ـــــــــــــــــــــــــــــــــــــــــــــــــــــــــــــ
رحت دا اكعد سليم لكيته كاعد وجان كلي
،، منو يمنه؟
،، اذا اكلك متصدك
،، منوو؟؟
،، بيت عمو ذو الفقار
،، جذابه
،، والله العضيم
،، شجابهم
،، والله ما ادري كالو لامي يردون ابوي بموضوع مهم
،، امممم
،، كوم غسل وسلم عليهم هاا ولبس ملابس مو تطلع
بالشورت والكيمونه خااف اسماء تكتلنه
،، ههههههه اي اي تمام بس ولي
،، رايحه
رحت للمطبخ ولكيت بس جمانه امي راحت تكعد يمهم جان كتله
،، امشي خلي نروح نعكد يمهم
،، تمام اصلا اني ردت اروح بس ستحيت لان صالي
هواي مشايفتهم
،، اي والله اني هم امششي امشي
،، تمام
رحنه كعدنه وسوالف عاديه وامي كالت
،، اي شنو الموضوع المهم
،، والله احنه نريد نحجي وي فؤاد بس يلا هم
نحجيلكم اول تالي حتعرفون.. ابو يزن
،، اي احجي
،، والله احنه جاين نطلب ايد لجين ليزن.. ابو يزن
اني نصدمت وكلت
،، بس عموو اول شي انتم عايشين بدهوك يعين
مكان كللش بعيد عن بغداد
،، لا عمو احنه حنعيش هناا رجعنه نعيش ببغداد
،، عمو اني اصلا شايله فكره الزواج من بالي
واريد اكمل دراسه
،، عمو انت صار عمرج فوك ال 17 سنه وتاليتج زواج
واحنه ما نمعنج من الدراسه
،، اي حتى لو بس غير واحد افهمه ويفهمني معاشرته
،، اي عمو هذا مو غريب
،، شنو مو غريب غير صالي اكثر من 6 سنين مشايفته
،، اي تعرفي عليه هسه
،، يمه لجين حبيبتي كافي يجي ابوج وتفاهمو
،، ااففف شنو هوه الكافي
،، لجيين اني احبج من جنه صغار وناهي عليج.. يزن
،، هوه شنو تحبني بس اني ما احبك وشنو ناهي عليه
،، اي ناهي عليج ومتصيرين لغيري
