سديم... فتحت عيوني اباوع اتلفت بغرفه غريب شكلها عليها وجعتني ايدي التفتت شفت بطل الدم عرفت روحي بالمستشفى حلكي نشفان عطشانه حجيت وكوه تطلع مني الكلمه
عطشانههه
جفلتني ناردين من كمزت بوجهي
ناردين... ها عمري اشون صرتي
هزيتلها راسي بمعنى اي... عطشانه
طلعت سديم معرف شحجت بالباب طب شهم وياها اجه يتمشى بأتجاهي شكد كرهته كل اللي ديصير وياي بسببه اني ليش سويت هيج هسا ربي غاصب عليه شبيه تخبلت صار قريب وكف يمي وحجه.
شهم.. ها اشون صرتي
بدون ما اباوعله رديت... عطشانه
شهم... ناردين جيبي ميه
فتح بطل ميه وقربه مني ديشربني جريت البطل من ايده وشربت
ناردين... اشون صرتي
سديم... مو كلت زينه
باوعتلها ضاجت
سديم... مو بقصدي بس تعبانه ما بيه احجي
ناردين... عمري ارتاحي عادي احنه خوات تمونين
شهم كعد هو وناردين مدري شيسولفون انطوني العلاج اخذته شويه نعست والدكتوره تجت شالت الدم لأن خلص غمضت عيوني وغفيت ما اعرف شكد مر وقت وكعدتني ناردين
ناردين... الدنيا مغرب غير نومه
تقرب يمي شهم يريد يعدلني
شهم... يلا تعدلي حتى تاكلين ونطلع للبيت
حجيت بدون ما التفتله اضوج منه... ما جوعانه
جر كرسي كعد كبالي وكال... لعد ماكو رجعه للبيت
عباله اريد ارجع للبيت ميدري البيت سجني الثاني مجرد هنا ماكو احد يضربني والا نفس الشي الثنين يخنكون
سديم... تمام
تمددت ورجعت غمضت
شهم بقلة صبر... سديمم كومي دا تاكلين
سديم... كتلك ما اكل وبعدين انت ليش هنا
شهم... سدي حلكج وتعدلي دا تاكلين
سديم... كلت ما اكل
شهم... اكره العنوديه
فتحت عيوني وحجيت واني اعيب عليه... بس لا راح اموت اذا كرهتني
شهم... وتالييي
سديم... ما جوعانه
//هو اني كاتلني الجوع
شهم... غصبن عنج تاكلين يلا
اجه لزمني وطلع الاكل لزم وجهي حسيت الفك انخلع صاك على. سنونه ويحجي.... افتحيييي حلكجججج
سديم.... اخخخخ بس عوفني اكل والله اكل... احجي وعيوني مغوركه
ابتعد عني فرك كصته بعصبيه وباعلي بمعنى اكلي
أنت تقرأ
الضباب الرقيق
Romanceالحياة مليئة بالمصاعب هناك من فقد ام وهناك من فقد اب وهناك من فقد الاثنين هناك من فقد الأخوه هناك من فقد الصحبة وهناك من فقد السمع وهناك م̷ـــِْن فقد البصر لكن هل هناك من فقد الحياة نعم بعض الاشخاص يوجد لديهم كل ما يتمناه غيره لكن فاقد للسعاده وال...
