ـــــــــــــــــــــــــــــــــــ. ــــــــــــــــــــــــــــــــــــــ
جمانه.
جنت نايمه وبسابع نومه وكعدت ع صوت الهلاهل
،، يااااا صدك جذب شبيكم متخلون الواحد ينام
،، ولج كومي جمانه عقدت(غفران)
،، يبووووو هستوكم تدرون غير هيه عقدت من البارحه
،، لج لا عقد. محكمه كومي
،، خرب حضيييي
كعدت غسلت وجهي ومشطت
،، الف الف مبروك
،، حياتي الله يبارك بيج(جمانه)
،، مبروك اخي
،، الله يبارك بيج يرويحتي
،، اي بيش الساعه
،، ب 10 (امي)
،، تريكتو بعدكم
،، اي والله تريكنه بقه بس فهد وسليم ممتريكين نايمين روحي كعديهم وتريكو سوه(ام عثمان)
،، تمام عمه
اول شي حطيت القوري ع الكهرباء وحضرت الاجبان والتوست وخبز عادي
،، سليم فهد كومو اكعدو خلي نتريك سوه كوووووموووووو
،، يابه ومرض شتردين(سليم)
،، بكلبك كون المرض كومو تريكو
،، اصبحنا واصبح الملك لله (فهد)
،، اي اكعدو يلاااا
،، هوه شنووو اني ما اشتهي بس ونسيني بفراكج (سليم)
،، والله معليه تكعد تتريك وياي
،، اني بالنسبه الي ميت جوع(فهد)
،، اي عفيه استحي اكعد وحدي ع الميز عوفه لهذا انزل غسل وتعال تريك
،، لا والله اني هم جوعان(سليم)
،، اي يلا كومو غسلو الريوك حاضر ونبي
،، يلا جايين(سليم-فهد)
نزلت اني وهمه نزلو وراي غسلو وكعدنه نتريك
،، لعد مجبتو حلقات (امي)
،، يااا جبنه ولبسناهن هنااك ونزعناهن بالسياره بس نسينه نطلعهن هنااا (جمانه)
،، خرب شكد فاهيه(اني)
،، غير تكعد ع اساس انت مو فاهيه(سليم)
،، وجععع
المهم طلعو الحلقات ولبسوهم وامي تهلهل وعمتي هم
عقدو وخلصوو ولبسو الحلقات وضلينه نسوولف ب 10 ونص عمتي كالت لغفران والشمس و زهراء وجمانه يحضرون غده اني كمت وياهن ع الواهس حضرنه الغده صارت ب 12 اول شي صلوو وكعدنه نتغده صبيتلهم جاي ورحت نطيتهم بلشت من اليمنه نطيت لبوي بعدين لعمي بعدين لعمتي ولمي وبعدين لعثمان والامير و سلييم والبنات وانطيت الفهد هوه الوحيد الي كلي شكرا
،، شكرا تعبناج عيني
،، تعبكم راحه (كلتهه واني اكعد) واخيرا واحد كلي شكرا وحس بيه ههه
،، هههههه
وره شويه ابوي كال ب 2 نروح للبيت
،، ماشي (الكل)
،، عزززه اني اروح احضر روحي مضل وكت عزززه غير دكلولي من وكت
،، ومرض شبييج ترى الساعه بالوحده تلحكيين(سليم)
،، يا الحك هم يلا اسبح وابدل واسوي شعري اللي يرادله اكثر من عشر ساعات
،، اي گصي شعرج وبعديين شكوو تسبحين وتكوين وتبدلين مثلا منو ينتضرج بالبيت براد بيت
،، لااااا هذا حلل بشرفك بعديين واذا رايحه البيتنه هم لازم ارتب نفسي
،، ولج يلاا حضري روحج موتتينه (امير)
،، اي والله هذا ميفيد الحجي وياه
رحت سبحت بالحمام الي موجود بغرفه جمانه وبدلت لبست السويتر البنفسجي لان مريح وياه جواريب شحميه والحذاء حطيت مكياج خفيف مرطب وتنت ع خدودي وكحل ومرطب شفايف وسويت شعري صارت ب 2 بلش الكل يجهز روحه واني كملت وحضرت جنطتي وخلصت اما البقيه فكلهم بعدهم
،، شفت كتلك مضل وكت لو ماخذين كلامي
،، ولي والله الج خلك(سليم)
،، ههههههه امشي امشي
خلصو وطلعنه من البيت وربع ساعه وصلنه البيتنه يعني مسافه مو طويله رحت راسن لبست دشداشه قصيره و واسعه ونمت وكعدت ب 7 بالليل بويااي شكد نايمه كمت غسلت وجهي رطبت جسمي ورطبت وجهي وحطيت مرطب شفايف وعطر ونزلت لكيتهم ديتعشون
،، مساء الخييير يا قوم.. بصراخ
،، مساء النور(الكل)
،، يمه تعاي تعشي
،، اي يوم جايه
،، الله بالخير
،، الله بالخير والعافيه(الكل)
،، ها بويه صرتي شيخه ههههه
،، ههههه بويه اني من زمان شيخه بس انتم شمدريكم
،، ايي شيخه هوه انتي كلمتين متعرفين تحجين نوب شيخه(سليم)
،، ياابه حاجيه
،، سليم خلي اختك تاكل
،، هوه اني شحجيت
،، اكلك امير هسه انت حتسوي العرس وره الكورس الثاني
،، اي ان شاء الله
،، ان شاء الله بس يا رب الحك اسوي كلشي
،، يمه كدامج هواي وكت
،، ان شاء الله يمه
كملنه عشه وكعدت بالصاله اباوع ع البلازمه مطلعه فلم الساعه ب 11 هييج جان اجه سليم
،، يا هلا باخيتي وبت گلبي
،، هلا بيك. باستغراب شرايد؟
،، مرايد شي
،، هيه مال دروب
،، باعي
،، باعوت احجي بدون مقدمات فدوه
،، اريد رقم اس
،، اسمااء والله ادري وعرفت حتجيني عليه
،، يلا مدام تدرين انطينياه
،، اكلك انتم كل ما تحبوون تجون تاخذون الارقام مني
،، شنوو امير هم اخذ رقم جمانه منج
،، ههههه اي والله اخذ يوزره مال الانستا اي واني عندي بس يوزر مال اسماء ماعندي رقمهه
،، اي عادي كلشي الجان
،، لا بله وعبالك بهاي السهوله
،، ها خويه شتردين
،، اذا انت تجيبلي الحلويات هاا يكون تجيبلي حلويات بخمسه عدل واني احسبهن طبعا واذا انت متجيبلي الحلويات يعني تنطيني خمسه واني اجيبهن فتدفع 10 فلوس التوصيل خمسه وفلوس الحلويات خمسه ففففف
،، خرب حضي اي والله هاج 10
وانطيته اليوزر هلمره محاجيتهه اريد اشوف ردهه فعلهه من تراسلني المهم مرت كم ساعه جان اجتني
،، ولج انت مطيه يوزري لسليم موو
،، لا لا اني شعليه
،، اي وااضح
،، لج اي سولفي شكلج
،، وليي ما احجي وياج
،، اي اصلا اني ميهمني
،، انجبي تعاي اسولفلج
،، دردمي
،، وجع.. باعي اول مدخلي گلي هلا بالحلو واني شفت الرساله بس محجيت وكلت هذا منوو وضليت مستغربه جان كال اني سلييم
،، ياااا وانت شكلتي
،، احجيلج الصراحه
،، اي هوه اني شريد غير الصراحه
،، اني صح معجبه بيه ومن سمعته هوه طرت من الفرح بس خفت اني بنت شيوخ شلون اسوي هيج
،، وجعع انجبي لج وحق ربج اخوي سليم اني اعرفه اذا حب صدك واذا حب بلعب
،، يعني حيجي يخطبني
،، اي وتاخذينه من هلشارب ااا اقصد من هلحاجب هههههه
،، ههههههه ضحكتيني والله
،، اكلج يعني صالكم ساعه مدري اكثر بس تتراسلون
،، عزززه تدرين اني محسيت من 11 احجي وياه وهسه بالوحده
،، اي هوه الحب هيج يسوي هههههه
،، وجع هههههههه
،، يلا ولي اريد انام
،، باي باي
.. مرت ايام اجت المدرسه حضرت ملابسي اول يوم لازم ناخذلنه مخالفه فحضرت تنوره ضيگه جوه الرڪبه بشبر وجواريب سود مشبڪات و بدي صلوخ هم ضيگ وفوكه ستره بيضه جينز عريضه وحذاء بسطال اسود وشعري ارفعه كعكه واكييد طاگيه الي هيه اكثر شي المديره معارضته وطلع كذلتي المهم كعدت الساعه ب 6 ع المنبه سبحت رطبت جسمي وعطرته وبدلت وشسورت شعري وسويت ذيل حصان وحطيت واقي شمس اكييد وتنت خفيف ومرطب ينطي لون وردي خفيف جنه طبيعي وكملت واخذت جنطتي هم سوده وصورت كم ستوري للانستگرام ونزلت صارت الساعه 7:30 سمعت صوت الهورن بسرعه شربت جاي وسويتلي لفه اكله بالسياره
،، صباح الخير عمووو
،، صباح النور بنيتي
،، يلا نتوكل
,, يلا
وصلنه للمدرسه سلمت ع اسراء وجمانه
،، هيلاااو
،، هلا حياتيي شلونج(اسراء)
،، والله بخير انت شلونج و شلون مرت اخي
،، اني بخير(سرو)
،، ومرض بعدني مصايره مرت اخوج هههههه
،، ههههه
شافن لبسي واسراء نصدمت
،، عززززه هسه تلزمج ست عهود تلعب الغالي ع الغالي
،، يابه طز شتسوي ختسوي اني متعوده كل يوم بدايه مدرسه اتخالف هههه
،، عزززه بعينج شكد صلفه
دخلنه وجانت عهود واكفه وتعرف اسمي من كد ما اجي للادراه
،، لجين تعاي تعاي
،، نعم ست
،، الله ينعنع ضلوعج شنو هذا لبسج
،، يااا ست بيش طالبتني بعدين شبي لبسي والله حلوو
،، مالتجين بيه ع المدرسة
،، ست لعد واذا ترى عادي وهوه اول يوم عادي
،، اخخخخ يلجين حرت شسوي وياج لو ما انت شاطره
،، ست غير اول يوووم مشيهه حبابه
،، ديلا يلا هلمره سماح لان اول يوم
،، شكرا ست طفرت بسته بخده وهيه ضربتني بالعوده ع ضهري وضحكت
دخلت للصف اني كالعاده اول رحله اني ومرام واسراء
،، هاا ولج بشري(سرو)
،، عيب عليج طلعت منهه بسلامه حتى عهود حصلتلهه بوسه منهه وحجيتلهن كلشي صار 👆.....
،، عزززه بعينج شلون عرمه (جمانه)
،، لعد اخنس مثلجن
وكالعاده ما اخذنه دروس بس اخذنه كتب الكورس الثاني هنه مو كلهن بيهن كورسين كم كتاب بيه جزئين اما البقيه فف ناخذ نص الكتاب للكورس الثاني رجعت للبيت واني ميته حر وتعب رجعنه اليوم من وكت لان اول يوم رجعت ب 10 ونص لكيت امي دتحضر الاكل
،، هيلااو
،، هلا يمه
،، هلاا شو راجعه من وكت(سليم)
،، اي لان اول يوم انت هم راجع من وكت
،، اني اصلا مرحت اليوم شعندي رايح
،، يااا والله زين سويت
،، يلا يمه اصعدي بدلي وتعاي سوي الزلاطه
،، اي يمه اسبح واجي
،، ماشي
صعدت حطيت ملابسي السود بالغساله الي بحمامي وسبحت ع ما سبحت هنه خلصن غسل وحطيتهن بالجفافه ع ما رطبت جسمي نشفن شريتهن ع البلكون وهم غسلت سترتي البيضه وحدهه جدت المي وغسلته بدلت لبست تراك اسود بيه كلمات بالانكليزي لون ابيض والبدي ابيض نص رد ومشطت شعري رفعته كعكه والستره خلصت غسل جففته ونشرت ستوريات الي اخذتهن الصبح وشويه تصفحت وخلصت تنشيف هم شريته ع البلكون ونزلت ثرمت الزلاطه وخلصت وحطيتهن بكاسات رحت كعدت يم سليم
،، هاا شلونكم عصافير الحب
،، خاب اروحلج فدوه لان انطيتيني رقمه اقصد يوزره احححححح فديتج
،، والله لو ماني موجوده بالدنيا لا انت ولا امير تترتبطون يضل حبكم من طرف واحد هعهههه
،، اي والله لو هيج الاخوات لو متراد
،، زين هيه عترفتلك هم
،، وره كم يوم يلا عترفت هههه
،، اي لان تستحي زين ميانتكم فووول وحجي لو بس غزل
،، لا والله واحد يغلط ع ثاني عبالك اصدقاء مو احباب ومن اتغازل بيه دكلي ممتعوده عليك هييج هههه
،، ههههه والله هيج الحب احسن مو حبيبي وكلبي ومح مح عيييع لعبان نفس
،، ههههه وانت ماكو منا منا
بالمناسبه اخوي سلييم كلشي يصير وياي احجيه اله واذا نعجبت بشخص لو شي او احجي وي شخص يعني كللش عنده ثقه بيه
،، لا ويين هههههه
،، لج بعدج صغيره تكبرين ويكفون عليج سره ههههه
،، يعمري فديت اليزود ثقتي ههههه
المهم مرت ايام واسابيع واشهر واجت المتحانات وخلصت ع خيير الحمد لله طلعت معدل 93 وجمانه 90 واسراء91 وسليييم طلع معدل 90.83 وراح تمريض الحمد لله واجه عرس امير وجمانه وشتريت فساتين ليوم الفساتين ههههه صدك كومه شتريت فستان اسود بس هذا ايجار لان صار كللش غالي كلت اللبسه بالعرس جنه بدله يمووت
اجه وياه بركع بس ما اللبسه اخذت وياه تاج فضي اما الفساتين الباقيه فكلهن قصار واحد ماروني واحد اسود
الاسود والماروني اللبسهم بالحنه وفستان بالعرس والبدله السوده بالزفه المهم اجه يوم الاربعاء قبل يوم من الحنه لزمنه البيت جلفناه جلف والقنفات نزلناهم بالمخزن وجبنه السستم والكلوشه الي تصير وره العروس تجنن والميز يجي وي الكلوشه والاستقباله نضفناه والطابق الثاني هم احنه بيتنه جبير 700 متر قبل جان الجدي الله يرحمه قبل ميموت انطاه لبابا المهم وجان الكل ملتمين يمنه قبل بكم يوم من الحنه ونايمين بغرفتي واني نايمه بالصاله اجه يوم الاربعاء كعدت من ال6
،، اهووو صدك جذب شبيكم كالبين البيت كلاب
،، لج كومي اليوم الحنه(ريتاج بنت عمتي فاطمه)
،، يا ربيي الساعه ب 6 بعد وكتت
،، دكومي كافي كسل اليوم يوم اخوج وانت نايمه جيره وخفت(هاجر بنت عمتي سولاف عايشين بالصبره)
،، اي كايمه كايمه يا رب صبرك ورضاك ودفع بلاك
،، هلا بسوره ونوره(احمد ابن سولاف)
،، اهوو وخر من جهرتي مالي خلك
،، والله مو صوجج
ال.. صعدت الغرفتي لكيت محد بيهه جان دخلت بيهه وقفلت الباب وقتت الموبايل ع الساعه ب 9 اكعد عليه........
★★★★★★★★★★★★★★★★★★★★
امممم خلص البارت حبايب ان شاء الله عجبكم
