عمده كفر ابو عجوه
الثاني
👑سبحان الله وبحمده . سبحان الله العظيم 👑
عزيزه اتصلت بابنها اللي كان لسه راجع البيت
عزيزه : الحقني يا ولدي . الحق ابوك . خلاص بيروح منينا
يحي : مالو يا اما
عزيزه : تعبان وارقد راس براس ويا حبه عيني السخونيه هتسيح مخه . وشكله أكده بيودع خلاص . تعال شوفه قبل ما يقابل رب كريم
يحي. : مسافه الطريج وتلاقيني عنديكم. سلام
قام بسرعه يحي ولم هدومه ونزل علي العربيه علشان يسافر للبلد ويشوف أبوه
وبعد ساعات وصل يحي كفر ابو عجوه
دخل وهو ملهوف علي والده : ياما. يا بوي.
الشغاله : خبر ايه يا سي يحي . مالك عتزهعق ليه
يحي : فين ابوي وامي
الشغاله : نايمين فوق. مالك أكده وشك مخطوف . تكونشي مكوبس
يحي : ايه مكوبس دي
الشغاله : يعني حلمت بكابوس
يحي: لا ياختي محلمتش بزفت كابوس . انا طالع لامي
الشغاله : اطلع يا بن امك
وطبعا كانت بتتكلم بصوت واطي ..
يحي طلع خبط علي باب الاوضه . فتحت عزيزه وهي نايمه. : خبر ايه
يحي : امي . ابويا كيفه
عزيزه : كيف القرد .
يحي : قرد ازاي . انتي مش قولتي تعبان ورايح راس براس
عزيزه ؛ اااه . يا حبه عيني تعبان . بص نائم كيف الجاموس علي كرشه
يحي بصلها : يعني تعبان وله لا
عزيزه : تعبان يا ولدي. .ادخل اوضتك ارتاح والصبح اطمن عليه .. نورت دارك وكفر ابو عجوه كله منور بيك يا قلب امك
يحي : بنورك يا ما . تصبحي علي خير
دخل اوضته و من كتر التعب والارهاق نام بهدومه
وصحي تاني يوم علي ستاره بتفتح علشان الشمس تضرب في عينه
يحي : عايز انام. سبوني اتخمد
عزيزه : قوم يا ولدي. ابوك منتظرك تحتيحي : شويه ياما
عزيزه. : قوم اطمن عليه.
يحي فتح عينه : هغسل وشي وانزل وراكي
عزيزه : ماشي
نزلت عزيزه وقعدت جنب حسنين
عزيزه : زي ما اتفقنا اعمل نفسك عيان علشان الواد يرضي يقعد أهنأ . ومثل عليه ان المأمور حطك في رأسه