🪶وَلاَ خَيْرَ فِي وِدّ امْرِئٍ مُتَلَوّنٍ * إِذَا الريحُ مَالَتْ مَالَ حَيْثُ تَمِيلُ🪶
ᵖᵃʳᵗ6
بدون ماتهتم بيه شكون طلقات الزيزوار من اليد لي شادها بيها و التاقطاتو بلاخرة بطريقة احترافية موجهاه لجنب كرشو لكنه كان أسرع منها و تصدى لهجومها قضب حجبانه و البرود مكتاسح تعابيره في حين هي شدوها الغدايد، أكيد عرفاتو شخصية مشهورة لكنها مامهتماش بالنسبة ليها شكون ما بغا يكون ماعندوش الحق يتدخل بينها و بين موظفتها.
زفرات بغضب و رمات الزيزوار فالأرض فكات يديها منو و بدات كتقاد ففستانها غير مهتمة بيه و لا بالموظفة لي هربات، شاف فيها بحدة و نطق :
جود: عارفة بلي محاولة قتل رئيس غاتمشي فيها على الاقل 10 سنين ديال الحبس.
كتاليا(بدون اهتمام) : انا لي قلت ليك تدخل بيني و بين موظفتي!
دوز يديه على وجهو و ضحك بالفقسة ، كيحاول يفهم مناش مصنوعة هاد السيدة مولف يحضى بٱحترام الناس فالمواقف العادية ناهيك عن بحال هاذ الحالات بحيث كتكلم معاه كأنه شخص عادي.
جود: اذن نتي هي بنت الليل .
كتاليا:بشحمها و لحمها، (حولات نظراتها من فستانها لعينيه مباشرة) مدام عرفتيني شكون ممكن تحيد من طريقي.
رفعات حاجبها كتسناه ينفذ شنو طلبات ، اما هو فراه يلاه حلاليه اللعب معاها باغي ينرفزها و يبخ سمو فيها كيفما كيدير مع اغلب الاشخاص . التقديس لي كيقدسوه فالمحيط ديالو لعب دور كبير فتغذية شخصيتو النرجسية لي جات هي فدقائق و بينات انه مثله مثل اي شخص كتصادفو فحياتها.
جود: ماخفتيش موظفتك تبلغ بيك(ضحك بشر) و لا انا مثلا؟
كتاليا(رجعات بضع خطوات للوراء) :لي لحق لوذنو يعضها(ضحكات بصوت عال بهدف انها تغيضه) بنت الليل مشطحة وزراء بيديها هادو (وراتو يديها) فنظرك غايغلبوني كلابهم؟
جود: كان عند بالي راك غا باطرونة صدقتي قحب*ة مقطرة كتبات هازة رجليها.
كتاليا(هزات كتافها بلامبالاة) :بلاصة ماتحضيني حضي مرتك (تصنعات تعابير تفكير) شنو كانت سميتها همم ميسان اه ميسان وحدة من بناتي (ابتاسمات ليه بخفة) غاتكون كتبرعك ، تربيتي.
جود(ببرود) : كبان ليا كتهتامي بأخباري بزاف (قرب لعندها و تحنا لحدا وذنها) واخا تبقاي غا نتي مانحطوش فيك، مرتي اشرف منك.
بعدات عليه و طلقات ضحكتها العالمية مخلياه مستغرب من هاذ المخلوقة.
كتاليا: عنداك تنسا راه هي لي جات ساعياني مع ختها باش نخدمها هه باين شكون لي شريف (تاجهات للباب حتى قربات تخرج و هي تنطق) قبل مانسى انا شفايفي الا قستيهم غا بيديك غانعيف ناهيك عن بلايص خرين.
غمزاتو و خرجات من الحمامات كتمايل بخصرها بكل عجرفة مخلياه يتبع ليها العين و ابتسامتو الشريرة مامفارقاش محياه، كلامها ماهز فيه الشعرة سواء عليه و لا على مرتو عارف راسو اش كيسوى كيفما عارف ماضيها، ماغانقولش كيبغيها ولا كيموت على تراب رجليها نن هو من النوع لي الا شاف الحاجة تكون ليه يا بالخاطر يا بالسيف، الأهم انها مشبعاه فلفراش و كتلبي رغباتو . . .
أنت تقرأ
كـتـالـيـا |بنت ٱلليل|
Actionبــقلم: إدغار/Éԃɠäɾ• التقديم فأول بارت•' قصة باللهجة المغربية•'
