"وغى المشاعر "
"بقلمِ وتين"
فراشات كلبي لتنسون التصويت والتعليق بين الفقرات🤍🫂
احبكم هووايههه هووايههه❤️🔥❤️🔥
♡♡♡♡♡♡♡♡♡♡♡♡♡♡♡
"أمابيل"
قريت الرساله وكلبي ازدادت نبضاته...
محمد "عبالج هايهيه خلصتي يا امابيل سهله"
قلبي تسارعت نبضاته ضاق نَفَسي خفت كلش خفت..
معقوله يرجع يسوي بيه الي سوا...
اكيد لا ميكدر عمر ميخلي...
يقتله عمر والله...
ياالله شُنو راح اسوي هسه بلعت ريقي بخوف وتوتر...
فزيت ع صوت طرقات الباب تحمحمت حتى اهدء روحي وكلت...
أمابيل : تفضل
دخلت أماليا سدت الباب وتقدمت كعدت يمي اني شفتها وشهكت لزمت ايدي بخوف وكالت...
أماليا : شبيج حَبيبتي اما شبيج يَروحي
حضنتها ابجي وكلت...
أمابيل : تعبت أماليا
أماليا : من شُنو يَروحي احجيلي أُمي
ردت احجي لكن خفت...
تنهدت ورفعت روحي من حضنها وكلت...
أمابيل : مداعرف شُنو اسوي
أماليا : قصدج بموضوع مايا
هزيت راسي وكلت..
أماليا : اي
عدلت كعدتها وكالت...
أماليا : باوعي حَبيبتي والله اني احبج وما اريد الج غير بس الخير ولج اني ربيتج ع ايدي تتوقعين مني هسه اجي وأأذيج؟
هزيت راسي بنفسي وكلت...
أمابيل : لا
أماليا : لعد ليش متمشين بكلامي يا أختي صدكيني اذا مشيتي بكلامها حتتأذين هوايه امابيل لتخلين مشاعرج تمشيج وتسيطر عليج دائمًا خلي عقلج هوَ الي يربح بنقاشات العقل والقلب
صفنت لروحي اني كُل قراراتي اتخذها بقلبي وبالنهاية بهل وضع انتهى بيه المطاف ، رفعت عيني مستمعه لكلامها...
أماليا : الي يمشي ورا قلبه ويترك عقله رح يتأذه واغلب قراراته غلط لانُ ممأخوذه بعقل وحكمه مأخوذه بمشاعر
هزيت راسي وكلت...
أمابيل : صحيح والله
مسحت ع خدي بلطف وكالت...
أماليا : أمابيل حَبيبتي فكري كُلش زين وأصلا أنتِ مباقيه بعد فتره حتروحين لبيت زوجج بعد شعندج تروحين يمها لخاطري فكري
أنت تقرأ
وغى المشاعر
Romanceهـُنا سوف انقلُ لكم قصه فـتاه مراهقة تخسر كُل شيء بسبب .... افتـح لكُم الـ باب لكيَ تتعرفون علىَ هذهِ المُراهقة بقلـمِ انا:وتين العزاوي تم تغيير اسم القصه من اختياري الخاطئ الى وغى المشاعر
