ـــــــــــــــــــــــــــــــــــــــــــــــــــــــــــــــ
اني نمت نومه اهل الكهف كتلهم لتكعدوني منااا لحد موعد الصالون وصدك امي كعدتني بالوحده ع ما اجهز نفسي وتصير ب 2 المهم كملت رحنالهه وهم خلصنه ب 4 ونص وهالمره اجه ساهر اخذانه اني ويا بسياره وامي وجمانه بسياره امير ها بالمناسبه سليم وام ساهر بعرس اسماء فففف ما حضرو عرسي بس عادي عادي وصلنه للقاعه دخلنه سويه اني کلبی یرفر من الفرحه وتوتر وکل انواع الشعور.. اما بالنسبه السلطانه هوه چان لابس قاط اسود و قميص اسود فاتح اول دكمتين وشعره رافعه ومرتب لحيته يعني يجنن باختصار دخلنه للقاعه وهوسات وهلاهل احنه بس كعدنه امي نزعتني البركع
ركصنه شويه وكال
،، تتذكرين الواثق من نفسه منو؟
ابتسمت وكتله،، اي جنت احسك معرور وواثق من نفسك ومجنت متصوره نوصل لهاي اللحضه
،، بس وصلنه
ابتسمت بخجل.
كعدنه وكال
،، اني ماجر فندق نبات هنا والعصر نروح للانبار
،، لا حبيبي عليك الله منا نروح للانبار
،، ليش
،، والله احسن حباب شبيك
،، ولج صدك تحجين ترديني اصبر ساعه ع ما نوصل
،، ايي صبرت كل هالاشهر وما تصبر ساعه
،، ولج حبيبي ونبي منتضر هاللحض
،، والعباس اذا رحنه فندق ما اخليك تلمسني وبس اعيط اخليهم يشكون بيك خاطفني
،، صدك تحجين
،، اي والعباس
،، زين ليش
،، والله مره شفت هم عرسان قضو ليله بالفندق ومصوريهم بكامره مراقبه وناشرين التصوير ومن هذا كمت اخاف
،، ماشي حبيبي راح الغي الحجز
،، اي عفيه حباب
المهم لغه الحجز واجه وقت طلعتنه لبست البركع وصعدنه بسياره وضلينه نشغل اغاني ونغني وياها وجان نوصل لبيتهم ولكيناهم هستوهم اسماء وسليم طالعين واني ضجت لان مشفتهم يلا ان شاء الله نعزمهم ونشوفهم ..كعدنه شويه وره شويه صعدونه للغرفه واني توتر صار عندي الف بس همزين جمانه يمي وتهدي بيه دخل ساهر والكل طلع سد الباب قفله اني من سمعت صوت قفله الباب كمزت وخفت كللش وتوترت نزع الستره و كعد يمي لزم ايدي وكلي
،، شبيج متوتره حبيبي
،، يعني تريدني اكوم اركص غير كل بنيه هيج يوم تتوتر
،، هههههه لا تخافين حبيبي كومي خنصلي ركعتين
،، لازم انزع البدله
،، لا حبيبي اللبسي روب الصلاه فوكاها
، يااا ما اكدر أركع
