بتونس بيك ♥️✨
وفاء : بسم الله الرحمن الرحيم الحق ياحسسن
حسن : قومى يابنتى هاتى شويه مايه يأم محمد
وفاء : خد اهم
بدأت تستعيد وعيها تدريجياً
حسن : الحمدلله اهى فاقت الا صحيح يابنى انت مين
مراد : انا اسف على الأزعاج انا ...
ليلى : انت اى اللى جابك هنا وعرفت عنوانى منين اصلا
حسن : اصبرى يابنتى اما افهم منو
مراد : انا مراد وحيد بشتغل فى نفس الشركه اللى ليلى كانت بتشتغل فيها
حسن : اتشرفنا يابنى بس انا لسه مفهمتش متأخذنيش يعنى اى سبب مجيك لحد المنصوره
مراد : طب اى ياحج هنفضل نتكلم على الباب كده
حسن : معلش يابنى انا اسف اتفضل
مراد: لا متتأسفش دنا اللى اسف انى جيت من غير معاد
ليلى : يابا انت لسه هتضايفو
حسن : عيب يابت اكرام الضيف واجب ومن الاصول وده كمان جاى من سفر ادخلى اعمليلنا اتنين قهوه
مراد : لا ياحج تسلم مليش فيها
حسن : خلاص علقيله على الشاى
ليلى : حاضر
......
حسن : اى يابنى حكايتك
مراد : اهم حاجه بس انك تفهمنى كويس
حسن :متقلقش اتفضل احكى
مراد : انا وليلى اشتغلنا فى نفس اليوم ومن اول يةم شوفتها فيه وانا حسيت انها مختلفه ومميزه وبدأت احبها بس مخدتش بالى ان هى كمان يعنى معجبه بيا وطبعا بما انى مش شباب اليومين دول اللى يروحو يسألو البنات ويتكلمو معاهم مرضيتش اقولها حاجه وحاولت ان اشيل الفكره من دماغى وامنع التعامل معاها وجه فى يوم كنا مسافرين سوا تبع الشغل شوفت رسومات معاها ليا انا وفهمت وقتها ان هى كمان بتحبنى بس لأسف كان فات الأوان لأنى لما معرفتش اوصل لحاجه مع بنت حضرتك ابويا عرض عليا انى اخطب بنت عمى وانا وافقت بس مكنتش بحبها ودايما كنت مبلبسش الدبله بتاعتها ف طبعا ليلى مكنتش تعرف انى خاطب غصب عنى واليوم اللى رجعنى من المطار بنت عمى جت تستقبلنى وطبعا دى كانت اول مقابله ليها مع ليلى وبعد ماعرفت انى خاطب اتصدمت وسابت الشغل وسافرت وانا دورت عليها كتير لحد ماوصلت للعنوان ده بس كده دى كل حاجه
حسن:بص يابنى انت لو كنت بتحبها كنت من الاول منغير ماتقولها حاجه تروح تسالها عنوان اهلك اى مثلا وهى لو كانت بتبادلك نفس الشعور اكيد هتجاوبك بس انت غبى
مراد : عندك حق
حسن : طيب مع احترامى لكل كلامك انت جاى ليه لما انت خاطب بنت عمك
مراد : لا منا بعد ما ليلى مشيت حسيت انها بتضيع من ايدى وكان لازم ألاقى حلف روحت لعمى وقولتلو انى مش بحب بنتو وانى هسيبها وسيبتها وبعدين جيتلكو
حسن : طب ومش حرام تكسر قلب بنت عمك
مراد : كده كده كان هيتكسر لو اتجوزنا لأنى مكنتش بحس انى فى يوم هتقبلها
حسن: طيب والمطلوب دلوقتي اى
مراد : ايد بنت حضرتك
حسن : لو العروسه موافقه يبقى على بركه الله
مراد : طب ياريت تدخل تس...
ليلى : لولولوووووووووليي
حسن : انتى كنتى بتتصنتى علينا يابت
مراد : ادينى فرصه اكمل الجمله حتى
ليلى : بعد اذنك ياحج. ....ولما انت كنت عاوزنى من الاول سيبنى اتعذب لى كل دااااا
حسن : هاتى شربات بدل الشاى يام محمد
مراد : بالمناسبه صح اخوات ليلى فين لازم اتعرف عليهم
حسن : شويه وهتلاقيهم جايين
مراد : طب يارب الحقهم
حسن : لا مانت هتقعد لحد مايجو علشان هنتغدا سوا كلنا
مراد :اللى تشوفو ياحمايا العزيز
.........
مراد بصوت خافض : بقى بتسبينى و تمشى طب كنتى اصبرى افهمى طيب
ليلى : يعنى عايزنى اعمل اى وانا شيفاها بتقولك ياحبيبى
مراد : بس كانت عليها واحده حبيبى كانت جميله اوى
ليلى : لا والله ...طب انا قايمه اقول لأبويا يلغى الجوازه
مراد : ياسيتى اصبرى بس انتى بتقفشى بسرعه ليه
ليلى : عاوز اى
مراد : بهزر ياستى ده انتى غيوره اوى
ليلى : ملكش فيه وبعدين مين اللى سمحلك تتفرج على رسوماتى
مراد : كنت زهقان وبعدين الصراحه الرسومات كانت لطيفه اوى وشبهى جدا
ليلى : ست عائشه بتاعتك دى كانت بترسمك زى كده
مراد : لا طبعا
ليلى :علشان تعرف بس ان مش اى حد يعمل اى حاجه
...........
نصر : السلااام عليكم ورحمه الله وبركاته
.....: وعليكم السلام ورحمه الله وبركاته
محمد : اى ده احنا عندنا ضيوف
حسن : تعالو سلموا على عريس اختكو
نصر : عريس ؟!... اهلا بيك يا...
مراد : اسمى مراد
نصر : وانا نصر
مراد : اتشرفت بمعرفتك
محمد : وانا بقى محمد اخوهم الكبير
مراد : اهلا بيك يامحمد
نصر : اى الحكايه بقى
وفاء : اقعدو بس ناكل و انت هتعرفو كل حاجه
............
بقلم حبيبه احمد 🖤
