"وغى المشاعر"
"بقلمِ وتين"
فراشات كلبي لتنسون التصويت والتعليق بين الفقرات🤍🫂
احبكم هووايههه هووايههه❤️🔥❤️🔥
Insta : 4watin_
---------------------------------
"أمابيل"
عُمر : محد مصبرني على بُعدج غير الچگاره
غمضت عيوني بألم وسكتت مرديت بعد صمت دام عدة دقائق تنهد وكال...
عُمر : روحي أمابيل روحي بابا بس البسي شيء فوك ملابسج خاف واحد من الولد كاعد بالصالة
هزيت راسي ساكته كمت لگيت عبايه يم الباب لبستها وطلعت روحي محتركة حرك كلبي يوجعني ماعرف شُنو اريد ولا اعرف مشاعري شُنو تايهة كُلش وصراع كلبي وعقلي أذاني كُلش...
تلگوني يهلهلون والسعادة غامرتهم الا اني الهم والغم تارس وجهي...
وكلت امري لربي وقررت انسى الحزن لو شويه...
اجتي عمتي ماريا تحضن وتبوس بيه...
ماريا : يمة يمة يمة بنتي جنتي الصااااكة اوووف فدوة حقه ابني من ميت عليج اللهم صل على محمد
دُر : اييي فدوة لعينها بنتي صارت عروسه
ضحكت وطلعت للحديقه ملفلفه نفسي كعدت شويه ودخلت لگيت المعازيم رايحين وعمر واهله ديتحضرون يردون يرحون...
كاعده يم زهراء وريري ورواء دنحجي انفتح الباب ودخل عمر تحمحم وكال.
عمر : حَبيبتي ممكن شويه
كالها وطلع ضحكت زهراء وكالت...
زهراء : اووووييي فديته اخويه شكد مؤدب ويجننننن هنيالج عليه أمابيل هنيااالج
رواء : اييييي لج شلون زوج يجننن
خزرتهن وكلت...
أمابيل : قل أعوذ برب الفلق نجبن
عفتهن وكمت طلعت ورا دورته ماكو طلعت للحديقه لگيته واكف منطيني ظهره ويدخن...
وصلت يمه وهمست...
أمابيل : ها عمر
أنت تقرأ
وغى المشاعر
Romansaهـُنا سوف انقلُ لكم قصه فـتاه مراهقة تخسر كُل شيء بسبب .... افتـح لكُم الـ باب لكيَ تتعرفون علىَ هذهِ المُراهقة بقلـمِ انا:وتين العزاوي تم تغيير اسم القصه من اختياري الخاطئ الى وغى المشاعر
