🎼حين يتم اطراب المجرم بصوت صرخات الضحية* يحدث ذلك الانقلاب النفسي حيث يتغير كل شيء🎼
PART17
في اليوم الموالي كانت جالسة رفقة مايا لي أصبحت يدها اليمنى عوض داريا كتناولو طعام الغداء، مخليين كلشي مستغرب لانهم عارفين علاقة هاذ زوج ديما الجو مشحون بيناتهم .
هاهوما الان كياكلو كالناس طبيعيين و كتناقشو فمواضيع مختلفة حتى حسو بيه جا جلس حداهم، هزات فيه كتاليا عنيها بٱستفسار.
عاكف: رديت البال و قتما شفتك كتكوني لابسة يا الحمر يا البيض.
مايا : لكن الحمر كيجي معاها كثر خاصة هاذ ستايل لي لابسة دابا كبينها سفاحة(كملات اكلها بدون مبالاة) شكون عرف ممكن تقت*لك شي نهار.
ضحك عاكف من المعنى لي عطاتو من التحت:
_السياد كدويو الخدامة كيسكتو(غمزها) بعد اذنك تخلينا دقيقة بوحدنا.
شافت فبنت الليل لي حركات ليها راسها بالموافقة، تنهدات و ناضت مخلياهم .
كتاليا: شنو باغيى.
جبد جوا من جيب الڤيست ديالو و مدو ليها، بقات مترددة شحال فالأخر خداتو من عندو. شافت فيه مدة عاد فتحاتو لتبتسم من محتوى الظرف لي مان عبارة عن مجموعة صور لي ميسان معاه غا وجهو مكانش باين.
عاكف: صور غاتخليك تهناي من الكاندي عارفو كيحوم بيك.
كتاليا: شتو المقابل؟
عاكف: تخلاي على الفندق لي فمراكش، لكن ماتخافيش غايبقا عندو نفس الاسم .
كتاليا(ابتاسمات من قلبها) : عرفتي شنو درتي دابا،زدتيني سلاح غايضربهم بثلاثة.
عاكف(جبد ورقة من طيبو مع قلم حبر) : كنظن موافقة وقعي.
ابتاسمات فوجهو الشيء لي خلاه يستغرب من موافقتها واش لهاذ الدرجة كانت طالبة عليها و بغات تفضيها لجود و مرتو؟.
بعدما قرات و قعات الورقة و خداها من عندها.
عاكف: قلتي قبيلة سلاح غايضربهم بثلاثة ياك غرضك غا الكاندي و مرتو.
حركات راسها بالسلب و نطقات بدون مبالاة و لاول مرة بنت الليل انتقامها كيعميها و مكتهتامش لطبيعة الشخص لي امامها: كاين حتى عساف(زيرات على يديها) قضية شرف.
عرف من كلامها بلي قرب لشي شخص عزيز عليها، طوال ست سنوات و هو مراقبها عارفها مكتقرب للواحد حتى كيوصل معاها لطوب فالصبر.
خاجة مامحتاجاش لتفكير و قدر يفهم بلي عساف قرب لختها و دارها طريق باش يطيحها، لكنه كان غالط ملي فكر بلي ضربة بحال هاذي طيحها مازادتها غاقوة و رغبة في تحطيم اعداءها و رغبة اكبر في استحواذ جسد كتاليا لاطول مدة على الاقل بيدما تسالي انتقامها.
بدون ماينطق حتى كلمة ناض من حداها مستنكر لشيء لي قام بيه عساف دوز اتصال لاحد الاشخاص و آمرو يوصل الطرد.
عند الكاندي لي كان كياكل حتى هو رفقة مراتو حتى جات عندو الخدامة و مدات ليه ظرف مجهول الهوية[ماعليهش اسم المرسل و العنوان] كان فارغ من اي معلومة تماما الشيء لي خلا فضولو يزيد باش يفتحو. . .
أنت تقرأ
كـتـالـيـا |بنت ٱلليل|
Acciónبــقلم: إدغار/Éԃɠäɾ• التقديم فأول بارت•' قصة باللهجة المغربية•'
