❄يفسدون في الأرض و ينسون أن نهايتهم قريبة، كلما نكروا كلما كانت أشد ألم❄
PART 25
كان جالس كيدوي مع كتاليا حتى دخل عندو أحد الشرطيين مد ليه تيليفون بٱستغراب منو و خرج على برا فتح مكبر الصوت و حطو فوق الطبلة.
المتصل: مستر الصحراوي الوثائق لي وصلو للبوليس و لي تعطاو لصحافة كانو فيهم دلائل عليك حتى نتا و المرحوم عساف.
عاكف: شمن وثائق علاش داوي؟
المتصل: اذن مافخبارك والو، تسربو وثائق كتبتو علاقتكم بديور الءهارة و بلي السيدة كتاليا هي سيدة هادوك المنازل.
عاكف(رفع نظرو فكتاليا لي مبتاسمة ليه) : شنو المطلوب دابا.
المتصل: عتارف بشنو منسوب ليك و الباقي حنا نتكلفو بيه.
عاكف(ببرود) : و بالنسبة لبنت الليل؟
المتصل: الا زدنا تهمة القت*ل على هادشي فراه غاتعفن فالحبس.
عاكف: مزيان هادشي لي بغيت.
قطع على المتصل و شاف فيها هي لي گاع ماتسوقات لكلام الأخير ديال داك الشخص.
كتاليا: كبان ليا أعضاء الوزارات واقفين معاكم شكون بحالكم غاتعيشو فلحبس بحالا عايشين فالجنة.
عاكف: غانزيد نغرقك ابنت الليل كوني أكيدة.
كتاليا: كتاليا ماشي بنت الليل(ميلات راسها) بغيتي بنت الليل ممكن نتبادل معاها لكن مانضمنش تخرج حي.
عاكف(وقف من مكانه كيقاد الڤيست لي لابس) : بغيت نعرف حاجة وحدة نتي لي قتلتييه ولا بنت الليل.
كتاليا: انا، لكن غانقول ليهم بنت الليل.
عاكف(بٱستغراب) : علاش؟
كتاليا: مابقى والو و تعرف. . .
قاطع حديثهم دخول الشرطي لي لبس ليه المينوط و خداه لغرفة التحقيق مخليها كتفكر و تخطط ، حاليا كلشي غادي كيف باغة هي واخا متأكدة بلي الكاندي و الصحراوي مغايفوتوش ثلاث سنوات فالحبس بحكم النفوذ لي عندهم.
كان فمصلحتها تخلي القضية قضية رأي عام خاصة فمحاكمتها لي غايطالبو يثم البث ديالها فالقنوات هنا فين غاضرب ضربتها و تقدر تخرج براءة او على الأقل ضمنها من بعد.
_عند صفاء لي دخلات لغرفة التحقيق فين دخلو عاكف جلسات دارت رجل على رجل و شافت فيه هو لي گاع مامسوق ضارب دنيا بركلة، فالأصل ذماغو خدام كيسب فكتاليا و كتوعد ليها بالجحييم خاص غا التسجيل الصوتي يوصل باش تزيد تغرق.
صفاء(بملل) حتى نتا غاتعتارف بشنو منسوب ليك بلا ماتعتارض؟
عاكف اكتفى أنو يحرك راسو بلايجاب بينما هي كملات كلامها :
_بغيت غير نعرف شنو دايرة ليكم هاذ كتاليا مافهمتش حسب اقوال الكاندي فهي لي مسيفطة الدليل باش تغرقكم و تغرق ختها .رغم ذلك ثايقين بلي اي حاجة فدوك الدلائل صحيحة واش تايقين فوحدة گاع ديور الذعاارة حاكماهم!
عاكف(ببرود) : بنت الليل ماشي بحال اي باطرونة، ماحاملش راسي حيث غانقول هادشي و ماشي من عادتي نمدح عدوي و لكن قتلااات عساف حيث استغل ختها و بغا يستاغلها باش يهرس ضهرها.
صفاء:ختها شي حاجة مقدسة عندها بزاف، مي كبان ليا العكس بالنسبة لداريا مكتحملهاش.
عاكف: لقاتها سبة باش تخرج گاع الحقد فقلبها فالنهاية ختها حضات بالشهرة و حب الناس واخا ماكانوش عارفين خدمتها الثانية كان كلشي كمدحها و هي لا.
حركات ليه راسها بالايجاب و خرجات من غرفة التحقيف تنهدات بسخط و اتاجهات لغرفة العميد.
أنت تقرأ
كـتـالـيـا |بنت ٱلليل|
Actionبــقلم: إدغار/Éԃɠäɾ• التقديم فأول بارت•' قصة باللهجة المغربية•'
