حب محجوز

البارت السابع ...

ما بينة واحد غلطان
قررنا لازم نبتعد ونتعلم اعله النسيان
واحنا مثل اي اثنين
حبوا ، واتعبوا ، وبالاخير تفاركَوا...
والسبب مو منهم جان
اتمنى لو خايني ، لو خنتةه اني!!
ع الاقل نترك عن كره مو واحد يحب الثاني
هذا الشعور يتعب وتعبني
يفلشون حلمك وانت توك تبني
اه يا اهلنا المايقدرون الحب
الخلوا عيوني العاشكَة دموع تصب🖤
●●●●●●●●●●●●●●●

اذا ميريدني ليش ما يكول شنو ذنبي اني بعدوني عن حسام علمودة وهسه يكول ما اريدها اخذ شخص يحب وحدة غيري واني احب واحد غيرة هاي شلون راح ترهم حيرة يا ربي زين ميكول يعني يريدني اخدم امة وبس ادري بي يعرف انو اني حاجيتة لهيج حجة هذا الحجي ربي قدم الي بي الخير نمت واني ما ادري بروحي

كعدت الصبح ما نايمة زين من التفكير جسمي احسة مكسر حضرت روحي حتة نروح الكربلا واه عشقي الزيارات واحب شي اسمة طلعة عسى ما يودوني لباب الشارع لازم ابدل تبديلة كاملة يلةاطلع حتة مرات احصل عيطة هههه طلعنة بل سيارة اني واهلي كلهم وبدو ماما وبابا وعادل يتناقشون انو خوالي رجعو حاجين بل موضوع ويردون يجون يخطبون اني بكلبي اكول هو اصلا ميريدني عل شنو مسوي هاي الخطبة عود كاتل روحة علية اذا ما اخليك اشوف الويل بسيطة دخلنة كربلا وجانت الاجواء كلش حلوة دخلنة للداخل ريحة عطر المراقد تخبل احس براحة من اشمها وي نسمة البرودة احس اعصابي كلها ترتخي لزمت الشباك وضليت ادعي

هبة:- ربي بجاة مصاب الحسين عدك دليني عل طريق الصح نور دربي اذا جان بحسام الخير خلي الي واذا لا بعدة عن دربي وهديلي محمد علية ما اريد مشاكل من اول مرة اعرف هسه بس اروح راح يفتحون اهلي وياي الموضوع مرة ثانية اني حايرة محمد ميريدني واني ما اريدة شلون نعيش بيت واحد وغصبن علية لازم اوافق كعدت ادعي وابجي اريد اشوف حياتي اصلا ما اريد ازوج طلعنة من الزيارة تغدينة هناك وصورنة اكيد ورجعنة طريق الرجعة بالي ابد مو وياهم ما اريد اعكر مزاجي سماعاتي بأذني واسمع قصائد كلش حلوة رجعنة للبيت الدنيا المغرب حيل تعبت رحت للصاله اف ماكو غرفة واحد ياخذ بيها راحتة بدلت ولزمت تليفوني ما شفت رسائل من محمد وكأنو حجة الي يريدة وخلص ما حاول يعرف ليش اختفيت وين صرت شمرت تليفوني ونمت

ام عادل:- كومي هبة كافي نوم شنو لا شغل ولا عمل

هبة:- هاا ماما هاا

ام عادل:- كومي الساعة ١٢ كومي نضفي اماعينج خلصيني

هبة:- عدج خمسة غيري اله اني

ام عادل:- يي عل جدول

هبة:-يبو يبو عل حض

ام عادل:-وعلو يلة خلصيني بس اكل ونوم لا شغل ولا عمل مدري شون راح تزوجن اضن يرجعوجن عل كلبي

هبة:-هذا الحجي دوم نسمعة رحت للمطبخ لكيتهم متغدين غسلت الماعين وحطيت اكلي واكلت رجعت للفراش الحل الوحيد للتخلص من الدنيا الفراش طلعت مسلسلي وكعدت اتابع تركي اسمة (انت في كل مكان ) للمغرب صاحني بابا وهنا احس الدنيا وكفت

ابو عادل:- هبة هبة

هبة:-نعم بابا

ابو عادل:-تعاي

هبة:- اجاك الموت يا تارك الصلاة

هبة :-هاا بابا

ابو عادل :- كعدي

ابو عادل:- شوفي هبة انطيتج مجال هواي هسه تختارين واحد من الاثنين لا اكسر راسج بسرعة ابن عمج لو ابن خالج

هبة:-بابا ما اريد لا تجبرني

ابو عادل:-اختاري هبة كافي فضايح

هبة :-احس لساني نعقد ما اعرف شختار اختار حبي لو اختار مستقبلي احس محمد مستقبلي وحسام حبي يا ربي اذا واحد بي خير الي خليني احجي ما اعرف شختار مراهقة تمشي ورة الحجي ما اعرف وين الحجي الصح اني طفلة بعدني ويني وين الحب والزواج شسوي يا ربي

ابو عادل:- احجي منو

هبة:- محمد

ابو عادل :- احنا لعبة عدج ساعة محمد ساعة لطام فهميني شنو الموضوع امشي ولي وراح ارد جواب الابو محمد واشوف بعد مطية تحجي فهمتي لو لا مضحكة عدج

هبة:- لا بابا

ابو عادل:- اشش ولا حرف امشي ولي

هبة:-طلعت واني مصخمة وجهي رحت فوك وركضت وراي اماني

اماني :-ها هبة شبيج

هبة:-صخام الوجة ولج اصخم وجهي

اماني:- شكو احجي شكو

هبة:- منو الخاين اني لو هو منو الما وفة بوعدة منو العاف الثاني حسام عافني مو لو اني عفتة احجي اماني منو الخان فدوة

اماني:-اختاريتي منو احجي

هبة:- اختاريت محمد اماني الله عليج شون اختاريت وعفت حسام اريد حسام هسه شسوي ابوي راح يردلهم خبر ما اكدر اخذ محمد ميريدني راح اختنك اماني ما اعرف شسوي اقبل موو

يتبع...