عمده كفر ابو عجوه
الثالث
(سبحان الله وبحمده )
وصلت حياه الكفر بعد ما عربيه والدها وصلتها
ام حياه وهي سعاد ست في اخر الاربعين طيبه جدا
سعاد : حمد لله علي السلامه يا حياه
حياه : الله يسلمك يا ماما . فين بابا
سعاد : ساعه ويكون رجع . قوليلي جدتك عامله ايه
حياه : مطلعه عين عمو اسماعيل ومراته ايناس . كل يوم في حوار شكل .
سعاد : ربنا يشفيها يا بنتي. الزهايمر مش مخليها تفتكر حاجه .. هي جايه أمتي
حياه : شكلها مش جايه
سعاد : ليه كده
حياه : اصلها بتحب ابن الجيران .
سعاد : بنت عيب الكلام اللي بتقوليه علي جدتك ده
حياه : ده ولد لسه في عز شبابه بتقف في البلكونه وبتفرد شعرها ..
سعاد : انتي بتتكلمي بجد
حياه : والله يا ماما . ده لسه في عز شبابه عنده تسعين سنة كده
ضحكت سعاد : يا بنتي بلاش تتريقي هي مش عارفه بتعمل ايه
حياه : ده انا مش بعمل اللي بتعمله دي عايزه تصبغ شعرها احمر
سعاد : ههههههه
دخل صفوان : مين دي اللي عايزه تصبغ شعرها احمر
حياه بخوف : دي ماما
صفوان : احمر يا سعاد ، هو انتي فاكره نفسك لسه صغيره
سعاد بصت لبنتها : ده انا كنت بهزر يا صفوان . طبعا مش هصبغ احمر . انا اتجنينت يعني
صفوان : اه. انا استغربت برضو .. ازيك يا حياه
حياه : الحمد لله يا بابا
باست أيده باحترام
صفوان : تعالي اقعدي. عايز اتكلم معاكي في موضوع مهم
حياه : موضوع ايه ده
صفوان : موضوع الجواز . انتي خلاص كبرتي ولازم تتجوزي
حياه : بس انا يا بابا لسه في الجامعه ومش بفكر في الموضوع ده
صفوان : انا قررت و خلاص . عايزك تقعدي مع العريس
حياه بقلق : ياعني هقعد وبس صح
صفوان : اه
حياه : ماشي
صفوان : الناس هتيجي بكره بعد صلاه العشاء . جهزو نفسكم
في اليوم التاني
.كان يحي مش طايق نفسه قاعد في بيت المأمور ومعاه العمده حسنين وامه عزيزه
