أنتِ غير

البارت الخامس

أنتِ غير
ــــــــــــ

بقلمي عاشقة القرائة
ــــــــــــــــــــــــــــــــــ

((خلص لهنا ونتهة  كلشي  بيناتنة قائد   انساني مثل ما نسيتك  بابا خيرني بينك وبينة. وختاريت. بابا لان فكرت بلموضوع وعرفت كلام بابا صح  انت متكدر تعيشني حيات كريمة ومثل ما اتمنى   لذالك اكولك  شوف حياتك وية غيري....  سلام))

اقراء ونار تطلع من عيوني.  اعصابي محترگة وحاقد علة ياسمين بكد خوفي عليهة.   بس خلص دام هية لختارت  تبتعد احفض كرامتي وما ادنالهة 

جسمي يطلع منة نار من لصخونة   وعيوني. تجري دمع حار  يحرگ وجهي 

بس ماكدرت امنع نفسي ماحجي عليهة   لزمت لتلفون  ودزيتلهة   بصمات صوت اغلط بيهن عليهة وعلة ابوهة وكومة. رسايل من حرگة گلبي   ونهياري ماجنت مفكر  بعواقب  هاذ لكلام.  

سديت لتلفون. وخليتة جوة لمخدة. امي ولبنات دخلن نامن. واني ضليت گاعد مايجيني  نوم.  ونار تسعر بصدري. ولصخونة  اذتني حيل  گمت اون  بصوت عالي   حسيت احد فوگ راسي.  لزمت  ايدهة من لدفو   الي بيهة  عرفتهة  هاي امي سحبت ايدهة بستهة واني مقمض عيوني 

حسيت علة برودة  علة گصتي  فتحت عيوني يحرگني. حيل من لحرارة   وامي گاعدة يم راسي  تخليلي كمادات  

قمضتهن  بقوة نزلن دموعي  مسحتهن امي....

...  لتبجي ماما انت رجال ١٠٠ وحدة تتمناك عوفهة يمة مو قسمتك  هاي. واشوفلك قيرهة بعد امك انت  يوليدي

حجيت بصوت مخنوك وجر بخشمي مثل لمنشول  ....  يمة احبهة   اول مافتحت عيني عليهة    هية وكان لعالم خالي من لنساء وبس هية امرأة  كدامي   عشقتهة بكل جوارحي. هية لمرهم  الي يسكن  اهاتي   واغار عليهة   اكثر من ابوهة لد*و  جان يلبسهة  ملابس قير محتشمة ويطلعهة. ويا  دمي يفور بس مابيدي حيلة. تضل بنتة بس مستغرب شلون واحد يكدر يطلع. فلذات كبدة   كدام لوحوش لبشرية    بهاذ لمنضر ويخليهم ينهشون  بيهة بنضراتهم. ويفترسوهة  وهية جمالهة بغدادي  سبحان لخالق  الذي ابدع  وصور هاذ لجمال  صورتهة متروح من بالي  بس ليش سوت هيج تخلت. عني  بسهولة. اي حب هاذ لاعرفة ليحب يضحي  لاجل ليحبة

...  يمة لبنية ابوهة متكدر  تخالف امرة. لتلومهة  وتمنالهة  لسعادة  بحياتهة 

...   لا والله. عساهة بنار گلبي  واكثر

...  لا  يمة ميصير تحجي هيج  وتحقد عليهة 

....  يمة لتضنين  اسامحهة بيوم علة كسرت كلبي

.    .. لبنية مابيدهة  شي

.....  يمة  خل تولي  راسي يوجعني لتحجين بيهة بعد

دنگت باستني  وحجت....  ازوجك الاحسن  منهة وداعتك

....  عوفي موضوع لزواج هسة