أحببت ديلر ©️

15

في صباح يوم جديد كان يجلس زياد فى مكتبه فى القسم وهو يتحدث مع زميله ويقول بحزن:رحيم لسه لحد دلوقتي مفاقش ومفيش اي علامه بتقول انه هيفوق قريب

نظر له زميله وقال بضيق:انا متاكد ان رحيم هيفوق وقريب اووي انا عايزك تكون قوي رحيم لو كان موجود بينا مكنش هيحب يشوفك كده فاهمني وغير كده

قطع كلامه صوت فتح الباب ودخول ظابط يقول :باشا في واحده شكلها مجنونه شاغله تقول انها عايزه اكبر ظابط هنا وانها وقعه في مصيبه

تنهد زياد ثم قال بجديه:دخلها يابني خلينا نشوف البلاوي اللي بتتحدف علينا

دخلت المكتبه واحده منقبه وفي يديها طفله نظر زياد لها بستغراب وقال:انتي مين وعايزه اي

نظرت له تلك السيده وقالت بتاتاه:انا انا عايزه اكبر ظابططط هناا

نظر لها زياد بشك وقال:هو اي اللي اكبر ظابط على العموم انا هنا المسؤول  على القسم عايزه اي بقي وانتي مين انا ليه حساس اني سمعت صوتك دا قبل كده

نظرت له تلك السيده بخوف ثم وضعت يديها على نقابه ورفعته عن وجهه نظر لها زياد بصدمه وقال:هو انتي هو انا مش قولتلك لو شوفتك تاني هحبسك انتي لو مش مصدقني عادي ادخلك دلوقتي الحجز وتتاكدي بنفسك هناك غير كده مين البت اللي على ايدك لحسن تكوني خطفها منا كنت لسه شايفك فى بيت كله مخدرات عادي يطلع منكى اي حاجه

نظرت له سالى بصدمه وقالت:يخربيتك دا انت دقيقه كمان وهتجيب ليا اعدام هو انا هكون موجوده فى القسم ولبسه كده من غير سبب ما اكيد في مصيبه وعايزه الحكومه تساعدني وهقولك ليه البت معايا بس تسمعني لاخر انت فاهم

نظر زميل زياد لها بغضب وقالت :احترامي نفسك يابت وانتي بتتكلمي مع ظابط اقاعدي خلينا نشوف المصيبه اللي انتي جايه بيها

جلست سالى امامها وضعت الطفله بجانبها نظرت لهم ثم تنهدت وقالت:الموضوع كله ان ابويا اخد فلوس من واحد وكان هيخلي يتجوز قريبتي بس قريبتي دي هربت والشخص دا بقي عايز فلوسه اضعاف وخطف ابويا واحد منهم كلمني وقالي ان خلال يومين لو مجبتش ٢٠٠الف جنيه هيقتل ابويا لو مش مصدقني انا موبايلي بيسجل المكالمات اهي دي المكالمه

نهض زياد وجذب من يديها الهاتف ثم نظر لزميله وقال:احمد بقولك خد الرقم دا وشوف اخر مكان كان فى امتي فاهمني ثم نظر لسالي وقال واي اللي خلكي تلبسي نقاب ومين البت دي

نظرت لها سالى بغيظ وقالت بهمس:عبيط دا ولا اي ثم قالت بجديه ما طبيعي اعمل كده لانهم بيرقبوا البيت عشان كده اخدت بنت جارتي ولبست النقاب عشان اعرف اجي هنا

جلس زياد بهدوء وقال:تمام تقدري تروحي دلوقتي خدي موبايلك دلوقتي ودا الكارت بتاعي اي جديد يحصل قوليلي على طول متقلقيش باذن الله هنعرف ننقذ ابوكي وهيكون بخير
...................
كانت تقف اثير فى المطبخ تنظر امامها بشرود خرجت من شرودها على صوت ياسين وهو يقول :مالك سرحانه في اي