عمده كفر ابو عجوه
التاسع
سبحانك اللهم وبحمدك أشهد أن لا إله إلا الله
وإن محمد عبده ورسوله
تاني يوم صحي يحي وحياه علي صوت الجده
الجده : انت اتغرغرت ببنت ابني . يا لهوووي تعال يا صفوان شوف بنتك سلمت نفسها لعيل معفن
حياه : يا زينه حرام عليكي استري عليا
يحي : يا فضيحتك يا يحي
الجده : والله لابلغ عليكم بوليس الاداب يا جزم
صوت خبط علي الباب . وقفت الجده تفتح
يحي : استري نفسك انتي كمان
حياه : يا بني انت مجنون .. انا لابسه بيجامه محترمه
يحي : اه صح .. ايه البيجامه المعفنه دي .
حياه : لو سمحت متشتمش في بيجامتي انت عارف دي بكام
يحي : بكام
حياه : ١٥٠ جنيه
يحي ؛ ياااه عرفتي تدفعيهم .. ليه جايه علي نفسك كده
حياه : خليك في نفسك يا يحي . قوم اما نشوف اللي بيحصل
يحي : مش كنتم قولتلم كده من الاول
حياه : قولنا ايه
يحي : انكم عيله مجنونه
حياه : طيب احترم نفسك بقي بدل ما اخلي تيته تيجي تعضك
يحي : لا . وعلي ايه . انا ناقص دي ممكن تسعرني
حياه : علي اساس انها كلب يعني . دي جدتي اللي بتتكلم عليها دي
يحي : جدتك بتفضحنا حاليا وهتبلغ بوليس الاداب علينا
حياه : مريضه يا اخي . مش شايف . حرام عليك تتريق عليها
يحي ؛ اوكي . متجيش تشتكي بقي
حياه : انت طلعت قاسي اوي
يحي ببرود : بجد ..مكنتش اعرف
....
الجده : واقف ليه يا صفوان تعال شوف بنتك الساافله نايمه مع واحد علي الأرض
ام حياه : يا لهوووي علي الأرض ..
الجده : اه. علي الأرض . انا هخلي ابني يطلقك . معرفتيش تربي البت
ام حياه : نايمين علي الارض ليه يا ولاد .. منمتوش علي السرير ليه
الجده : هو كل الي همك أنهم نايمين علي الارض
ام حياه : اه طبعا
الجده : ينفع كده يا صفوان .. مراتك متقعدش علي زمتك ثانيه واحده
صفوان : يا امي قولت مليون مره دول متجوزين.
الجده : جوزتها من ورايا . اخص عليك يا صفوان
