بتونس بيك ♥️✨
ليلى : مين دى
مراد : احم دى عائشه بنت عمى
عائشه : وخطيبتو
ليلى : خطيبتو ؟!
عائشه : اى يامراد انت مش معرفها
مراد : مجتش فرصه
ليلى : طب بعد اذنك يأستاذ فاضل همشى انا علشان تعبانه شويه
........
فى بيت ليلى
ليلى بأنهيار: يعنى اى ..خلاص ...يعنى انا افضل احب فيه كل ده وهى تيجى تاخدو على الجاهز كده انا افضل اسهر كل يوم افكر فيه وهى تيجى كده بكل سهوله تقولى انا خطيبتو بس انا حبيتو بجد وبعدين انا كنت متأكده انو بدأ يشوفنى ويحبنى هو كمان ...ليييه ليييه مقااالش انو خاااطب طب ليه مكنتش بشوف فى ايدو دبله يمكن بيضحك عليا او بيشوفنى هغير ولا لأ بس دى طريقه كلامها باين انها فعلا خطيبتو... يارب انت عالم بى حالى يارب انا مليش غيرك دلوقتي ومش عارفه اعمل ايي
........
مراد : ياعم عبده هى استاذه ليلى مجتش النهارده برضو دى بقالها تلت ايام مجتش الشغل وعمرها ماحصلت
عم عبده : لا يأستاذ مراد جت امبارح قدمت استقالتها لأستاذ فاضل
مراد : استقالتها؟! طب متعرفش ليه
عم عبده : والله يابنى انا معرفش بس هى اما جت كان شكلها تعبان خالص وخست اوى
مراد : طيب شكرا جدا خلاص روح انت ياعم عبده
مراد : ياترا مشيتى ليه ياليلى طب كنتى اصبرى افهمك
..........
مراد : لو سمحت هى استاذه ليلى مش موجوده اصل طلعت خبط كتير ومفيش حد فتح
البواب : الاستاذه ليلى سافرت امبارح البلد وسابت الشقه كمان
مراد : طب متعرفش عنوانها فى البلد اى
البواب : لا والله ياساعدت البيه
مراد : طيب متشكر لحضرتك
........
بعد مرور شهر يجلس مراد فى غرفتو
عائشه : يامراااد
مراد : ايوه
عائشه : اى مختفى ليه
مراد : مشغول شويه
عائشه : طب اى بقى مش هتنزل معايا وانا بجيب بقيت الجهاز
مراد : لا روحو انتو انا جاى من الشغل تعبان
عائشه : فى اى انت بقالك فتره متغير معايا خالص ومن قبل السفر كمان دنا قربت انسى انى مخطوبه كل اما اقولك نخرج تقولى مشغول
مراد : وانتى خارجه اطفى النور واقفلى الباب
عائشه : خليك فاكر يامراد
............
بعد مرور شهرين من اختفاء ليلى
مراد : عمى انا اسف جدا على اللى هقولو ده
منصور : فى اى يامراد
مراد : انا مش قادر اكمل مع عائشه انا حاولت والله بس بجد مش حاسس انى هعرف اعيش معاها هى كويسه وكل حاجه بس شخصيتنا مختلفه خالص
منصور : براحتك يابنى انا مش هرضا ان بنتى تعيش مع واحد مغصوب عليها
مراد : بجد ياعمو يعنى انت مش زعلان منى
منصور : لا يابنى مش زعلان ربنا يوفقك ويرزقك ببنت الحلال
مراد : فى حياتك ياعمى
.........
عائشه : هو اللى ابويا قالهولى ده صح
مراد : اه
عائشه : ازاى تاخد قرار منغير ماترجعلى وبعدين انا عملتلك اى علشان تسيبنى دنا بحبك من صغرى
مراد : بس انا محبتكيش دايما كنت بشوفك اختى الصغيره عمرى ماشوفتك غير كده وامى وابويا هما اللى قالولى اخطبك وانا وافقت رغم انى مكنتش عاوز ده بس انا خلاص مش هفضل كده وبعد مانتجوز يحصل مشاكل ونطلق
عائشه : انت صح انا مكنش ينفع اعلق نفسى بواحد بارد زيك طول عمرى بتعذب واقول بكره يحبنى بكره يفكر فيا وانت ولا هنا
مراد : انا اسف ياعائشه بس صدقينى كده احسن ليا وليكى
عائشه : انا ماشيه يابن عمى
..........
بعد مرور تلت شهور من غياب ليلى ..فى الشركه الساعه الثامنه صباحا
مراد : عم عبده تفتكر لو عايز بيانات موظف كان شغال معانا ممكن الاقيها فين
عم عبده: انزل الأرشيف
مراد: شكرا
.......
مراد : كنت محتاج اعرف عنوان استاذه ليلى اللى كانت بتشتغل معانا هنا ضرورى
....: ليلى اى
مراد : ليلى اللى هى قصيره شويه دى
.....: يابنى اسمها ليلى اييي
مراد: اااه اسمها ليلى حسن
.....: اتفضل دى كل بياناتها
مراد : ربنا يخليك ليناا ويرزقك بحج قادر ياكريم
.....:يسمع من بوؤك ربنا يابنى
.........
" فى المنصوره "
وفاء : يابنتى مش ناويه تقوليلى سيبتى شغلك ليه
ليلى: عادى يأمى تعبت وعاوز ارجع اقعد معاكو
حسن : سيبيها خليها على راحتها بس يابنتى قومى كلى لقمه انتى من ساعت ماجيتى من مصر وانتى على الحال ده لما خسيتى خالص
ليلى : حاضرر هقوم اهو
وفاء : هقوم اسخنلك الغدا
ليلى : طب لما نصر و ومحمد يرجعو من برا هاكل معاهم
حسن: لا كلى انتى وملكيش دعوه بيهم بس
ليلى : اللى تشوفوه
وفاء : مين اللى بيخبط
حسن : مش معاد رجوع عيالك ده
ليلى : انا هقوم افتح خليكو
وبعد ان فتحت ليلى الباب بثواني كانت على الارض فاقده الوعي
...........
بقلم حبيبه احمد 🖤
