جعلتني مدمنا بالقرآن

13

جعلتني مدمنا بالقرآن
بالقَلم:ايمان مصطفي كامل
"كاتبة الصمت"
الساعه 5 مساءً
انجي: جاك اصحي يلا
مالك: سيبيني انام يا ماما و اسمي مالك مش جاك مش هقعد اقول كده كتير
انجي : طب يلا قوم
مالك: هي الساعه كام
انجي: الساعه 5
مالك : طب ماشي انا هقوم عشان اصلي الفجر
انجي:فجر ايه الساعه 5 العصر
مالك : كام!! 5 العصر و انتي مش بتصحيني ليه
انجي:  جيت اصحيك عشان تروح الشركه قولتي لي عاوز انام قولتلك طب و الشركه قولتلي مش رايح
مالك: استغفر الله العظيم انا كده ضاع عليا صلاة اليوم كله
انجي: طب يلا شوف انتي هتعمل ايه عشان صحبتي جايه هي و بنتها و لازم تقعد معانا شويه عشان هي عاوزه تشوفك و جايه مخصوص عشانك يلا انا نازله
مالك في نفسه
مالك : انا مالي انا و مال صحبتها تيجي و لا متجيش دا ايه دا يا ربي و كمان فاضل دقيقه علي المغرب اقوم اروح الجامع و اصلي الضهر و العصر عشان اصلي المغرب يارب سمحني يارب و الله غصب عني

.........................

جودي : الو يا بنات
يارا     : انتي سخنه يا جودي
جودي : لا انا تمام ليه صوتي متغير و لا حاجه
يارا     : لا اصل بتقولي الو يا بنات
جودي : تصدقوا انا غلطانه هقولكوا يا حمير بعد كده و انسوا بقا شغل أن اقولكوا يا ولاد او يا بنات
منه   : و الله انتي لسه بعقل طفله متعقلي شويه يا بنتي
جودي: المهم انا زهقانه من البيت و عاوزه اخرج
منه   : و انا كمان بس فين
يارا   : انا عارفه مكان جديد لسه فاتح
جودي: بلاش اقولكوا انا عاوزه ايه
يارا    : عاوزه ايه
جودي : احم عاوزه سكلانس
منه.    : ايه سكلانس ده
جودي  : سكلانس ده اكله بيبقا فيها حاجات كتير بس معرفش ايه مكوناتها كل ال اعرفه ان فيها بيض بس  انت عاوزه اكل فول علي طعميه و بقول عليه سكلانس
يارا :  مش عاوزه اقولكوا ان المكان الجديد مكان فول على طعميه
جودي: الله عليك يا حبيب والديك
منه : انا هكلم يوسف و اقوله
يارا : و انا راحه اقول لبابا
جودي: و انا كمان يلا سلام

....................
منه: الو
يوسف : الو يا منه ايه فيه حاجه في البيت
منه: لا هو لازم يكون فيه حاجه يعني
يوسف : اصل مش بتتصلي غير لما يكون فيه مصيبه او عاوزه حاجه
منه : ايوه انا عاوزه حاجه
يوسف : و ال هي
منه: عاوزه اخرج شويه اتخنقت من قاعدة البيت
يوسف : خارجه انتي مين
منه: هيكونوا مين يعني غير يارا و جودي
يوسف: طيب بس متتاخريش
منه :حاضر يلا سلام عشان البس
يوسف: سلام
يوسف: يا تري يارا متصلتش عشان تقولي ليه اكيد هتكلمني كمان شويه بعد ما تكلم باباها او اخوها
......................
حنين: يلا يا ماما الاكل جاهز
سعاد: حاضر جيت اهو
حنين: طب يلا عشان نفطر عشان اروح الجامعه و بعدها اطلع علي الشركه
سعاد: ربنا يقويكِ يا بنتي
حنين: يارب يا ماما
سعاد: اه صحيح سامح زفت وقف في طرقك تاني امبارح
حنين: لا يا ماما الحمد لله
سعاد: تلاقيه كان بيشرب زفت من ال بيشربه
حنين: يلا ربنا يهديه هو و ال زيه يلا انا ماشيه يا ماما
سعاد: انتي لسه مكلمتيش اكلك اقعدي كمليه
حنين: كلت الحمد لله انا ماشيه عشان متأخرش
سعاد : ربنا معاكي يارب
حنين: يارب