ـــــــــــــــــــــــــــــــــــــــــــــــــــــــــــــــ
،، هاا شبيج ولج(سرو)
،، لج عزززه عززززه
،، احجي شبيج
،، بعدين اكلج هسه عيب كدام الناس
،، تمام بس والله اذا مكتيلي
،، لا والله اكلج يلا امشي اني اريد ابدل
،، يلا نصعد بغرفه جمانه
،، اك يلا
صعدنه الغرفه جمانه لكيناها مليانه بناات بنات عمي وعماتي وبنات اخوال لجين يعني كتل
جان طلعت ركض ردت اروح ابدل بالحمام الي جوه و انضرب بفهد اخو جمانه
،، اسفه اسفه
،، عادي شبيج تركضين عبالك واحد يشحت وراج
،، اريد ابدل وماكو مكان فارغ كلت خلي انزل جوه بلكي الكه الحمام فارغ
،، هم صايره عليه كتل
،، اهووو لعد وين ابدل خرب حضيي...
،، تعاي بغرفتي
،، اخخخ شكرا شكرا انقذتي
،، عفوا يلا بدلي اخذي راحتج
،، اك ماشي
دخلت دا ابدل نسيت مجبت جنطتي رحت جبته هيه والمكياج .. بدلت لبست هذني ملابسي الجلد الي حجيت عنهم بالبارت 3 شوفو .. دا افتح شعري فتحته ومشطته وتعطرت وعدلت مكياجي بس هلمره خليت الايلاينر اقوه واوضح حتى رسمت مدمع وجنت دا اللبس الحذاء جان نفتح باب الغرفه اني عبالي فهد فما باوعت وكلت..
،، بقت بس الحذاء اللبسه واكمل بسرعه
هذا شبي ميحجي باوعت عليه جان طلع ساهر
،، امممم اسفه عبالي فهد
،، شنو هذا لبسج؟ مبينه كل مقاسيم جسمج
،، بابا شعليك شكو مركز زياده فدوه لتصير الشرقي القيور وكذا مالي خُلك
،، للجين بدلي
،، حلو تعرف اسمي ما ابدل مجايبه ملابس ومالك علاقه بيه
كملت لبس الحذاء وكمت دا اللبس الجاكيت الجلد لبسته وباوعت ع روحي شفت شعري شويه مبهذل جان طلعته من جوه الجاكيت وكمت امشطه وحطيت عطر مره ثانيه
،، شبيك تباوع صفح معاجبك
،، هذا شعرج لو هم تحطين وصل؟؟
،، لا شعري ليش
،، اخخ الله ماكو غلطه يمته تصيرين يمي
،، يااا شبيك عيناي دوخر مالي خلكك انت وثقتك الزايده
،، بسيطه
،، الحمد لله وشكر عندك ثقه بنفسك كلللللش زايده واخيرا لكيت واحد عنده ثقه اكثر مني حجيته ببرود
،، ضحك بستهزاء وكال مو ثقه وتشوفين واخذج من هالشارب
،، الله كريم عوود
نزلت وضليت افكر هذا شبي ياااا عنده ثقه بنفسه زايده استغفر الله نزلت وكلهه تابوع عليه يمكن لان لبسي مختلف او لان اسود جان مريه باوعت عليه وكالت اللهم صلي ع محمد وال محمد رحت يم جمانه
كتله هاي منيه الي صلت ع محمد
،، هاي ام ساهر والكاعده يمهه اخته لساهر اسمه اسماء وهاي الي بصف ام ساهر تصير خالتي اخت امي
طبعا اسماء ايه من الجمال تخبل ماشاء الله طالعه ع اخوهه
،، يا تشبه امج تدرين
،، اي والله كلش وباعي هذيج البنيه الي دتمشي اللابسه فستان وردي وحجاب ابيض اسمه غزل لج تموت ع ساهر وشكد تتفيك من تشوفه
،، لا والله وهيه متدري هوه يحبني بعدين نتبهت ع روحي شحجيت جان كالت..
،، ها شكلتي
،، انسي انسي اي كملي منو بعد
،، احجي شكلتي
،، اهووو خلي اصيح سرو لان هيه هم تريد تعرف واجي اكلجن
،، ماشي ماشي
رحت صحت اسراء وكعدنه اني كعدت بين اسراء و جمانه
،، يلا احجي
،، باعن من طلعت جنت دا اغسل،،،،، حجيت الصار بالبارت القبل هذا
،، عزززززه (سرو)
،، شبيج وجع نصي صوتج
،، لج يمكن صدك وكع بحبج (جمانه)
،، هوه اني منو يشوفني و يوكع بحبي المهم وصار بغرفه فهد..... حجيت فوك
،، يااااا ولج بعد ميفتك منج اذا ما حبيتيه(جمانه)
،، اي مو بكيفه
،، لج غير جنتي مكرشه عليه واكعه هسه شجاج هههههه(سرو)
،، لج اي بس شفت طبعه وغروره ومتكبر يغار وماكو شي بينه والمشكله لا ابن عمي لا ابن خالي كلشي ميصير مني
،، هههههههه(سرو)
،، لج والله حبج(جمانه)
،، اي كملي تعريف بالعائله
،، ماشي هذيج البنيه الي كاعده هنااك يم امج هاي اسمه فاطمه هم معجبه بساهر
،، ماشاء الله كلهن معجبات بساهر
،،، ههههه يالثوله لتضيعينه من ايدج(سرو)
،، انجبي اي كملي
،، شايفه هذيج الي لابسه عبايه وشال وردي اسمه ورده لج ونبي حباااابه بشكل مو طبيعي
،، اي مبين عليه(سرو)
،، وهذييج اسمه حنان الحامل هاي تصير مرت خالي فراس
،، شكله حبابه(اني)
،، اي والله كلش حبابه
المهم صارت الساعه ب 8 ابوي كال اليوم نضل هناا وباجر نطلع الضهر لو لعصر لان الصبح حيعقدون عقد محكمه رحت بدلت اخذت من ملابس جمانه برموده هيه جمانه اطول مني فبينت عليه مثل بجامه قصيره وبدي نص ردن واسع شويه . الكل راح بقينه بس احنه وبيت ساهر و كالو باجر من الصبح نطلع المهم كعدنه دناكل جان اجو الزلم جنه كاعدين اني واسماء وشمس وزهراء وجمانه وغفران طبعا سرو راحت من ال7:30
المهم دنسولف وناكل فواكه والكبار كاعدين ع القنفات
،، اكلج لجين شكد عمرج(اسماء)
،، عمري 17 حيصير 18
،، حلوو ماشاء الله العمر كله حياتي تخبلين
،، يعمري فدوه انت احلى
،، اكلج اسماء عندج موبايل
،، اي عندي
،، عندج انستا؟
،، اي عندي
،، انطيني يوزرج حتى نتحاجه لان حبيتج ونبي ورتاحيتلج
،، يكلبي اني والله هم حبيتج يروحي
،، اكلج لجين شتستخدمين لشعرج ماشاء الله يخبل(غفران)
،، والله كلشي ما استخدم بس دائما اعوفه محلول واغسله دائما وما اكويه هواي بس باوقات المناسبات
،، اها لج اني شعري منتهي مدري شبيه متقصف
،، اي يمكن من الحمل والولاده
،، اي والله يمكن
راحت غفران كعدت يم مرت عمي المهم سمعتهم ديسولفون وسمعت اسمي جان باوعت وبابا كاللهم..
،، هاي بنتي جمانه وحيدتي
،، ماشاء الله تخبل الله يحفضه(ام ساهر)
،، تسليمن خاله
واباوع ع ساهر ديباوعلي وطابگ حاوجبه ويخزرني ياا هذا شبيه المهم اجه فهد وسليم كعدو يمنه
،، يابه الله بالخير(اني)
،، الله بالخير والعافيه(سليم-فهد)
شفت سليم مركز ع اسماء ما حجيت باوعت ع جمانه وغمزتله جان استلمت راسن ههههههه
،، اي شلونكم(فهد)
،، والله بخير بشوفتك
،، ههههه دوم
،، غاليك اكلكم متروحون تكعدون يم الزلم هناك شكو كاعدين يمنه
،، اني عاجبني هنا اكعد (سليم)
،، اي والله مكان يخبل (فهد)
،، الحمد لله والشكر(اني)
المهم ضلينه نسولف ونضحك واباوع ع ساهر مشال عينه عني ويتصفحني من فوك ليجوه
فد كرهته شكوو يباع ع مقاسيم جسمي
لو شفاني محجيت عباله بنت شوارع
..
،، فهد
،، عيونه
،، يسلمن عيونك
،، دشترينه عصير
،، موجود بالثلاجه
،، اي اكوو بس خوخ واني ما احب الخوخ
،، اي لعد شتردين ست الحسن(سليم)
،، اريد برتقال عفيه حبابين واحد منكم يجيب
،، فوكاها تتشرط(سليم)
،، من عيوني اني حجيبلج (فهد)
،، خاب دكعد هاي مال واحد يجيبله شي(سليم)
،، كبر اخو جيس حب
،، ذاك عصير روحي اشربي
،، ماكو بس خوخ
،، لا لا اكو مشمش طيب اطيب من الخوخ(جمانه)
،، وجع بكلبج
،، هههههههههه(الكل)
،، اسماء شو متحجين(اني)
،، شحجي ههههه
،، شاركي ويانه
،، ماشي حياتي
كعدنه نسولف شويه ورحت بره للصحيات المهم جان لحكني ساهر..
،، شكو تتمضحكين كداام فهد والولد وشعرج محلول ع طوله
،، اولا فهد ابن عمي ثانيا مالك علااقه ثالثا اني احب افرد شعري لتدخل
،، لجين كافي كلان خراا مالي خلك
،، مالك خلك لا تحشر خشمك بشي ميخصك
،، لجيين لتشوفييني ساكت وحق ربج اكتلج واحسب الله ما خلقج كاعد ع اعصابي ترى
،، يابه انت شعليك وخر بلا زحمه مالي خلكك
،، لجيين تكفي الشر خرب لو انت باسمي وحق ربج ما اخلي جنس مخلوق يشوفج غيري
،، اي هاي اذا جنت بسمك هسه مالك علاقه بيه فدوه وخر
،، افففف استغفر الله ربي
،، الحمد لله والشكر ربيي رجائا بعد لتدخل بيهه
،، الله كريم
لكم جنت ميته من الخووف ونبي وشكله يخوف وجهه صار احمر وعيونه حمر من العصبيه اني كلت هسه حيضربني راجدي يدفرني واني مدري شلون اطلع الكلمات بهالبرود واني بس واحد يطخني ابجي ضليت اتصنع القوه والبرود وهوه عصبييي المهم دخلت للصحيات وطلعت ورجعت جوه رحت صعدت بغرفه جمانه وصحت اسماء وجمانه وكعدت اسولفلهن الي صار وهنه كلهه عززه يااا هههههه المهم اسماء راحت تنام لان من الصبح حيطلعون واني رحت نمطلت ع القنفه الي بغرفته وكلبت بالفون شويه ونمت
ساهر.
جنت كاعد بالديوان بامان الله اني وشيخ زامل الي هوه ابوي جنه كاعدين واحد اتصل ع ابوي الووو... وعليكم السلام..... اي يا الله بيه الخير..... لا ان شاء الله احنه الضهر يمكم.... ان شاء الله ان شاء الله..... ثيمالا
،، ها يابه شكوو
،، بويه خابرونه بيت عمتك ببغداد يردونه نجي لان باجر مشيه ناس ع بتهم جمانه
،، اي يا الله بيه الخير ان شاء الله
،، شوف بويه ضيعتلك گمر من بين اديناتك
،، بويه الله يهنيهه بحياته واني اصلا مشايفه بس ع كد السلام وان شاء الله دوري عن قريب هههههه
،، يا الله شنو لكيت بنت الحلال
،، بويه ان شاء الله لكيتهه
،، يا الله ان شاء الله
المهم رحت نمت وضل تفكيري بيهه باخر مره شفته من جانت بالحديقة.. كلبت بتليفوني شويه ونمت كعدت الساعه ب 6 سبحت وبدلت وحضرت ملابسي الي اللبسهم هنااك ولبست دشداشه سوده وغتره بيضه وشماغ ونزلت
،، صباح الخير
،، هلا صباح النور.. الكل
،، اي يمه جا ما اتريك
،، ليش ما اتريك
كعدت تريكت وشربت جاي
،، اي يمته نروح لبغداد
،، بويه ب 10 احنه نطلع مناا
،، بيه الخيير ان شاء الله
،، ان شاء الله
المهم صارت ب 10 حضرنه غراضنه وتوكلنه لبغداد وصلنه ب 3 لان احنه بيتنه بنص الانبار وهمه بنص بغداد يعني بعيده المسافه.. كعدنه جابولنه غده سولفنه شويه صارت ب 5 بلشوو الناس يجون واجو اهل العريس اني حاجيت عثمان وكتله امشي نبدل بغرفتك اني ما مبدل فكال يلا امشي رحنه فوك عثمان بدل وخلص واني بعدني بس لبست البنطرون وجان تدخل علينه بنيه يا بويه من شفته رتاح گلبي وضليت صافن عليه ومن شافتني راسن دارت وجهه وشفتو الي صار فووك المهم كملنه لبس جان سالت
،، عثمان اكلك هاي البنيه شسمه
،، اسمه لجين اكثر وحده محبوبه وتحب تحجي يعني بشكل عام تصرفاته حلووه وهيه هم تخبل ماشاء الله
،، كلت بكلبي هيه غير اخذت عقلي وكلبي وتفكيري..كلت بصوت الله يخليهه
نزلنه كعدنه بالديوان الي اهل بغداد يسمونه استقبال وجان عدهم عادي البنات والزلم يكعدون سويه لان مجان احد غريب يعني كلنه گرايب بعدين دخلت جمانه هيه ولجين وانه شفته شلابسه طكن فيوزاتي همزين محجيت هيه من دخلت علينه بغرفه عثمان مركزت عليه شلابسه ومن من شفته صدك ردت روحي المهم ضليت اباوعله واني عاقج حواجبي بلكي تفهم وتروح تبدل لان لبسه كللش فاضح ورجليه مبينه المهم حجو الحجي فووك 👆 لجين جابت الجاي وتمنيته من الله تفتهم وتولي تبدل بنت الكلب وصلت يمي ضليت خازره
،،تفضل عيني
،،زاد فضلج واجه الشيخ واكلنه وهاي واني شفت لجين جاي تغسل بره وكلهه زلم فتخبلت والحجي صار فوك 👆 المهم الكل راح لان بيوتهم قريبه بس بقو بيت ابو امير واحنه لان احنه طريقنه طويل وباجر نطلع من الفجر اما بيت ابو امير ف زوج عمتي (ابو عثمان) كللهم يضلون وباجر يرحون المهم جنه كاعدين بالحديقه اني والشيخ زامل و فراس و ابو عثمان وابو امير وامير بعدين دخلنه جوه وشفت جمانه كاعده ولبسه وهيه وحاله شعره كدام اخوي جان خزرته بس هيه مفهمت صبرك يربس شهالفهاوه
بعدين هيه طلعت واني لحكته والحجي صار فوك 👆
المهم اني رحت كعدت يم الكاعدين بعدين اني ترخصت كتلهم حنام صعدنه اني وفهد نمت بغرفته
ـــــــــــــــــــــــــــــ
جمانه.
بعد ما نمطلت ع القنفه ما رتاحيت بالنومه جان نزلت يم امي جوه بالصاله نمطلت يمه ع فراشه وما احس اله نمت
ساهر.
صارت الساعه 5 كعدني المنبه نزلت كعدت امي وابوي واسماء و فراس حتى نروح كعدنه اسماء حضرت جاي بهدوء حتى محد يكعد احنه جنه كاعدين بالديوان وكمت بلكي اشوف لجين قبل ما اروح بعدين شفته نايمه بالصاله ومكشفه وطالع جسمه وكلش تنرفزت اخذت عباتي وغطيتهه بيهه
،، هاا خويه
،، هاا
،، شكو يم البنيه
،، لا جانت مكشفه وجسمه مبين فغطيته بعباتي عيب من العالم
،، اهاااا بغمزه هههههه
،، اي خويه الي بالج صحيح
،، عززززه صدك
،، ولج صوتج اي والله صدك
جان كعدت لجين
،، يااا شكو فوك راسي (جمانه)
،، ههههه ماكو شي سلامتج (اسماء)
،، الله هاي منو غطاني بيهه عطرهه يخبل
،، لج هاي عبات ساهر
،، عززززه كلت بصوت ناصي وستحييييت.. اااءء شكرا هاك عباتك حكوم اخذلي غطه
،،هههههه لا خليه مادام عجبج عطره(ساهر)
،، لا شكرا ما اريد
،، براحتج
،، شنو حترحون
،، اي حنروح(ساهر)
،، ياااا يلا توصولن بالسلامه اكلج اسماء من توصلون عود راسليني
،، تمام حياتي
،، يلا اني حروح اجيب غطه
ـــــــــــــــــــــــــــــــــــــ
جمانه.
المهم رحت جبت غطه وكملت نومتي
ـــــــــــــــــــــــــــــــــــــــــ
ساهر.
رجعنه للانبار وطول مسافه الطريق تفكيري بيهه بنت اللذينه ههههههه
.....
★★★★★★★★★★★★★★★★★★★★
وخلص البارت ان شاء الله عجبكم انتضرو البارت الجاي
