"وغى المشاعر"
"بقلمِ وتين"
فراشات كلبي لتنسون التصويت والتعليق بين الفقرات🤍🫂
احبكم هووايههه هووايههه❤️🔥❤️🔥
♡♡♡♡♡♡♡♡♡♡♡♡♡♡♡
"أماليا"
اليوم عرسي اني وأروَد ، من اليوم اني لِـ أروَد وأروَد الي ، من اليوم اني وأروَد رح نعيش سويه وتحت سقف واحد ، من اليوم رح نحقق أحلامنا سويه ، من اليوم كُل خطواتنا رح نخطيها سويه...
كلبي يرجف..
خوف..
قلق..
فرح..
توتر..
كُل هاي المشاعر داحسها بآن واحد...
من الصبح كاعده بالصالون وهاي صارت عصر وأخيراً كملت...
وكفت باوعت لِـ روحي بالمرايه واكفه بِـ بدلتي البيضه الملكيه ومكياجي هادئ وبسيط بس الحُمره أحمر غامق...
تقربت عليه عمه دُر وتصلي ع النبي وعيونها مدمعه...
دُر : اللهم صل على محمد وآل محمد يُماااا بنيتي الحُلوه أماليا شنو هذا الجمال حَبيبتي
ابتسمت وكلت...
أماليا : فدوه لعمرج عمه حَبيبتي
دُر : الله يحرسج يعمري ويوفقج بحياتچ ويسعدچ أنتِ وزوجج
عضيت شفتي السفليه بقهر حضنتها وبجيت...
أماليا : حبيبتي عمه والله مراح انسالچ هاي الوكفه تعبتي ويايه هوايه ومحد ساعدني ووكفلي غيرچ
باستني بخدي وكالت...
دُر : ولچ اكو ام متوكف لبناتها !! أماليا وامابيل ولُتين انتو بناتي والله صح ما جابتكم بطني بَس من انتو صغار اني ربيتكم حتى لُتين اني رضعتها
أماليا : عمه يَـ روحي كُلشي اتذكر والله حتى الام متسوي مثلچ
ضربتني ع زندي خفيف وكالت...
دُر : يلاا ولچ مسحي دموعج ليخرب مكياجج ما اريدچ تبجين اليوم ابد اليوم يوم زواجج رح يبقى مخلد بذاكرتج طول عمرچ لهذا يا حبيبتي افرحي واضحكي ما اريد تتذكرين بهذا اليوم غير بس الفرح
ضحكت وبستها بخدها قوي وكلت...
أماليا : احبچ يا احلى عمه وأُم وحَبيبه بالدنيا كُلها
دُر : روحي أنتِ
ضحكت وباوعت ع أمابيل واكفه كدام المرايه داتصور...
دك تليفوني رفعته باوعت أروَد دايتصل...
فتحته وكلت...
أماليا : الوو؟
أنت تقرأ
وغى المشاعر
Romanceهـُنا سوف انقلُ لكم قصه فـتاه مراهقة تخسر كُل شيء بسبب .... افتـح لكُم الـ باب لكيَ تتعرفون علىَ هذهِ المُراهقة بقلـمِ انا:وتين العزاوي تم تغيير اسم القصه من اختياري الخاطئ الى وغى المشاعر
