တစ်ညလုံးစွေထားတဲ့မိုးကြောင့် မြက်ခင်းပြင်စိမ်းစိုတို့က မိုးရေတို့ဖြင့်လူးနေကြသည်။ နေခြည်ကဖြာမထွက်နိုင်ဘဲ မိုးသားတိမ်လိပ်မဲတို့နောက်မှာ ဖုံးကွယ်ထားခြင်းခံရ၏။ ယခုရက်ပိုင်းအတွင်း မုန်တိုင်းကြောင့် လေထန်ပြီးမိုးအဆက်မပြတ်ရွာနိုင်သည်တဲ့။ အခန်းထဲကမြင်ရသည့် မိုးရေချိန်တိုင်းတိုင်လုံးကြီးကတော့ ထုထည်ကြီးမားစွာဖြင့် မိုးသက်လေကြား မားမားမတ်မတ်။
"နိုးနေပြီလား ကိုသူရိန်"
"နိုးပြီ။ ကျွန်တော် တော်တော်အိပ်ပျော်သွားတာ"
အရှက်ပြေရယ်ရင်း ဂုတ်ပိုးကိုလက်နဲ့ပွတ်သပ်လိုက်မိသည်။ မိုးအေးအေးနဲ့ ဘယ်လိုအိပ်ကောင်းသလဲမေး။ စားပွဲပေါ်ကနာရီကိုလှမ်းကြည့်တော့ နေ့လယ် ၁၁နာရီပင်ထိုးတော့မည်။ ဖိုးသားက ပရော်ဖက်ဆာနဲ့သွားတွေ့ပြီး ရန်နောင်က နောက်တစ်ချိန်စာမေးပွဲအတွက် library ပင်ရောက်နေလေပြီ။ ကိုကြည်ရှင်းကတော့ မိုးအေးလို့ အခန်းမှာပဲ စာလုပ်မည်ဆိုသည်။
"မနေ့ကခရီးလည်းပန်းသွားတာကို မနက်စာ ဘာစားမလဲ။ ခေါက်ဆွဲထုပ်တွေတော့ရှိတယ်။ ကြက်ဥလေးထည့်ပြုတ်ပြီး စားမလား"
"တော်ပြီ။ ကျွန်တော် ကော်ဖီပဲသောက်ချင်တယ်။ ပြီးမှ နေ့လယ်စာနဲ့ပေါင်းစားမယ်"
"အတော်ပဲ။ အိန္ဒိယပြန်သွားတဲ့ ကျောင်းသားဆီကလက်ဆောင်ရထားတဲ့ ကော်ဖီရှိတယ်။ ကျွန်တော် ဖျော်ပေးမယ်"
စကားပြောရင်း ဧည့်ခန်းတစ်လျှောက် တံမြက်စည်းလှည်းသွားတာမြန်သည်။ ယောက်ျားလေးတွေချည်းနေကြတယ်ဆိုပေမယ့် အခန်းက ညစ်ပတ်ပွထနေတာမျိုးမရှိ။ လျှော်မယ့်အဝတ်တွေဆိုတာလည်း အဝတ်ခြင်းထဲမှာပဲဖြစ်ပြီး နှစ်ကန့်ပါဗီရိုထဲမှာပဲ အဝတ်တွေကသူ့နေရာနဲ့သူ။ တစ်ယောက်တစ်ခန်းအပိုင်စားရပေမယ့် ဖြစ်သလိုမနေကြ။ နာမည်လို သပ်ရပ်သန့်ရှင်းတဲ့လူကြောင့်လား ဖိုးသားနဲ့ရန်နောင်တောင် ည မအိပ်ခင် တံမြက်စည်းလှည်းပြီး အမှိုက်ပစ်သူကပစ်တာလည်း တာဝန်ကိုယ်စီယူထားကြပုံမျိုး သူရိန် သတိထားမိသည်။ မီးဖိုချောင်မှာဆိုလည်း ပန်းကန်လုံး၊ ပန်းကန်ပြားတွေက စီစဉ်တကျ။ အိုးခွက်တွေဆိုတာလည်း စင်ပေါ်မှာအဆင့်ဆင့်နဲ့ညီညီညာညာပင်။
