جعلتني مدمنا بالقرآن

11

إيمان مصطفى كامل
"كاتبة الصمت"
انجي : انتوا ال خليتوا ابني ياسلام صح و لعبتوا في دماغوا صح استغليتوا حب  ابني ليكوا و طيبته و لعبتوا في دماغوا اكيد الفكره مش هتيجي في دماغ جاك عادي كده انتي السبب صح انطقي

نشوي: انتي بتقولي ايه دينا مش كده دينا مفيش حاجه اسمها نلعب في دماغوا دينا فيه محبه و ترابط كل ال واجب علينا اننا ننصحه مش اكتر و هو حر عاوز ياسلم تمام مش عاوز تمام بردوا مش احنا ال هنحاسبه ربنا ال هيحاسبه و لعلمك بس انا لسه عارفه الصبح ان جاك اسلم و اتفاجات و انا متكلمتش مع حد لان موضوع زي دا عارفه ان هو حساس و بعدين اصلا دي حاجه تفرحني مش تزعلني بس للاسف مش انا ال اقنعته و لا اتكلمت معاه في حاجه زي دي 
انجي: يبقا يوسف ال لعب في دماغه

نشوي: يوسف مكنش يعرف بردوا يوسف عرف لما اتصل  بيه عشان يجي معاه يخطب قاله ع الفون و يوسف زعل ان مالك مقالهوش معني كده ان ابني ميعرفش حاجه

انجي: متقوليش اسم  مالك دا تاني انتي فاهمه  اسمه جاك

نشوي: لا اسمه مالك انا عاوزه بس اعرفك  حاجه ان المصريين اخوات مفيش فرق بين مسلم و مسيحي كلنا اخوات و لا افكرك بثورة 1919

انجي: مفكره ان انا هصدق الكلام دا دا بعينك و انا هعرف اخلي ابني ازاي يرجع عن ال هو فيه و ياريت متتدخليش انتي او ابنك عشان متجبوش لنفسكوا مشاكل

نشوي: دا شئ يرجعلك بس ابنك اكيد كبير و واعي مش اي حد يقوله كلمه يصدقها  و يضحك عليه

انجي: اكيد شربتوه حاجه عشان يعمل كده

نشوي : استغفرك ربي و اتوب إليك انتي عاوزه ايه

انجي: عاوزاك تفكِ العمل ال عملتيه لابني

نشوي: عمل! انتي ازاي تفكيرك وصلك لكده ازاي واحده من مجتمع راقي تقول الكلام دا اوزني كلامك الأول 

انجي : انا همشي بس انا عارفه انا هرجع ابنى ازاي

نشوي: سلام و ربنا يهديكِ

نشوي بعد ما انجي مشيت
نشوي: لا اله الا الله ازاي واحده من مجتمع راقي تقول كده ربنا يهديها يا رب

...................

تالا :خد يا خالد الملفات دي و انتي يا تميم خد دول
تميم: و انتي هتاخدي ايه  يا حلوه
تالا: انا هاخد دول مش شايافهم و كمان هراجع الملفات ال خلصانه
خالد: خلصانه ااااه قولتيلي لا يا ماما انا هاخد الملفات ال هتتراجع و انتي خدي دول
تالا: لا يا حلو انت هتعمل زي ما انا قولتلك و يلا بره عشان اخلص ال ورايا
تميم: بره فين
خالد: لا احنا هنقعد هنا طلما عمي معملناش مكتب و عامل للبت مكتب شوفت العنصريه دي يا واد يا تيمو
تالا: مالها البت يا عينيا البت دي تشيلك انت و هو و عشره زيكوا و تهبدكوا ع الارض يلا ع مكتب حنين
تميم بخبث: خلاص يا خالد مش مشكله انهارده انا هكلم الحج يعملنا المكتب يلا ع مكتب حنين
خالد: انت تعبان
تميم: بعيد الشر عليا يا خويا بس انا عاوز تالا ترتاح و تقرأ الروايه براحتها
تالا بصدمه: رواية ايه
خالد: تبقي داري الكتاب بعد كده
تميم : يلا يا خالودي
خالد: يلا يا تيمو
تالا: و الله  انا شكه فيكوا انتو الاتنين
تميم : بلاش انتي عشان مقولش للحج
تالا: تقوله ايه
تميم: اقوله انك سايبه الشغل و قاعده بتشربي قهوه و بتقراي روايات و سايبه الشغل و خليتي حنين مدخلش حد عليكِ عشان تقرأي براحتك
تالا: قوله ما انا قدامي الشغل  اهو
خالد باستفزاز: اه ال هي  الملفات ال خلصانه و متراجعه اصلا
تالا: و انا هقوله ال انتو عملتوه مع حنين
خالد:  تميم مش انا
تميم: واطي يلا
خالد: شكرا يا برو
تالا: لا ما انا هقوله ال انتوا جيتوا متأخر بردوا
تمين: عادي
خالد: يلا يا تيمو انت عاوزه ابوك يعملنا بطاطس محمره سلام يا تولا