𝘌𝘴𝘴𝘦𝘯𝘵𝘪𝘢𝘭 |𝘠𝘶𝘯𝘰𝘰|✅

အခန်းနှစ်

ဆောင်း​ဦးဝင်ခါစဖြစ်​သော​ကြောင့် ​နေ့လည်ပိုင်းတွင်အ​​အေးဓါတ်သိပ်မသိသာပေမယ့် မနက်ပိုင်းဆိုရင်​တော့ သိသိသာသာ​လေးကို​အေးသည်။

မာသာကြီးကိုပင်​ကျေးဇူးတင်ရမည်။သူမ​​ကြောင့်သာ​ဆောလ်နူး​နွေး​နွေး​ထွေး​ထွေး​နေရသည်။မ​ဟုတ်ရင် အ​နွေးထည်တစ်ထည်၏ ​စျေးနှုန်းက​သေးလှသည်မဟုတ်။

​ဆောလ်နူးတို့လက်ထဲတွင်ကျန်​သောပိုက်ဆံကသိပ်မများလှ ဘာဘာညာညာဝယ်ရဦးမှာနဲ့ဆို ​နောက်လအတွက် အိမ်လခပင်ကျန်မည်မဟုတ်။

​​ဒါ​ပေမယ့်ဆောလ်နူးသိပ်​တော့မစိုးရိမ်ပါ။အကိုကအလုပ်ရှာ​နေပြီဖြစ်​သော​ကြောင့် အနည်းဆုံး​ဆောလ်နူးတို့ဆီမှာဝင်​ငွေတစ်ခု​တော့ရှိလာမည်ဖြစ်သည်။​ဆောလ်နူးလည်းကိုယ်နည်းကိုယ့်ဟန်ပိုက်ဆံရှာရန်​တွေးထား​သော​ကြောင့် အ​ဆင်​ပြေသွားလိမ့်မည်ဟုထင်သည်။

​စျေးအဝင်အဝကပင် ဆိုင်ခန်း​လေးများကို​စတွေ့​နေရပြီဖြစ်သည်။နည်းနည်း​လေးဆက်​လျှောက်သွား​​လိုက်တော့မုန့်ဆိုင်တန်းများကိုပါ​တွေ့လိုက်ရသည်။​

ဆောလ်နူးကဒီကိုပထမအကြိမ်မဟုတ်ဘဲမာသာကြီးနဲ့​ရောက်ဖူး​သော​ကြောင့် သိပ်​တော့မစိမ်း​နေ။​

"အစ်ကို"

​​ဆောလ်နူးခေါ်လိုက်​တော့အစ်ကိုကလှည့်လာသည်။

"ဟင် အ​ဆောလ်..ဘာလို့လဲမုန့်ဝယ်စားချင်လို့လား"

အစ်ကိုကမုန့်ဆိုင်​တွေကိုကြည့်ရင်း​မေး​တော့​​ဆောလ်နူးက​ခေါင်းခါလိုက်သည်။

"မဟုတ်ပါဘူး အစ်ကိုရဲ့။အစ်ကိုသွားစရာရှိရင်သွား​လေ​။​အဆောလ်ကုန်စိမ်းတန်းဘက်ကိုသွားချင်လို့။ပြီးရင်လည်း​အဆောလ်အိမ်ပဲတန်းပြန်လိုက်​တော့မယ်​လေ"