ــــــــــــــــــــــــــــــــــــــــــــــــــــــــ
لجين.
راحن صديقاتي صارت الساعه 5:35 اجه اخوي
،، سوو عشه اجه وياي صديقي
،، تمام يمه
اني نزلت
،، يلا جوجو تعاي ساعدي امي سوو عشه واني وصيت ابودلفري حيجيب سمجتين ودجاجتين وانتو سوو تمن احمر وجيبو طرشي من ابو سلمان
ملاحضه.، ابو سلمان واحد يبيع حبشكلات مال بيت ملكيت غير هذا الاسم 🤦♀️ يلا نكمل
وسوي مركه دجاج وسوب يلاا بسرعه
،، اهوووو شدعوه هلكد صدك جذب ترى سمج وتمن ودجاج وطرشي وسوب والله هواي كافي ،،لجين
،، ديلا عمي بدون مركه دجاج
،، يمه لجين غير اخوج خطيه هم ميريد يطلع بالفشله كدام صديقه
،، يمه صدك تحجين ترى والله هواي الاكل يعني سمجيتن ودجاجتين وسوب وتمن وطرشي بعد شيريد لو يكالني هم بعد
،، اوووف يلسانج
بالمناسبه اني كلشي مل اعرف اطبخ بس ساعدت امي بهاي الاشياء البسيطه وسويت حلويات يعني كاستر محلبي بالحليب العادي ومحلبي بالحليب ابو الڪڪو كملنه كلشي صارت ب 7:05
كلشي جاهز حطينالهم الاكل وكلشي وماما سوت الجاي اني بعدني بلبسي من اهد مراحن صديقاتي يعني مريح مابيه شيي وحليت شعري لان كلش احبه محلول المهم طلعت دا اشوف الورد الي بالحديقه الي جابهن ابوي ..ابوي من النوع الي يحب الطبيعه يعني يحب الخضار وهاي السوالف طبعا الحديقه مالتنه مضوين لان مشغلين بيهه لوجكترات 4 ما عدا النشرات دا اتمشه كعدت دا اشم الورد ما اسمع اله صوت ااحححم مألوفه نبرته خشنه
سامعته قبل ايي صوت ابن خال جمانه ساهر .. درت وجهي وشفته هوه انصدمت شويه وبعدين رحت سويت نفسي طبيعيه بس حرفيًا كللش نحرجت
ساهر.
بعد ما صديقي عزمني ع الاكل والله الجماعه ماكصرو ومجثرين بالاكل كعدت اكلت وشبعت الحمد لله تحمدت وكمت تااغسل وشفت بنيه دخيل الله شعره يخبل واني من النوع الاحب الشعر الطويل ولونه اسود بيه لمعه اخخ الله ضيم وبعدين ركزت ع نفسي استغفر الله شبيه اني عرض صاحبي هاي مثل عرضي من كل عگلي هيج احجي اتحمحمت وكامت شفته نفس البنيه الي شفته بباب الكليه وشفته شلون بيضه مو نفس مشفته بالكليه وجهه جان احمر من الشمس وهم حلوه وهسه بعد احلى بس شافتني طفرت رحت غسلت وكملت شربنه جاي وكمت وترخصت منهه
،، نرفع الزحمه خويه
،، ها وين بعد وكت نام هناا طريق كدامك طويل يخوي
،، اي خويه لازم اروح لان مثل متعرف ابوي رجال جبير وهناك كلهه كعدات لازم اروحله
،، يلا خويه براحتك
المهم اني رحت وضل تفكيري كله بتفاصيل البنيه وشعره وترافته
حطيتهه براسي اول مره بنيه هيج تجذبني
اني مو طبعي مو ياهي التجي تجذبني
ـــــــــــــــــــــــــــــــــــــــــــــــ
لجين *
راح صديق اخوي وره شويه اجاني امير
،، اكلج اختي حبيبتي
،، هاا خيرك شرايد
،، تدرين شكد احبج واعزج
،، رايد رقم جمانه ادري بيك
،، والله وتعرفيني
،، لعد شعبالك اخت ببلاش
،، يلا نطيناه
،، بشرط
،، اشرطي براحتج
،، باع هيه صح بت عمك وكذاا بس يعني هم رقمه مامنتني بيه
،، لجين راح ابتلي بيج
،، باع اولا تجيبلي ب 5 الاف حلويات
،، هاي سهله
،، ثانيا هوه ماكو ثانيا بس هذا شرطي هييهيه كلته وضحكت ضحكه تصنع
،، يلا انطيني الرقم واروح اجيب
،، لا بله عبالك ما اعرفك تاخذ الرقم منا تنساني منا
،، اك اك هاج هاي الخمسه
،، انطاني الخمسه كتله اذا سويتهن خمستين انطيك الرقم لان اني حشتري الغراض مو انته
،، اووووووف خره بلي يطلب منج شي
،، ديلا يلا لا ادردم
،، لجيييين
،، اشاقه حبيبي يلا انطيني
،، انطاني خمسه ثانيه واخذ الرقم
،، دفعني ع كيف وكال الله يطيح حضج وحض اليطلب منج شي هيج تذلينه من كبر طمج
،، وطمك وياي
،، ديلا ولي مفارغلج
،، تحتاجنيييييي
،، دولي ولي
ضحكت وراح اجيت راسلتهه وكتلهه
،، لج عوبه اخوي اخذ رقمج مني
،، عززه بعينج صدك؟
، اي والله هههههههه
،، عابت
،، شبييج غير يخبل
،، هوه مال حلو فمو بس حلو يمووت بس اني ما اوكع بحب شخص بسهوله
،، خايبه نجبي خلي يحاجيج وشوفي
،، لج كتبلي ع الوااتس يمه
،، اي يلا ولي حاجيه
،، تمام
اني هنانه مدري ليش تذكرت ابن خالهه لجمانه يجنن خرا ببليسه راحت ايام اجت ايام خلصنه اول كورس من الخامس علمي ومتحنه نص السنه وطلعت ناجحه ومعدلي طلع 85 يلا عادي واخوي طلع ناجح معدله 89 ابوي كلله نريد معدلك اكثر باخير السنه مرت ايام واحنه بالشهر 2 وايام عاديه جدا يعني مصار شي اجاني اخوي
،، لجين باعي اريد اخطبه جمانه
ودا افكر بهالشي وما اعرف اذا اهله حيطوني
لان هيه ماشاء الله دترس
وشاطره واني ثالث ما مكمل يعني خاف يفشلون ابوي خطيه ومن بعد هالعمر يتفشل من وراي وابوي ما نقصه تفشيله
