ــــــــــــــــــــــــــــــــــــــ
هلاو حبايب شلونكم طبعا هاي ثاني روايه ائلفه بدون اي تخطيط مجرد الي يجي بالي اكتبه يعني مو روايات حقيقيه مجرد روايات وهميه لا اكثر وان شاء الله تعجبكم يلا نبلش..
لجين..
هلاو اني اسمي لجين اني من بغداد عمري 17 سنه طالبه صف خامس علمي مواصفاتي شعري للرڪبه كللش طويل و ويفي يعني كسرته مو قويه بيضه عيوني عسلي ع صفار كللش لونهن حلو ع امي خشمي قلم ڪلش حلوو حلكي متروس يعني راهم وي وجهي طولي 155 طولي زين و يعني لا سمينه ولا ضعيفه وزني 57 مربربه خصري ضعيف جسمي صاير مثل الساعه الرمليه المهم عندي اخين واحد اسمه سليم عمره 19 سنه ملامحه اسمراني عيونه عسلي فاتح كبار خشمه عادي ولحيته خفيفه هوه ضخم بس مو كللش يدرس سادس علمي. سنه ثاانيه لان اول سنه مطلع درجه زينه وو اخوي عمره 22 سنه اسمه امير مواصفاته ضخم ع ابوي وكللش يحب يلعب حديد ولبسه كله ع الموده يعني ما يحب يلتزم بشي بشرته حنطيه لحيته مرتبه يعني لا خفيفه ولا قويه ممخلص دراسه ثالث متوسط ومبطل بابا اجرلهه محل يشتغل بيه ابوي اسمه فؤاد جسمه ضخم حنطي معضل يعني مو من الرجاجيل العدهم كرش يهتم بجسمه رغم انو عمره 46 بس كللش يحب يهتم بجسمه بابا مخلص دراسه ودرس طب بابا طبيب ويشتغل بعمليات القلب والكبد والرئه وهاي السوالف وماجر محل اخوي يكعد بيه وبابا ملتهي بالمستشفى وشغله الحمد لله ماشي نجي لنبع الحنان امي اسمه تماره هم قزوم طوله 150 يمكن حتى اقل😂 عمره 44
امي مدرست هواي لحد الثاني متوسط وبطلت لان ابوهه توفه يعني مكدرت تخلص دراسه جانت ضروفهم متسمح خصوصا بعد ما مات جدو تحب تشتغل بالبيت تحب كلشي يكون مرتب ومتحب تطلع عكسي تماما اني واخواني طالعين ع بابا يعني كللش نحب نطلع المهم..
خلصت العطله ورجعنه للدراسه وكعده الصبح اني يعني لازمخط لان الثانويه شويه بعيده
كعدت الساعه 5:30 حتى اللحك اسبح وابدل اشسور شعري الي يرادله اكثر من ساعه اني ما اللبس شال اهلي منطيني كامل حريتي الحمد لله المهم كعدت سبحت واختاريت ملابس اني لبسي كله اللوان غامقه ختاريت سدريه سوده ساده ضيكه مخصر ع جسمي وجواها بدي ربع ردن و ستره جينز سوده كللش جبير حجمه المهم رفعت شعري ذيل حصان وطلعت كذله كذلتي مثل كذله الكوريين يعني موده وكذاا صارت 7:20 نزلت لكيتهم كلهم گاعدين
،، صباحوو
،، هلا صباح النور(الكل)
،، ها يمه تعاي تريكي حبيبتي
،، اي ماما جايه
،، لجين ابو الخط يمته يوصل؟ هذا كلام امير
،، ب 7:30 يوصل
،، تمام
،، بويه لجين ديري بالج من ولد الحرام وكلشي يصير وياج بس كوليلي ولا تخافين وخلي حدود للي يحجي وياج واي واحد يقلل حجي وياج اللسانج طلعييه
،، اي مو بس علينه طلعينه متر،، امير هيج كال
،، ههههههه الكل
،، اي بابه وديري بالج من صديقات السوء ولا تصادقين هواي الكثره مو زينه كم وحده ثنين تلاثه لا اكثر ماشي حبيبتي
،، اي بابا تأمر ولا يهمك
،، حبيبتي بنتي ركزي ع دروسج ونتبهي زيين
،، شنو هاي ترى خوفتوني هههه
،، يا بويه غير ننصحج
،، يابه لا تخلي بالك
جان نسمع صوت هورن اجه ابو الخط طلعت
،، صباح الخير عموو
،، صباح النور بنيتي نفس الثانويه مو
،، اي عمو نفسهه
وصلنه للمدرسه اني رحت لصديقاتي جمانه و اسراء كلوليي كاعدات بالساحه رحتلهن وتباوسنه وكذا سوالف بنات يعني
