كعدت الصبح منشوله من ليلة البارحه من كد ما بچيت غسلت وطلعت المعلاك قطعته وخليت القوري على نار هاديه ووكفت. اشوي المعلاك عالطباخ لأمي
طبت ناردين
ناردين ...ها كاعده
سديم...اي
ناردين...هاي لأمي
حجتها. واشرت عالمعلاك
سديم....اي
لعد اني اروح انام فدوه والله منعسه اريد اشبع نوم صار هواي مشبعانه نوم انتي اليوم تكفلي بالبيت
سديم...روحي عمري نامي شكد متردين اني هنا بس لو مصليه ونايمه
ناردين... اني نومط خفيف من يأذن عود اكعد اصلي وارجع انام
سديم... لازم سهرتي
ناردين.... هههه اي والله
سديم... لو ماكله وبعدين نايمه
ناردين.... لا ما اريد واذا ابويه والويلاد كالو وينها كليلهم مريضه لأن بعدين اترزل ع الكال نايمه للضهاري ونايمه للضهاري
سديم.... تمام
اجت باستني وراحت واني
حززت طماطه وخيار وصبيت لأمي عصير طبيعي مسوينه بالبيت عصير برتقال بدون شكر وصبيتلي جاي طلعت الجبن وخليت المعلاك بالصينيه واخذتهن ورحت
فتحت باب الغرفه شفت امي بعدها نايمه
سديم...صباحو
سمعتها تكح عرفتها كعدت
خليت الصينيه ورحت ساعدتها تتعدل
سديم... تغسلين
هزتلي راسها
سندتها كامت مشيها وطلعنه ساندتها ساعدتها ورجعنه اخوتي صوتهم كعدو
وديت امي للغرفه امي تتأخر بالصلاه كعدت امي تصلي الضحى واني رحت للغرفه البيها اخوتي لكيت محمود ديخابر
سديم.... ها تتريكون اسوي الريوك
محمود.... يوميه تسألين نفس. السؤال واكلج نتريك بالشغل
سديم.... ليش هيج ضايج مني
محمود... لأن انتي تزوجتي عيب عايفه عيالج وزلمتج وباقيه هنا
سديم... وين العيب وهم يعرفون باقيه علمود امي
محمود.... ميخالف عيب
سديت... انت كول ما اريدج تبقين هنا احسن ما تحجج ولتخاف بس امي تصير زينه اروح وما اثكل عليك
محمود... مو تثكلين اني لمصلحتج
سديم... اتشكرك
طلعت وعفته والمغثه خليتها بكلبي
ريكة وانطيتها ميه شربت واتمددت واني كعدت اكل جايي بارد امي كامت تكح وغصت واني تخبلت حسيتها اختنكت كلت راحت كمت ابجي واصيح الحكوني اجو يركضون اخوتي وابويه كبل غسلو وجها بميه حسيتها شويه افتكت
أنت تقرأ
الضباب الرقيق
Romanceالحياة مليئة بالمصاعب هناك من فقد ام وهناك من فقد اب وهناك من فقد الاثنين هناك من فقد الأخوه هناك من فقد الصحبة وهناك من فقد السمع وهناك م̷ـــِْن فقد البصر لكن هل هناك من فقد الحياة نعم بعض الاشخاص يوجد لديهم كل ما يتمناه غيره لكن فاقد للسعاده وال...
