حب محجوز

البارت الحادي عشر ...

هي لا تعلم أنّه ينتظر منها نصف كلمة، وهو لا يعلم أنّها تنتظر منه البدء، غريبة فلسفة العشق❤
••••••••••••••••••••••••••••••••••••••••

كعدت الصبح مر اليوم عادي بين تنضيف لان مراح يجون باجر يجون اليوم

ام عادل:- ابشرج من يجون عود افضحينة

هبة:-شعلية كولي ال ابن اخوج

ام عادل:-ياا حمودي بعد روحي خوش وليد

هبة:-واني الطايح حضي موو

ام عادل:- لا انتي هم وردة

هبة:-خووش خوش شوكت يجون

ام عادل:-عل عشة يباتون هنا

هبة:-فوكها ينامون هنا

ام عادل:-جنة ما عاجبج

هبة:-لا صدك جذب بعيني اخلي

ام عادل:- يي هيج اريدج

عفتهم وحضرت باجر شلبس حضرت ملابسي وغراضي ولزمت التليفون لكيت دازلي رسالة

محمد: بعد شوية من نجي لا تحتكين بية خوش

هبة:-ليش يعني

محمد:-بكيفي

هبة:-محمد ترة مو حلو هذا الحجي متريد افسخ الخطوبة اني مو لعبة بيدك

محمد:- هبة مو بيدي صدكي

هبة:- مثل ما انت جاي تستحمل اني همين

محمد:-شنو تستحملين غصبن ما عل راسج فهمتي

مرديت علية يعني اني شنو ما عدي احساس يحجي وياي هذا الحجي واذا ما احبة وما يحبني عاد يحترمني
كعدت اكلب بل فيس دزلي رسالة

محمد:-زعلتي
* اسف يلة لا زعلين
*مو صوجج صوجي اني الي جاي احجي وياج

مرديت علية يستاهل

ام عادل:-يلة يمة هبة كومي عدلي روحج

هبة:-يي ماما كمت لبست ثوب ماروني جرجيت ناعم وشال بيجي واكسسورات حطيت مكياج خفيف طلعت توب

ابو عادل:- خابروني وصلو حضرو روحكم

هبة:-حسيت كلبي كام يركض من الخوف والخجل عفة كلب كل شوية يركض

طبو علينة واحد واحد سلمت عليهم وهو جان يصف السيارة بقيت وكافة متانيتة يدخل همة كلهم دخلو للبيت

دخل يعدل بشعرة

محمد:-، السلام عليكم

هبة:-وعليكم السلام اهلا

محمد:-شلونج شخبارج

هبة:-الحمد الله بخير تفضل

محمد:- عابت تريد بس تخلص مني

عافني ودخل

هبة :-ننننن حته مكال حلوة تخبلين اتغزل يربي ما معقولة هذا شكل واحد خاطب

عفتهم وسكنت المطبخ استحي اروح لحد ما اجتي امي

ام عادل:- ما تمشين

هبة:- شعدي رايحة غير انصب العشة

ام عادل:- هسه شوية ويجيبون امشي اكعدي

هبة:- اوك رحت للاستقبال باوعلي وضحك

سويتلة ها اشرتلة بيدي سوالي اطلعي طلعت للطارمة

كعدت عل كراسي هو اجة كعد بصفي

محمد:- هبة

هبة:- اممم

محمد:- اني اسف عل حجيتة

هبة:- عادي مصار شي

محمد:- فدوة للحنينة كومي وياي ولا اكلج ابقي هسه جاي

هبة:- بقيت كاعدة شفتة طلع للشارع ورجع وياة بوكس دائري بي ورد وردي وابيض كلش حلو اجة كعد يمي

محمد:- الورد للورد

هبة:-هههه كلش حلوة عاشت ايدك

محمد:- اعتذار بسيط

هبة:-مقبول اعتذارك

محمد:- افتحي الهدية

هبة:-فتحت العلبة من جوة لكيت بيها حلويات

محمد:- ردت اصير رومنسي ولو انتي تستاهلين

هبة:- شكرا محمد

محمد:-حبيبي يلة كومي ندخل نتعشة

هبة:- دخلنة نتعشة خلصنة شلنة الماعين وغسلتهن كعدو يتناقشون عل عقد صارت الساعة ١٠ لكل نام راحو للغرف اني رحت يم بيت عمي انام هناك لان محمد وعادل ينامون بل غرفة اجتني رسالة

محمد:-انتي وين

هبة:-عد عمامي

محمد:- اطلعي للحديقة خلي نحجي

هبة:- تمام حطيت حجابي عل راسي وطلعت لكيتة واكف يم الورد يباوع عليهن

هبة:- همم

محمد:- حبيت نسولف

هبة:- بس بدون عرك فدوة

محمد:-هههه لا ما نتعارك

هبة:- عل شنو نحجي

محمد:- شنو ادرسين

هبة:- اني طالبة ثالث

محمد:-بعدج صغيرة

هبة:-نننن اصغيرة عليمن خطبتني

محمد:-من لا جارة

ضلينة نسولف سوالف عادية لحد متأخر الوقت

هبة:-يلة اني اروح اتأخر الوقت

محمد:- يي براحتج اني هم اروح انام

ردت امشي صاحني

محمد:- هبة

هبة:-امم

تقرب علية

محمد:-انتي ليش حلوة

هبة:- ها من الله مدريني

محمد:- هنيالي عل هيج مرة

هبة:- ههه ي طبعا هنيالك علية

سكت ما حجة تقرب علية حيل وباسني بخدي طول بل بوسة

محمد:-ما تنشبع

هبة:-ها احم

محمد:-شوف الخجل ربي امشي روحي بعدين اراويج وين مكانها الاصلي من اصيرين مرتي

يتبع....