"وغى المشاعر"
"بقلمِ وتين"
فراشات كلبي لتنسون التصويت والتعليق بين الفقرات🤍🫂
احبكم هووايههه هووايههه❤️🔥❤️🔥
♡♡♡♡♡♡♡♡♡♡♡♡♡♡♡
انفتح ودخل عمر شايل رُواء ومعلكه ايديها بركبته أروَد بقى يباوع ومصدوم أماليا كذلك واني اضحك ، راح علي يركض اخذ رُواء من ايده وحضنها حيل وبجى...
أماليا راحت تركض ع رُواء وتبجي وتضحك...
ورُواء باوعتلهم وانغمى عليها اخذها أروَد يركض خلاها ع القنفه واماليا راحت يمها تحاول تكعدها....
أروَد راح ع عُمر وكال...
أروَد : شلون لكيت اختي ، ووين لكيتها ، جاوبني عُمر!
ابتسم عُمر وجاوبه...
عُمر : أروَد تكدر تتفضل ويايه نحجي ع انفراد
أروَد : ماشي بس اشوف اختي ثواني واجيك
عُمر : ماشي رح انتظرك برا
راح أروَد يركض ع رُواء ودخلها لغرفه أماليا ، واماليا ولُتين راحو ورا...
اني بقيت واكفه بمكاني وباوعت لِـ عمر بعيون مليانه حب وفرح وابتسمتله باوعلي ودار وجهه للصفحه الثانيه وجهه ذبلان ومبين عليه التعب...
رحت عليه اريد احجي ويا ، اريد اسأله ليش هيج دايسوي ويايه تقدمت عليه عافني وطلع برا...
انصدمت حتى ميريد يحجي ويايه حتى مخلاني اشكره انهضمت كُلش رحت لغرفتي...
دخلت لغرفتي سديت الباب وكعدت ورا ، خليت ايديه ع وجهي وبجيت...
ليش هيج دايسوي بيه؟
ليش كلهم عافوني؟
ليش كل شخص اتقربله فجأة يبتعد عني؟
مرت فتره واني كاعده ورا الباب ابجي رفعت راسي مسحت دموعي كمت رحت ع الشباك اباوع شفت أروَد وعُمر واكفين ويحجون...
فتحت الباب طلعت من الغرفه وتوجهت لِـ غرفه أماليا...
دخلت شفت رُواء نايمه بهدوء ووجها اصفر كعدت يم راسها وبستها....
اخذت ايدها بين ايديه واحجي وياها...
أمابيل : رُواء حَبيبتي اكعُدي كافي اريد احجي وياج اريد احجيلج ع الي صار ويايه تعبت كُلش اني بدونج ماعرف شنو اسوي
رُواء أنتِ مو بس بنت خالتي أنتِ اختي واكثر والله احبج هوايه يلااا اكعُدي
داحجي وحسيت بيها حركت راسها ، لزمت ايديها واحجي بلهفه...
أنت تقرأ
وغى المشاعر
Romanceهـُنا سوف انقلُ لكم قصه فـتاه مراهقة تخسر كُل شيء بسبب .... افتـح لكُم الـ باب لكيَ تتعرفون علىَ هذهِ المُراهقة بقلـمِ انا:وتين العزاوي تم تغيير اسم القصه من اختياري الخاطئ الى وغى المشاعر
