أحببت ديلر ©️

بارت 1

كانت تقف فتاه ترتدي ملابس رجوليه وتلبس كمامه تغطي نصف وجهها امام شاب وتمسك بيديها كيس به بودره بيضاء وتقول بصوت حاولت ان تجعلوا خشن بغضب:ياعم انجز خد الكيس وهات الفلوس بسرعه قبل ما نتقفش فى سنتك دي

الشاب بغيظ وتوتر:يابني انا بس بسالك هى دي البودره اللى باخدها من المعلم

نظرت اثير حوالها وشعرت ان ذلك الشخص لا يريد ذلك الكيس حاولت ان تكذب نفسها لكنها فى تلك اللحظه شعرت ان يوجد الكثير من التحركات بجانبها نظرت لذلك الشاب بغضب ثم ركضت بقوه نظر لها الشاب بغضب قال بصوت مرتفع :الحق ياباشا الواد بيهرب ثم ركض وراءها

ظلت اثير تركض وتنظر وراءها حتى تراء هل يوجد اشخاص وراءها ثم قالت بغيظ:يابن الجزمه وربنا ما هسيبك هاخد حقي منك

ظلت تنظر حوالها الى ان وجدت منزل مهجور بعيد عن الانظار ركضت لذلك المنزل وقفت امام بتنهيده وقالت:يارب ساعدني انت عارف اني كل دا مش بيدي

ثم دخلت المنزل وقلعت الجاكت والكمامه وتركت العنان لشعرها ثم نظرت فى كل ركن فى المنزل ثم اقتربت من ذلك الحذاء وقلعت ذلك الحذاء الذي كانت ترتدي وارتدت الحذاء الذي كان فى المنزل ثم اخذت نفس عميق وقالت بهمس :مستحيل حد يعرفني وانا كده خليك معايا ياررب

ثم خرجت من المنزل وهي تنظر فى اركان الشارع بخوف من ان يكون احد يرائها ثم اخذت نفس عميق ركضت بعيد عن تلك المنطقة بعد مرور نصف ساعه اقتربت من باب منزلها وفتحت الباب ليقابلها زوج خالتها فى وجهه ينظر لها بحقد ثم تستمع لصراخاته المعتادة عليها وقال سالم : هي المحروسة جات اخيرا
سهير خالتها وهي تنظر لها بشزر : كنتي فين يا مقصوفة الرقبه كل ده، ومال وشك مخطوف كده ليه انتي اكيد عملتي مصيبه لتقترب منها وتمسك بيدها تحركها بغضب وتقول ما تردي عليا شيفاني بكلم نفسي
نظرت لها اثير ولا تقدر على الحديث فتزيد من غضب خالتها وكادت خالتها ان تصفعها الى ان  سالم امسك بيديها وابعدها عنها ليقترب الاخر من اثير وبنظرات لا تبشر بخير ثم واقف بجانبها ووضع يده على كتفها وقال بخبث : خلاص يا سهير هي هتقول كانت فين
اثير بغضب وفجأة دفعته للأمام : يا راجل يا ناقص ابعد عني وعاوزه تعرفي كنت فين كنت بجيبلكم الطفح عشان محدش يذلني تاني عشان محدش يعرفني افضاله عليا ويقول احنا اللي زفت ربيناكي ياريتكم سيبتوني يا ريتني موت مع ابويا وامي
لتدخل غرفتها وتغلق الباب بكل ما اوتيت من قوة اثير بتعب ودموع تُحدث نفسها: لازم اشوفلي حل مش هفضل كده كتير فتغلق عينيها وتترك العنان لأفكارها فتغيب مع تلك الذكريات الأليمة
ـــــــــــــــــــــــــــــــــــــــــــــــــــــــــــــــــــــــــــــــ
في طريق اسكندرية الصحراوي كان يجلس بسيارته وينظر للطريق من حوله يترقب حدوث اي امر غريب
ليصل له رسالة من اللاسلكي

رحيم : ايه يا زياد لاقيته حاجه
زياد : تم رصد سيارة من طريق الجيزة لاسكندرية الصحراوي تحمل ٢٠ جهاز لاسلكي
رحيم : انا في الطريق ده اصلا
زياد : كويس جدا وبدأ يشرحله مهمة القبض عليهم ولابد ان يكون حذر لأن من المؤكد انهم يحملون سلاح
بعدما يقارب النصف ساعه كانت السيارة قد وصلت لمكان التسليم بينما رحيم يراقبهم
كان رحيم يقف قريبا جدا منهم ليسمع كل الأحاديث الدائرة بينم
شخص مجهول : ايه يا عمنا الحاجه سليمة وتمام التمام كمان
شخص اخر : مش كفاية الكمية وبعدين صح البت الجديدة اللي معاكم مطمنين ليها ليرد عليه بسرعه
~يا باشا ابوها كان شغال اصلا معانا ولما فنش ومكنش خلص اللي عليه شغلنا بنته معانا غصب عنها عشان تسدد الفلوس اللي على ابوها بس متقلقش البت هبلة وتحت طوعنا مفيش منها اي قلق
ليومأ له الاخر بتفهم : طب يا علي اما نشوف اخرة معاكم قولي صح هي اسمها اي
نظر له علي بهدوء وقال: اثير يا خالد بي
خالد بتفكير : طب بقولك  ابقي  جيبها المخزن مرة
ليستمعوا فجأة لطلقات رصاص من الخارج فينظر خالد بغضب لرجالته

كان رحيم قريب منهم لكن للأسف لم يستطع ان يمسك بخالد وعلي الذي اختفوا عند وصول قوات الشرطة للمكان
كان رحيم قريب منهم لكن للأسف لم يستطع ان يمسك بخالد وعلي الذي اختفوا عند وصول قوات الشرطة للمكان نظر رحيم للقوات وقال بغضب:هربوا خلينا نفتش المكان وندور حوالينا المكان دا عشان لو كانوا لسه قريبين مننا يلا بسرعه انتم مستينين اي

بعد مرور نصف ساعه قال احد الظابط لرحيم بتوتر:باشا مفيش حاجه في المكان ولا فى حد حوالينا

اغمض رحيم عينه بغضب ثم اخذ تفس عميق وقال :تمام خلينا نغور من هنا ثم قال بهمس هيجي يوم واقبض عليكم بس ساعتها مش هرحمكم

………..
في صباح يوم جديد استيقظت اثير على صوت بنت خالتها وهي تقول:قومي يا اثير ماما بتقولك حضري لينا الفطار واغسلي المواعين

نظرت لها اثير بنعاس وقالت بضيق:يارب امتي اخلص من الهم دا قومي يابنتي انا هغسل وشي وهجي

دخلت اثير المرحاض واقفت امام الحوض ونظرت الى نفسها فى المرايا وقالت بحزن :امتي التعذيب دا هيخلص

ثم غسلت وجهه وخرجت من المرحاض ثم نظرت امامها بصدمه …
ـــــــــــــــــــــــــــــــــــــــــــــــــــــــــــــــ
#بقلم ندا خالد /نورهان ثروت
#اتمنى البارت يعجبكم وينول رضاكم +متنسوش التفاعل لانه سبب كبير في اني اكمل
#مواعيد تنزليها ان شآء الله الاربعاء والجمعه الساعه 12 ولو لاقيت تفاعل عليها مش هنزلها يومين بس وده يرجعلكم
norhantharwat77😘😘