كـتـالـيـا |بنت ٱلليل|

ٱلحلقة ٱلثالثة:Authority

{It has power tha even most ministers cannot stand in front of it}

🍂كي تحكم العالم عليك ان تكون قذر*كي تحكم العالم يجب على امرأة ان تساندك.🍂

                         PART 11

رجعات بيها ذاكرتها للماضي لنهار لي غاتبدل فيه حياتهم .

ميسان كانت من النوع لي كخلط بين الدراري بمعنى خلاطة،  تصاحب باش يصرفو عليها كونهم عائلة من الطبقة المتوسطة، كتعشق الروايح و اللباس اي حاجة شافتها فالتلفازة بغاتها لكن كان امامها عائق المال الشيء لي خلاها تلتاجئ لهاذ الطريقة باش تاخد أي حاجة بغاتها.

                 قــبــل سـتـة سـنـوات.

فتحات باب دارهم بالساروت الاحتياطي لي عندها، كان الحس مقطوع، يلاه غاطلع لبيتها حسات بشي يد  قوية جراتها من شعرها يلاه غادوي تسمع صوت التسرفيقة لي تعطاتها، كان الأب ديالها لي باين عليه الغضب و موراه امها .

الأب(بغضب) : هاذي هي تربيتي ليك[زادها تسرفيقة اخرى] ادوي ابنت الحرام هاذي هي تربيتي ليك.

ميسان ( بصدمة ) : ولكن علاش  ...

الأب : سهرت ليالي باش نجيب ليك لي بغيتي وقفت فالشمس وسمعت الهضرة وخليتها فقلبي غير باش نتي متخصي من والو باش فاللخر ديري هاد الفعايل طيحتي راسي الأرض خرجي عليا ما بقيتش باغي نشوف وجههك

الأم ( كتحاول تهدنو ) : بلاتي خليها غير تشرح لينا شنو وقع ..

الأب : اش غتشرح كولشي واضح وباين بنتك ممربياش الالة كنت كنسيفطها تقرا وكنقول وراسي مرفوع بنتي مشات تقرا باش تخدم وتهز عليا الحمل حتى كيجيوني تصاورها

ميسان ( والدموع فعينيها ) : بابا أنا ..

قاطع كلامها يد الأب ديالها  لي جراتها من شعرها متاجه بيها للغرفة .. دفعها فوق الأرضية وتبعها ساد الباب موراه مخلي الأم وراه كتغوت وتبكي وهي كتسمع صوت صرخات بنتها الممزوج مع صراخ زوجها ..

بعد دقائق خرج الأب شادها من شعرها،و فنفس الوقت تسمع صوت الساروت ودخلات الأخت الكبرى كتشوف فيهم باستغراب حتى طاحت عينها على الحالة ديال ختها وقبل ما دير شي فعل  نطقات ميسان ..

ميسان : هي ابابا هي سباب هي لي عرفاتني عليه هي السباب فهادشي كامل انا مكنتش باغية هي لي ضغطات عليا

الأب طلق منها واتاجه لبنتو الثانية لي كترمق ختها بنضرات دهشة واستغراب حسات بتسرفيقة فقداتها توازنها حتى طاحت فالأرض ..

الأب : حتى نتي ابنت الحرام مشاركة معاها فهادشي كنت كنتسحاب راسي والد بنات الأصل صدقت والد غا الكلبات

بلا ميعطيها الوقت فين تستوعب هضرتو حتى كان نزل عليها بالضرب مسولهاش واش بصح ولا لا كان الغضب مسيطر عليه وهمو الوحيد شرفو وكرامتو لي طاحت للأرض .. أما عند مايا فكانت كتقاوم حتى للحظة فاش وقف الأب من الضرب وشد راسو بين يديه وقفات وجرات ختها معاها للغرفة وسورتاتها كتشوف فيها بنضرات ممفسرينش ..

مايا : نتي علاش درتي بحال هكا ..؟

ميسان ( ببكاء ) : مكان عندي حتى شي خيار اخر اختي هو كان باغي يقتلني ..

مايا ( كتقرب منها ) : نتي شنو درتي حتى وصلتيه لهاد الحالة ؟

ميسان : انا مدرت والو شي حد لي دار وكذب عليا انا بريئة والله

فور ما نهات كلامها حتى طاحت فالأرض كتبكي بحرقة...

                    ٱلـــحـــاضــــر .

توقفات سيارتو امام الأوطيل ، ابتاسم لسائق و دخل لداخل و هالتو الرجولية محاطة بيه تاجه للاستقبال خدا غرفة فالطابق العلوي فين غا يبات و ملامح التعب بداو يبانو عليه.