أنتِ غير

البارت ال سادس

أنتِ غير
ـــــــــــــ
بقلمي عاشقة القرائة
ـــــــــــــــــــــــــــــــــــــ

ثواني واشوف لكل واكف فوگ راسنة    
واني انفض بيهة بهستريا  اريدهة تكعد تجاوبني   ماكو لا حياة لمن تنادي 

شلتهة وكمت  اركض للسيارة. صار بوجهي جنيد  اخذهة مني وهوة يصيح ويسب ويغلط 

وركض بيهة لسيارتة.   ردت الحگة منعني   وامي  جلبت بية وحلفتني  ماعوف لعرس  واطلع. بس شلون بية گلبي راح ايطگ عليهة.   

دخلت للبيت.  رايط مثل الي سحبو روحة منة وضل يناشط  لحد ما طلعت لروح.   امشي بصالة.  بتوتر  خوف.    متردد اتصل بجنيد لو لا

صاحتني امي  كالت..  يلة راح يزفونك للغرفة. روح وية ولد عمك. وعوف لتفكير  امي ميفيدك  بشي 

..  يمة اريد اعرف شبيهة.  راح اتخبل

...  هسة اتصلت  بخالتك. كالت وصلناهة. قبل شوي للمستشفى   وبعد يمهة لدكتور.

....  اريد. اشوفهة.  احجي وياهة. شوصلهة لهل حال

..... ولك  يمة تريد تجلطني انت   بسوالفك مرتك  دخلوهة. للغرفة وانت كاتل روحك  علة غيرهة  عوف كولشي  وروحلهة  

....   يمة اعتقوني من هلزواج رحمة للخالق  ماكدر  بعد

امي تخبلت من كلتلهة  هيج. ضلت تحجي علية  وترزل  مالگيت  روحي،،  غير بلغرفة. 

دخلت وسدت الباب وراية واسمع صوت لحجي علية 

بدون ما ادحك  منو بلقرفة    كعدت علة حافة  لسرير    وابجي بعلو صوتي.  وناسي وجود   احد  وياي بلغرفة 

لحد ماسمعت صوت الشهگات  لتفتت   اسماء كاعده  بلگاع ومرجعة. راسهة علجرباية.   وتبجي   هنا صحيت علة  نفسي وكمت مسحت عيوني  وبدلت   وطلبت منهة تبدل وطلعت،،، 

برة اصدقائي، باركولي. وبيهم سئلوني علة ياسمين، وامهات لعلوم مطلعات  علينة بلبلة  علساس،  تحبني واني عايفهة. واجت توكف لعرس

احنة منطقتنة صغيرة بسرعة يطش لخبر  بيهة وتكثر لبلبلة    الله لايلزمهن  سلطة علة عبد مسلم يذلنة  امهات كريع

كوة تحملت  لحد ما خلص لعرس. وراحت لعالم

دخلت  للبيت. راسي يغلي، من لقلق  وعيوني، حمر  صارن    امي من شافتني  راحت  صاحت اسماء وجابتلنة عشة.  بصالة كعدنة. ماكدرت  اكسر خاطرهة  اكلت لگمتين.  بس علمود اخذ علاج.  طبگت  حبايتين  بندول  وساعة   وراسي ما هود  
وگلبي يعصرني علة. محبوبتة  بقوة خايف اسمع خبر عنهة مو زين 

ل ٣ واني كاعد بصالة. ادخن لكل دخل نام وضليت  بس اني كل شوي اتصل علة جنيد او خالتي محد يرد علية.