريده اضوج منه
تمددت بفراشي وغطيت راسي ونزلت دموعي بقيت ابجي كلبي محروك محد يحس باللي احسه غير اللي مجرب شعور الاهمال واللي يحس نفسه منبوذ نمت واني ابجي
كعدت الصبح باوعت حيللل الساعه ب 10
سبحت وسشورت ونزلت جوه
راسي يريد ينفجر شهم وسامر بالهول يتابعون اخبار
سديم... اشونك خويه
سامر... الحمدلله انتي اشونج
سديم.. الحمدلله حجيتها ومشيت مردت احجي وياه هواي احس جاي اخون شهم رغم ما احبه لشهم بس الوفاء مطلوب واني بذمته بعدين اذا فكرت بغيرة مجرد تفكير اتحاسب
طبيت للمطبخ عمتي وسارة يسوون كبه طلعتلي جبن وسويتلي جان وكعدت اتريك عمتي وسارة يسولفون حتى بالسوالف مشاركتهم كملت وغسلت اماعيني وعمتي تكلي لتشتغلين عمري شكد حنينه سمعت صوت شهم صاح
شهم... سديممم
رحت للهول واكفه بباب المطبخ وشهم وسامر كبال
سديم... ها شهم
شهم.... تعالي اخذي الاستكانات وصبي جاي
رحت اخذت الاستكانات وغسلتهن حميت الجاي لأن برد وصبيتلهم ورحت وديتلهم الجاي اانطيت الاستكانه لسامر باوعلي واخذ الجاي ودنك انطيت شهم الجاي اخذه بدون ميباوعلي ملتهي بالاخبار
أنت تقرأ
الضباب الرقيق
Romanceالحياة مليئة بالمصاعب هناك من فقد ام وهناك من فقد اب وهناك من فقد الاثنين هناك من فقد الأخوه هناك من فقد الصحبة وهناك من فقد السمع وهناك م̷ـــِْن فقد البصر لكن هل هناك من فقد الحياة نعم بعض الاشخاص يوجد لديهم كل ما يتمناه غيره لكن فاقد للسعاده وال...
