انجي: اهلا بعروسة ابني القمر
يارا: ابنك!
يوسف: متستغربيش هي زي امي بالظبط انا و مالك متربين سوا
يارا: ااه اتشرفت بحضرتك
يوسف: مبارك عليكِ يا چيچي
انجي: الله يبارك فيك يا حبيبي
يارا: مبارك لحضرتك
انجي: الله يبارك فيكي يا حبيبتي
مالك: ااه يوسف جه نستيني انا بقا
يوسف: انت مالك انت يعني انت معاها بقالك كتير. و انا مشفتهاش من زمان و هي وحشتني بتحشر نفسك انت ليه
مالك: يعني انا مفروض اطلع من الليله دي خالص
يوسف: ااااه استني بس لما هما يندمجوا هتلاقيهم مبطلوش كلام و هينسوني انا و انت
مالك: طب سيبهم و تعالي احنا نتمشي شويه
ــــــــــــــــــــــــــــــــــــــــــــــــــــ
مالك: ها يا سيدي قولي عملت ايه
يوسف: عملت ايه في ايه
مالك: انت هتستعبط ما انت عارف انا قصدي ايه
يوسف:
فلاش باك
يوسف: السلام عليكم
يارا: و عليكم السلام
يوسف: انا قلت ابدا بالسلام عشان الكلام يبقا فيه بركه
يارا: و انت مش بتبدا بالسلام غير لما نتخانق يعني
يوسف: ايه دا هو احنا متخانقين
يارا: لا و الله و انك تشك فيا دا امر عادي يعني
يوسف: انا عارف اني غلطان اني شكيت فيكي بس انا راجل شرقي و دمي حامي و انا اسف يا سيتي و حقك عليا
يارا: و انا كمان اسفه لما حكيت لتالا قالتلي احنا لسه معرفناش بعض اوي و دا امر طبيعي و المفروض مزعلش بس انا مش هعديها بالساهل كده
يوسف: و انا موافق عاوزه ايه
يارا: تعوضلي خروجة امبارح اللي اتعكننت
يوسف: طب انا هقولك انجي مامت مالك صحبي دخلت الاسلام و انا رايح اباركلها بكره و هي عاوزاني اجيبك معايا
يارا: لا و الله هي الخروجه هتبقا من بيت لبيت
يوسف: لا احنا نروح و بعد ما نمشي نتفسح شويه و بعدها اروحك
يارا: اشطا و انا موافقه
باك
مالك: يعني انت مش جاي الشغل انهارده
يوسف: راقبتك سداده يا كبير
مالك: عارف لو انت مش صاحبي مش عارف كنت هعمل فيك ايه هما كل اللي بينخطبو كده ياخي
يوسف: عقبالك اما تنخطب و تبقا كده
مالك: انتو مالكو كلكو عاوزين تخطبوني و خلاص
يوسف: الله عاوزين نفرح بيك يا جدع
مالك: نفرح بيك انت الاول
يوسف: انت كده كده هتفرح بس فكر
مالك: ما انا عمري ما فكرت في الموضوع دا
يوسف: ملكش دعوه انا هقول لانجي علي الموضوع و عندي عروسه انما ايه قمر
مالك: يارا انتي هنا
يوسف: و الله كنت بتكلم عليه مش علي.....
اااه يا واطي بتضحك عليا و اكنها ورايا
مالك: و الله انديلها و اقولها
يوسف: انت بتوه في الكلام ليه انا هقول لانجي و اطلع انت منها
مالك: يعني الموضوع عليا و اطلع انا منها
يوسف: ايوه
مالك: طب يلا ندخل زمانهم جابوا سيرة امة لا اله الا الله
يوسف: يلا
ـــــــــــــــ
تميم: ايه دا
حنين: استقالتي من الشغل
تميم: و دا ليه بقا
حنين: انا حره
تميم: لا مش حره انتي بتشتغلي هنا و لازم تقولي اسبابك
حنين: لاقيت شغل في شركه احسن و مرتبها احسن من دا
تميم: نعم
حنين: زي ما حضرتك سمعت
تميم: ايه رايك بقا اني مش موافق و ادي الورقه قطعتها
حنين: عادي هروح لانسه تالا او استاذ خالد و املي استقاله جديده
تميم: تمام روحي بقا املي استقاله تانيه عشان مش هيوافقوا عليها و حاجه تانيه انتي اللي هتعملي معايا الانترفيو
حنين: و انا مش موافقه
تميم: دا امر مش طلب. و بلا روحي خليهم يعملولي فنجان قهوه
حنين: بس..
تميم: وقتك خلص يلا اتفضلي عشان ورايا شغل
حنين لنفسها: واحد مستفز و شايف نفسه
تميم: بطلي تهري في نفسك و اعملي اللي قولتلك عليه
ـــــــــــــــــــــــــــــــــــــــــــ
يارا: و الله يا طنط دمك عسل
انجي: يا حبيبتي انا مفيش مني اتنين
يوسف: دا انتو خدتو علي بعض و لا اكنكوا عارفين بعض من زمن
انجي: لازم طبعا احبها مش مرات ابني عقبال مرات ابني التانيه
مالك: هو مبقاش فيه عندك غير السيره دي
انجي: يا ابني انا عاوزه اشوف عيالك قبل ما اموت
مالك: ااه الاسطوانه المشروخه بتاعة كل ام مصريه اصيله
انجي: بقا كده طب متكلمنيش تاني بقا
يوسف: طب لو قولتلك يا نوجه ان انا عندي العروسه هتعملي ايه
انجي: دا انا ساعتها احليلك بوقك و اعملك كل اللي نفسك فيه
مالك: و انا صاحب الموضوع مليش راي
انجي: سيبك منه لو اعتمدنا عليه مش هناخد منه حاجه
يوسف: هاتي ودنك عشان ميسمعش
يوسف:............
انجي: انت لئيم يلا
يوسف: بس بقا انتي تكلمي اهلها انهارده
انجي: طبعا هو انا هستني
يارا: يلا نمشي عشان اتاخرنا
انجي: لسه بدري و لا اتاخرتو و لا حاجه
يارا: معلشي يا طنط نعوضها مره تانيه
انجي: ماشي يا حبيبتي سلام
يوسف: يلا السلام عليكم
مالك: و عليكم السلام
ــــــــــــــــــــــــــــــــ
يارا: اممم هتفسحني فين بقا
يوسف: انتي عاوزه تروحي فين
يارا: انا عاوزه اتمشي
يوسف: استني اركن و نتمشي
ــــــــ
يارا: ها بقا كنت بتشاوش طنط و تقولها ايه
يوسف: عادي مكنتش بقولها حاجه
يارا: انت هتعملهم عليا
يوسف: لا مش هعملهم عليكي بس الحكايه و ما فيها انه سر مش اكتر
يارا: و فيه بنا اسرار مش انا هبقا مراتك و ام عيالك
يوسف: الا احنا هنسمي عيالنا ايه صحيح احنا متفقناش ليه
يارا: متوهش في الكلام
يوسف: هقولك علي حاجه دا يبقا اسمه مفيش سر لما تبقا حاجه تخصني او تخصك و منقولش لبعض عليها لكن دي حاجه تخص صاحبي يبقا دا شئ لا يخصني و لا يخصك و قريب الكل هيعرف متخافيش
يارا: انا هفوت اللي انت قوله بكيفي عشان بترجع تقول اننا صنف نكدي
يوسف: قطع لسان اللي يقول كده عليكي
يارا: ااه مفكر انك هتضحك عليا
يوسف: ابدا و الله بس دي حاجه متخصناش
ـــــــــــــــــــــــــــــــــــــــــــــــــــــــــــــــــــــ
مالك: كنتو بتقولو ايه عليا
انجي: ابدا مكناش بنقول حاجه
مالك: مين البت اللي انتو هتكلمو اهلها
انجي: هتشوفها اما اتفق علي معاد مع اهلها
مالك: ماما
انجي: نعم يا حبيبي
مالك: مش دي هتبقي مراتي فا انا لازم اعرف
انجي: مش انت يتقول انا مش عاوز اتجوز لازم احطك في الامر الواقع و. انا اللي اختارلك و لو معجبتكش نشوف غيرها
مالك: هي عروسه لعبه
انجي: لا مش عروسه لعبه انت هتروح تشوفها و تشوفك و لو حصل قبول يبقا كويس الحمد لله و لو محصلش قبول يبقا كل شئ قسمه و نصيب
مالك: ماشي يا ماما اما اشوف انتي و يوسف هترسو علي ايه
انجي: كل خير انشاء الله
ـــــــــــــــــــــــــــــــــــــــ
انجي: ماشي دا معاد كويس
خلاص الجمعه الساعه 9
ماشي سلام عليكم
مالك: بتكلمي مين
انجي: اهل العروسه
مالك: ااه دا الموضوع طلع جد بقا
انجي: انت شايفنا عيال نهزر في حاجه زي دي
مالك: و مين بقا سعيدة الحظ
انجي: لما تشوفها هتعرفها
مالك: بقا عندي فضول اعرف مين االي محسسني انها آمن قومي دي
انجي: ولا آمن قومي و لا حاجه يلا انا طالعه اوضتي
ـــــــــــــــــــــــــــــــــــــــــــــــــــــــــــــ
سليم: الا فين تالا يا ماهي
ماهي: في اوضتها
سليم: ناديلها يا جودي
جودي: خلي تميم ما هو قاعد اهو
سليم: انا قولت قومي يا جودي
جودي: خلاص هرن عليها احسن
سليم: و الله حلو الفون هو اللي هيوصلنا لبعض
قومي ناديلها
جودي: حاضر مفيش غير زفته جودي في البيت
سليم: بتبرطمي تقولي ايه
جودي: بوحد ربنا
سليم:لا اله الا الله
ماهي:بنت فظيعه
تميم: و الله تستاهلي مينفعش معاكي غير كده
ــــــــــــــــــــــــــــــــــــــ
تالا: نعم يا بابا
سليم: تعالي اقعدي جمبي هنا
تالا: حاضر
سليم: انتي عارفه ان ربنا عمره ما يخترلنا حاجه وحشه صح
تالا: صح. يا بابا
سليم: و انتي يا بنتي لازم تنسي الماضي و تفكري في حاضرك و مستقبلك و في حياتك متخلكيش منغمسه في الماضي كده
تالا:و المطلوب مني ايه
سليم: فيه عريس طالب ايدك و قبل ما ترفضي شوفيه و قولي رايك ممكن يحصل نصيب و يبقا فيه قبول من ناحيتكو انتو الاتنين
تالا: انا اسفه يا بابا بس انا مش موافقه
يتبـــــــــــــــع
ـــــــــــــــــــــ
كل عام وانتم بخير بمناسبة عيد الاضحي المبارك 🐑🐏
أنت تقرأ
جعلتني مدمنا بالقرآن
Randomهي مسلمه هو مسيحي يسمع لايات الله في مكتبها حتي تعلق قلب به و طلب منها المساعده للدخول في دين الله الاسلام حتي اعتنق الاسلام و لكن والدته كانت عائقه له و حاولت لارجاعه للمسيحيه و لكن هل سيستمر هذا طويلا و هل بعد زواجهما سوف يكشف سرها ام لا و هل ان...
