وغى المشاعر

Part-31-

"وغى المشاعر"

"بقلمِ وتين العزاوي"

فراشات كلبي لتنسون التصويت والتعليق بين الفقرات🤍🫂

احبكم هووايههه هووايههه❤️‍🔥❤️‍🔥

Insta : 4watin_

♡♡♡♡♡♡♡♡♡♡♡♡♡♡♡

"أمابيل"

حجتها وكامت طلعت من الغرفه حتى ملحكت احجي شيء...

صفنت شنو باجر يخطبني ياالله شنو ديسوي عمررررر وليش هيجي ديسوي...

مره يكُلي احبج مره يكُلي اكرهج مره يكُلي اريدج مره يكُلي ما اريدج حيرني والله...

احبه بس مداتقبله ماعرف أوافق لو أرفض لا لا لا حرفض خلص ما اريده بس...

بس لحظه اني احبه واذا رفضت هل مره أحتمال هاي هيَ اخسرة وللأبد...

وكالعادة الحرب اللي بين قلبي وعقلي ميخلص...

لحظه معقولة عمر انجلط بسببي زين ليش وشُنو سويت...

معقولة تندم ونقهر لانُ أذاني يعني يحبني لدرجة انُ ينجلط بسببي...

اااخخخ ياربي تعبت تعبتتتتت من التفكير والقلق والتوتر مداتحمل...

يا اللهي دُلني على الطريق الصحيح وقدملي اللي بي خير يارب اذا عمر بي شر واذيه الي يارب ابعده عن طريقي وللأبد لانُ تعبت واريد اخصم كلشي ويارب اذا بي خير وصالح الي يارب تمم كُلشي يا الله يا حَبيبي ياربي...

رحت غسلت وفتحت تليفوني باوعت انستا شويه داگلب وصار كدامي بالاقتراحات حساب ناز...

كلبي دك من شفت اسمها وصورتها اشتاقيت الها كُلش...

دخلت لحسابها جذبني بوست ناشرته ايدها بأيد رجُل ولابسين حلقات...

انصدمت من شفتها كاتبه " محمدي حَبيبي ألف مُبارك النا" ومسويه تاك لمحمد...

فتحت عيوني على وسعها مصدومة ممصدكة محمد وناز؟؟؟؟...

طلعت من البوست ودخلت على الهايلات شفت خطوبتهم وعرسهم وصورهم...

خانوني معقولة محمد من اابدايه ما حبني وجان متفق وي ناز حتى يكسروني...

نزلت دمعتي بس مو قهر لانُ تزوجوا بس بجيت على حالي وعلى اللي صارلي...