وتمر بيه
طوايف شوگ ،
واتذكر ضحگتك وانسى كل حزني❤️“
●●●●●●●●●●●●●●●
صباح الجمعة
12:00
محافظة الحلة
كعدت من النوم شفت الكل كاعد قبلي جاي يصلون الظهر شلت فراشي حطيتة عل طبلة بزاوية غرفة اهلي نحط عليها الغراض طبيت للمطبخ غسلت وجهي واسناني لكيت ماما طابخة مركة شجر الاكلة نص الشعب العراقي ما يحبها بس هيه تحبها في اسويها وغصبن عنة ناكلها تافأفت بملل وطلعت للصالة لكيتها كملت صلاة نمت عل رجلها كعدت تلعب بشعري احب هاي الحركة كل ما اكعد عل رجلها اسويها
هبة :- صباح الخير ماما
ام هبة :-يا خير وانتي كاعدة الساعة ١٢
هبة :- وذا كعدت الساعة ١٢ شبيها يعني مو جنة نكعد الساعة ١٢ لو ختلف الوضع جا هبه ضلت نايمة وحدة
ام هبة :- بعد ماكو نوم ل١٢ دخل علينة واحد شنكلة تانو بناتنة نايمات بل صالة خلي يكعدن يلة
هبة :- ماما بدينة يعني شنسويلهم الواحد وين ينام
ام هبة :- شنو هل مرادد ولج لا تردين الكلام علية
زمرد :-هو ما عم علينة غير دلال بابا الها
هبة :- شبيج انتي غيرانة مني جا ميدللجن
ام هبة :- هبة لا تحجين وي اختج الجبيرة هيج
زمرد :-ما عدها اخلاق نسيتو شلون تربوها اذا متربوها اني اربيه
هبه :-هاي شبيكم استلمتوني اني شكلت ترة والله اكل ال بابا عليكم
ام هبة:- ي كولي وشوفي اذا ما خدج افرة فر
هبه :- لا حول الله اكوم احسلي
شلت راسي عن رجلها واخذت ايبادي بي العاب ورحت يم بيت عمي جاسم بل صالة كاعدين بيها جدو وبيبي باوعت من الشباك لكيت جدو كاعد عل تلفزيون باوعت عل جهه الثانية بيبي مريضة ونايمة اول مطبيت عليهم درت وجهي ومشيت لغرفة عمي وعمتي لكيتهم كلهم مجتمعين هناك جاي امشي وسمعت صوت اخذني الغير عالم هذا الصوت كلش احبة استحيت ادخل احسة يكشفني رغم صغري ما اعرف شنو الحب بس احس كلبي يركض بسرعة وجهي صار نار شسوي لازم ادخل دخلت لكيتة كاعدي يم بت عمي الجبيرة انوار
هبة :- شونك حسام
حسام ابن عمو سرمد من مرتة الثانية بذاك الوقت عمرة ١٧
حسام :-هلا هباوي شلونج
هبة :-زينة الحمد الله كعدت وهو عيونة مشالها عني
كعدو يشاقون واني اسمعلهم
انوار :-حسام الله عليك خلي اخذلك خيرة اشوفك الي تحبها تاخذها لو لا
حسام :-يلة خووش
اني شمرت الايباد وكعدت اباوعلهم انوار تباوعلي بحذر
حسام :- مبينة يمعود الي
انوار :- ههههه واثق
هبة:-اني اني اخذلك حباب
حسام ضحك وباوع ال انوار
حسام:- اول مرة اشوف وحدة تاخذ الروحها
طن ضليت صافنة مفهمت هذا حجة علية لو شون جد ما عرفت وهو حجابها بصوت ناصي
انوار :- ههههه معليك بيها بعدين تفهم
هبة :- هههههه شتحجون انتم والله كلشي مفهمت
حسام :-سكت وكام يحجي وي انوار
حجيت وي اماني الي هيه بت عمي صديقتي
هبة :- اكلج جانو يحجون علية موو
اماني:- يمكن
هبة:- فدوة لله شكد حلو
اماني :- وين حلاتة
هبة:- انجبي اماني والله ازعل وياج هو صدك جنه ابو بريص ضعيف وشعرة سبايكي وبنطرونة ضيك بس هو ابيض مدري شون حبيتة قبل ولو القرد بعين امة غزال جان احلى واحد بعيني فتحت الايباد وضليت العب واماني بصفي كاعدة نلعب سوة كل ما ارفع راسي الكة حسام يباوعلي اووف فدوة الربة طلعت انوار طلعت وراها
هبة :-اكلج نونو الله عليج شنو حجيتو قبل شوية
انوار :- اكلج بس مو دكولين
هبة :- والله ما اكول بس كولي
انوار :-قبل لا تجين ماما جانت اصلي من خلصت كلتلة حسام انت تحب منو
هبة :- ييي
انوار :-كاللها احب هبة
هبة :-صدك والله
انوار :-يي والله شبيج
هبة :-من الفرح عفتها ورحت اطفر مكيفة بس شون يحبني اني بعدني صغيرة زين هو شنو الحب يعني مثل الي بل مسلسلات كال الها احبج وبس صارو يحبون كمت اسال نفسي اسألة غبية وما اعرف اجاوب صرت حيل استحي منة من يجي ما اروح اسألم علية يوم من الايام
كاعدة العصر العب وي اماني اندك الباب في ركضت افتحة اول ما فتحت صار بوجهي اخوالي ثنين وبيبي
هبة:-هلووو بيبي سلمت عليهم وطببتهم جوة جان امبين عل اهلي انو يدرون بجيتهم يعني مو صدفة
خالي احمد:- هلو هباوي شلونج خالو
هبة :-الحمد الله بخير
ام احمد:شلونج بيبي
هبة:- تمام بيبي بخير فوتو جوة
دخلتهم لجوة وشردت لان ما احب اكعد يم اخوالي ما ادري شي يزعجني اصلا ما احب ابقة يم الخطار عفتهم ورجعت يم بت عمي كعدنة نلعب ونسيت اخوالي اجة اخو اماني الصغير
علي:-هبة هبة
هبة :-هاا
علي :-تدرين اخوالج ليش جاين
هبة:-لا ليش
علي :-جاين يخطبوج
هبة:-دنجب جذاب
علي:-والله كومي اسمعي
كلبي كام يركض شيخطبون مني واني عمري ١٢ سنة وكفت يم الباب اسمع الهم
بابا:-كبع واخذ اصلا هيه بتكم من يوم ما نولدت يمكم وانت حجزتها ال ابنك ونيشانها موجود
هبة:- (نيشانها موجود؟)حطيت ايدي عل اذني اذكرت التراجي الي مشتريهن الية اول منولدت تراجي ذهب افف لو احسلي ملابستهن مطلعن تراجي نقمة
●●●●●●●●●●●●●●●●●●●●
أنت تقرأ
حب محجوز
Romanceفي أشد لحظات حزني لم أصرخ، لم تكن مشكلتي في إنني وحيد ولا أحد معي في هذا الحزن، كنت أفكر في أمرٍ واحد فقط، هو كيف سأقضي ما تبقى من عمري بكل هذا الخراب في قلبي؟! ...
