عمده كفر ابو عجوه
الثامن
سبحان الله العظيم
عدا اسبوع وحياه ويحي حياتهم متفاهمه ولحد ما خدو علي بعض
في يوم كانو قاعدين مع بعض بليل والباب خبط
يحي فتح واتفاجا بدخول رياض وشوشو معاه
يحي : جاين ليه
شوشو : كده يا يويو ، انت مش عايزنا نزورك. هزعل منك
يحي ؛ مش مساله مش عايزكم بس حاليا انا مش لوحدي وحياه هنا
شوشو : ايه ده هي حياه لسه هنا . دي وحشاني خالص
يحي : استني رايحه فين.
بس شوشو كانت داخلت : حياه يا قمر اخبارك ايه
حياه : الحمد لله
استغربت من أفعالها دخلت وباستها ورياض دخل كمان وراهم
حياه بصت ليحي اللي كان وشه مضايق
حياه : اهلا بيكم. اتفضلو ارتاحو
رياض : اذيك يا حياه . مش بنشوفك يعني وكمان واخده مننا يحي
حياه : عادي انا مش بخرج كتير . تشربو ايه
رياض: اي حاجه من ايدك هتكون حلوه ولذيذه
يحي : ما تلم نفسك يا رياض . ايه الأسلوب ده
شوشو : في ايه يا يحي. ده بيجاملها متفهمش غلط .. تعال اقعد عايزاك في موضوع
رياض : خلاص يا عم القموصه بهزر معاها
يحي قعد ..وحياه دخلت المطبخ تجيب حاجه يشربوها
..
بعد وقت كانو الاربعه قاعدين مع بعض
بيلعبو بلايستيشن
يحي : انتي طلعتي قرده اهو وبتعرفي تلعبي كويس
حياه : شوفت علشان قولتلي مش هتعرف
شوشو : انا اللي حظي طلع وحش انهارده
رياض : كان الرهان علي كام يا يحي
حياه : رهان ايه .. انت بتلعب برهان يا يحي
يحي : اه
حياه : بس كده يعتبر قمار
رياض: لا مش قمار. احنا بنلعب عادي
حياه : ده مش لعب . يحي كده حرام ازاي متعرفش الكلام ده
يحي : عادي يا حياه
شوشو : انتي بصراحه دقه قديمه زي ما بيقولو عندكم في البلد .
حياه : لو الحلال هو اللي يخليني دقه قديمه فأنا دقه قديمه وجايه من ورا الجاموسه كمان . بس بعرف افرق بين الحلال والحرام
رياض : كبرتم الموضوع يا بنات . مفيهاش حاجه يا حياه ولو أنتي مضايقه خلاص مش هنلعب بالطريقه دي تاني
