بتونس بيك ♥️✨
يقف مراد ينظر لها بأبتسامه وعيناه تلمع ومنبهر بجمالها
ليلى : اى رأيك
انحنى مراد لها ثم قال : اسمحيلى احييكى على كل الجمال ده يامولاتى
ليلى : طب مانت بتعرف تقول كلام حلو اهو اوماال مدوخنى معاك ليه
مراد : لا بجد الفستان جميل اوى عليكى
ليلى: الفستان بس
مراد : وصاحبة الفستان اصلا مفيش اجمل منها
ليلى : يالهوى عليك وعلى حلاوتك وانت بتقول كلام حلو كده
مراد : بصى طول منا رايق هتلاقى حد تااانى خاالص
ليلى : اه والله انا حاليا مش مقتنعه ان ده مرااد
.........
مراد: طب انا هروح اقعد مع الرجاله وانتى روحى معاهم بقى
ليلى : انا معرفش حد طيب
مراد : طب اعمل اى هقعدك فى وسط الرجاله يعنى
ليلى : خلاص روح انا هتعامل
بعد مرور عشر دقايق
....: هى الحريم كلهم عاملين دايره على مين كده
.....:بيقولو زميلة العريس فى الشغل بس مشالله عليها قومت الناس كلها ترقص
مراد : يارب متكونش هى
.....: لا ياباشا هى اللى كانت داخله معاك دى
مراد : بعيدا عن ان معرفش حضرتك سمعتنى ازاى بس شكرا جدا
........
مراد : بقولك اى ياكتكوته ممكن تندهيلى طنط اللى عماله ترقص دى
البنت: حاضر ياعمو
طنط طنط كلمى عمو اللى واقف هناك لابسه بدله سودا ده
ليلى : حاضر ياحبيبتى
ليلى : اى يامراد فى اى الاغنيه هتخلص
مراد : يامراد انا معرفش حد هنا هتسيبنى لوحدى
ليلى : انا مبتكلمش كده على فكره
مراد : طب بقولك اى يلا نمشى انا اصلا زهقت
ليلى : لا روح انت انا هقعد شويه
مراد : يلا ياماما قدامى علشان متنرفزش عليكى دلوقتي
ليلى بصوت منخفض : هو مالو في اى مانا طول العمر نفسى ينطق ويرد السلام حتى... دلوقتي بقى بيتنرفز عليا كمان
مراد: بترقصى ليي هو فرح بنت اختك
ليلى : هما اللى قومونى
مراد : وانتى اى حد يقولك قومى ارقصى تقومى كده
ثم تضحك ليلى
مراد: بتضحكى ليي
ليلى : اصل طريقة كلامك باين عليك اوى انك بتغيير
مراد : وانا هغير ليه
ليلى : طب والله غيران
مراد : لا انا بس علشان انتى جايه معايا وعندنا بقى مينفعش ان بنت تقوم ترقص كده
ليلى بغمزه: يعنى مش غيران
مراد: لا واسكتى خالص بقى لحد مانوصل
ليلى : ماشى
ثم تضحك للمرة الثانية ف ينظر لها مراد وهى تضحك ويضحك هو الأخر معها
مراد : والله مجنونه
ليلى : وانت شكلك حلو وانت غيران
مراد : لا بس كنتى عامله قلق جامد
ليلى : يابنى مش اى حد يرقص
مراد : طب يلا اطلعى
ليلى : تصبح على خير
مراد : وانتى من اهلو
ليلى : مراد
مراد : نعم
ليلى : على فكره انت كمان شكلك حلو اوى بالبدله دى
ثم ذهبت مسرعه الى منزلها وهى تنظر له وعلى وجهها ابتسامه
مراد يحدث نفسه بعد ان ذهبت : شكلى انا اللى بقيت بتونس بيكى
........
مراد : صباح الخير يأنسه ليلى
ليلى : صباح النور يأونكل مراد
مراد : اونكل ؟!
ليلى: اصل مش متعوده يعنى انك تدخل تقول صباح الخير
مراد : اتعودى بقى
ليلى : يارب اجعلو رايق كده على طول
مراد : اميين ..شوفتى صح الشركه عامله رحله تلت ايام
ليلى : اكيد مش هتبقى رحله كده بس اكيد وراها شغل هناك
مراد : جدعه هى فعلا شغل بس المرادى للمقر الرئيسى نفسو
ليلى : هو مفيش غيرنا بيسافر ولا اى
مراد : لا المرادى استاذ فاضل جاى معانا
ليلى : امممم طب كويس
مراد : المفروض اننا هناخد اجازه يومين بعدين نسافر
ليلى : يعنى على يوم الاربع
مراد : بالظبط
ليلى : طب اكون سافرت ابلغ اهلى فى البلد واجى
مراد : هو صحيح انتى اهلك ليه مش عايشين معاكى هنا
ليلى : هما حابين يقعدو هناك وانا طبعا مش هعرف اجى كل يوم للشغل من هناك فأجرولى الشقه دى
مراد : طب ومش خايفين عليكى
ليلى : ده كل شويه امى تبعتلى حد من اخواتى يطمن عليا ويشوفنى عاوزه حاجه ولا لا بعدين يمشى
مراد : اممم وقاعدين فين بقى
ليلى : فى المنصوره
مراد: احسن ناس
ليلى: تسلم
..........
بعد مرور اليومين
_فى مطار القاهرة الساعه التاسعه صباحا
تقف ليلى و فاضل ومراد فى ساحة الأنتظار
وبعد اتخاذ إجراءات المطار ذهبو للصعود الى الطائرة الذاهبه الى نيويورك
..........
بقلم حبيبه احمد 🖤
