أحببت ديلر

البارت الثاني

البارت التاني

خرجت اثير من المرحاض لتتفاجأ بمن يقف امامها بكل برود ويعبث بحقيبتها
اثير بصوت عالي : يا راجل يا ناقص بقا تسرقني انا.. طب مانت لو متزفت محتاج حاجه بديلك

نظرت لها سالم بغضب : بت انتي انا مش ناقصك وبعدين انتي قاعده في خيري وفي بيتي

اثير وهي تجذب حقيبتها من يديه : حرام عليك بقا... انت ايه مش بتحس والله مبقاش حيلتي حاجه انت بتقلبني كل يوم ومش بيبقى معايا حتى اركب

سالم وهو ينظر لها بغل وحقد وكاد ان يضربها الا ان دخول زوجته اوقفه فنظر لها وسبها في داخله

نظرت لهم سهير بغيظ: في ايييه هو كل يوم يا مقصوفة الرقبه انتي تعملي خناقة ومتخليناش نعرف نطفح

تجمعت الدموع فى عين اثير وقالت: خليه يبعد عني

سالم بغيظ : هو انا لمستك انتي هتمثلي علينا انك مظلومة وبعدين لكشة الفلوس اللي كل يوم بلاقيها في شنطتك منين واوعي تكوني فاكرة كلامك بيخيل عليا انا سالم ابو شنب اللي عيله زيك لا يمكن تضحك عليه

واقفت اثير امامه وجذبته لياقه قميصه وقالت بغضب : طب كويس بقي  انك فاهمني يا ريت بقا تبقى راجل مرة واحدة فى حياتك  ومش تعيش من تعب ست ها يا ابو شنب يا اللي اسمك راجل كده على ما تفرج كادت ان تكمل حديثها لكن اوقفها صفعه نزلت على وجهها
سهير بعيون كادت ان تحرقها : بس يا بنت الكل**انتي بتكلمي سيدك كفاية اننا مقعدينك هنا وبنطفحك بوشك العكر ده.. معرفش امك جابتلي بلوة وللأسف لازم استحملها.. ادخلي جوه مشوفش خلقتك والا وشك الحلو ده مش هيشوف الشارع و اي دكر هيجي هخليه يشيل لاني خلاص مبقتش عاوزاكي في بيتي... غوووري ايه انتي لسه هتتفرجي ولا عجبك الالم.

دخلت اثير غرفتها غارقة بأحزانها تبكي بوجع...
(ياا رب يااا رب انت اللي عالم بحالي انجدني وريحني من اللي انا في... او خدني ليهم.. الحياة بقت صعبة اوووي مش قادرة اكمل ولا حتى عارفة اعمل ايه...لتغمض عينيها وتترك لدموعها العنان
نظرت لخزانتها ثم نهضت وقفت امامها وفتحتها  واخرجت منها  صندوق صغير يحمل بعض الصور التي تعطيها امل في ان تستمر بما تعيشه من قسوة
ابتسمت لصورة لها مع والدها وهو يحملها كانت بريئة لا تحمل اي بغيضة او كره لشخص
لتجد باب غرفتها يُفتح وتدخل منه سالي وهي تبتسم بحزن عليها فلطالما اعتبرتها اخت لها
سالي : ايه بس يا قمر كده تقلبي مودي.. انتي عارفه مش بحب عياطك ده
نظرت لها اثير وهي تمسح دموعها : مبقتش قادرة يا سالي والله اللي مصبرني على العيشة معاهم هو انتي

سالي : يا قلبي مفيش بيت بيخلى من المشاكل وكويس اننا بنساند بعض... المهم فكك من الجو ده لأني عندي خبر قمر لسه ماما قايلالي عليه... لتنتبه لها اثير فتكمل بإبتسامة... جالي عريس

اثير بابتسامة : الف مليووون مبروك يا حبيبتي ربنا يسعدك ويفرح قلبك يارب اسفه والله اني خليتك تضايقي بس انتي عارفه ابوكي