حب محجوز

البارت الخامس عشر ...

1444/4/4
تاريخ مميز مثل عيناك 🤍
●●●●●●●●●●●●●
هبه... تمام... اتصل هوه ف جاوبته
حسام... شلونچ
هبه.... زيننه يمكن
حسام... هبه
هبه... ها
حسام...  ليش محاولتي وياي ليش ثبتي عل حجي اهلج ليش مخليتينة نشرد
هبه... حسام من كل عقلك نشررد شنو انت فاهم الي دتحچي تريد تخرب حياتي اكثررر وترا هم بعد ما تسوة واحد يحجي بيها انت كسرت الثقة وامك كامت اطلع حجي وتكول خلي بتكم تعوف ابني
يمكن اهلك ما قابلين بية بس علمودك واصلا انت ما قابل بية بس لان كسرت خاطرك كلت ليش اعوفها
حسام... هبه انتِ شلون تفكرين هيج خيالج واسع
هبه... هه لا غلطان هذا مو خيال هذا واقع اني علمودك خليت اهلي ما يثقون بية بعد اصلا عرسي ما اعرف شلون تم بشهر واحد راح ازوج ما عرفت شنو معنى انو وحدة اجهز لنفسها وتفرح كلشي يكلولي علية اكلهم بكيفكم محسيت بشعور فرحة الي تحس بيها كل بنيه بفترة الخطوبه واصلا مصارتلي فترت خطوبه مثل كل البنات بشهر واحد خلص كلشي وراح ازوج  ولسبب انتَ حته من امي اجت حاجتني دكلي يردوج للجبير مو للزغير كلتلها بكيفج ما يهم لهل درجة وصلت
حسام... هبه اتمنه تسامحيني وخلص انسي كلشي ومحد مكتوب للثاني واني اعتذر انو كل هذا صار بسببي ودمرت حياتچ
هبه... الله يوفقنه بحياتنه.... ضلينه نحچي على انو شنو جهزت وهوه شنو جهزز يعني اشياء عاديه بس ضلينه كل يوم نتواصل لمدة 4 ايام نحچي مع بعض بس مجرد سلام وهاهيه لحد موصلنه ل اخرر يوم
باچر عرسي حسام الامر حياتي محتكون بس الي اكو من راح يشاركني بييها مراح اضل هبه الي تگعد ب 12 الضهرر وتخلص وقتها نوم ومبايل حيتغير نضامي وحياتي راح اعيش مع شخص قبل شهر تعرفت عليي وعلى شخصتيه متخيلين كمية التوتر؟!... صار اليل ورحت اريد انام من وكتت لان صبح لازم اروح للصالون لمهم رحت اريد انام ونفس الافكاررر رجعتلي.. هبه من باچر حتكون عليچ مسؤليييه كلشش چبير شلون راح تتحمليها بعمر ال 16 سنه هذا عمر مراهقه اني هسه لازم اطلع واتونس واعيش حياتي مو ازوج بس انتي جبتيها لنفسچ قبل لا انام فتحت مبايلي وردت انهي السالفه مالت حسام دخلت على حسسابه ودزيتله
هبه...خلص لهنا وراح ينكطع كلشي كل واحد وقسمتة اتمنى واحد يسامح الثاني ونبدي حياة جديدة لا انت اضل بنفسي ولا اني اضل بنفسك الي صار مو بدينة كلشي قسمة ونصيب واتمنالك حياة زوجية سعيدة والف الف الف مبروك بل رفاة والبنين .  هووووف الله كريم لمهم نمت. وگعدت تقريباً ساعه 8تريگت وبدلت ملابسي وحضرت نفسي حته اروح للصالون ولبيت چان ممممملي بالبنات بس مو لكل گاعد لمهم طلعن وياي البنات الي حيرحن وياي وطبعا اخذت لبدله وغراضيي وصعنه بسياره ف اخويه وصلنه ب 9 طلعت وب 3 الضهر رجعت نص ساعه وصلنه للصالون بالبدايه تعرفون تنضيف بشره واضافر وسوالف لعنايه قبل لمكياج طولنه ساعتين تقريباً دور بدت بامكياج وهوه كلشش يطولل وهم مو بس مكياج وأنما مكياج وتسريحه.. طبعاً مشغلات اغاني ويضحكن. يسولفن ويايي وتخلي مكياج واني بالي مو يمهن نهائياً لمن خلصنه لبست البدله طبعاً چانت كلششش حلوه يعني بدون غرور وكذا بس بدلتي چانت احلا بدله بين بدلات العرائس الي صارن عدنه وحته لمكياج ولتحضيرات لمهم خلصتت واتصلو على زوج اختي ابن عمتي هوه الي رجعنه چانن وياي صديقاتي زهراء وزينب وأماني چانن گاعدات وراي ويمهن اخواتي درت وجهي الهن ولگيتهن يبچن بسرعه التفتت لان بس ابچي كلشي يخرب واني شون اذا ابچي ما اسكتتتت بعد.. لمهم وصلنه للبيت واول منزلنه صارت لهلاهلل ولهوساتت يعني يمكن احلا استقبال عروسه شفته البنات گلبن البيت حرفيييآ وگفلات واغاني دخلت للبيت  وصوت الهلاهل يمشي ويايي گعدت على كرسي حته ارتاح لان مبقه شويه ويجونن بس طبعاً متفوتني شغله لبنات صارن يغننن ويرگصن ومطلعين ساجده عبيد رئيسة الاعراس ف گومني وياهننن گمت وياهن وهنه چانن يغنن وي الاغنيه گمت ركصتت شويه واختي الچبيره چانت حامل ف ترگص وبطنها طالعه گدامها متتتت ضحك عليها وبعدها لازم اخذ صور تذكار وهيچ ف دور صار وقت اشمر المسكه وگفت بنص ولبنات كلهن ورايي واريد اشمرها ومتحضرات تاليها دروت وجهي الهن وتقدمت الاماني انطيتها الورده. لمهم رجعت يرگصن واني رجعت لمكان شويه وگالو اجه لعريس.. لحضه هنااا كلشي تغيرر هنا احس توتر وخوف وقلققق حته صخنت شنو هل خوف. اليي تماسكنيي دخلوو همه وبعدها اجه وگف يميي وشتغلت الاغاني هوست وحده من البنات
زينب.... جبناهاااا الككك امم فقار حلوووه ولعيون كباررر
البنات... جبناهااا الكك ام فقاررر حلوووه ولعيون كباررر
گولللييييششششششش
لبنات.... جبنالكك ورده تشمم بيها بس كون الورده داريها
گوللللليشششش
ام مهدي(الخاله)... اخذنننه شمعععة بيتكم ولفلوسس متفيدكممم
ام جعفر (الخاله)... لدبببچللككك دبچ وكسرر الكاشييه احننه اهل الولد موش اهل البنيه
گولللللليششششش
هبه... تقدم يميي وغيرنه اماكن الحلقات بعدها قبل جبيني وگال
محمد... مبروك النه حبيبتي
هبه... ا الله يبارك بيك.... طلعنه من البيت وصعدت باسياره واني كلييي توتررر وخوففف بس باسياره شويه خفف عني لان  صورنة بل سيارة جان الجو حلو كل شوية يهمس بأذني كلام غزل وي الغنية يغني يطك اصبع يعني تونست  حسيت هو فرحان اكثر مني
تصنعت الفرحة ويا وصلنة للبيت طبيت للصالة وهو كعد يمي بس وصلني وراح اخذت نفس راحة حسيت بوجودة بل توتر وضيق فتحت القرأن عل صورة النور وكمت اقرا اخفف عن نفسي.. بعد هنه بنات خوالي وشي ضلو يرگصون وهاي السوالف وتعرفون العراق الكهرباء بي تخبل ف انطفت خفت يصير شي بالمكياج ف سمعت وحده من خالات محمد گالت
الخاله... هسه نطفت الكهرباء وراح نعرف الشكل الحقيقي ويروح لمكياج
گمره... لا خاله لتخافين احنه من الله حلوات وحتلو راح لمكياج ماكو ضرر
الخاله... هااا
گمره... اييي