أنتِ غير

لبارت ال ١٢

أنتِ غير

بقلمي عاشقة القراءة
ــــــــــــــــــــــــــــــــــــــــــــ♡•♡•♡•

نورة  لبيت مگلوب  ناس تتصايح   ونسوان  تتباجة   وهوسة ولطم  واشوف اختي مفرفحة    مثل لطير لمذبوح     كدامي  ولنسوان يهدن بيهة لحد ما وگعت.  وشالوهة   للمستشفى اجاهة نهيار عصبي وضلت فاقدة.  خمس ايام بلمستشفى  وحالت  لجنين  ادهورت بس  الحمدالله بعدهة حالتهة استقرت  وطلعوهة   بس  مخلصتهة  تنوح  ويومية    متخربطة 

الي صار. زوجهة  جان. يسوق بسيارة  وطالع گدامة  ابو لوري  وماكادر  آيلوف لسيارة  وداخل بلوري  ومتفلشة سيارتة. وهوة نتقل الى رحمة الله  .

بس اخو  يگول لحادث صار گدام عيني   ابو لوري جان متقصد يدعمة.  كلهة  مصدومة  ورايطة  محد يعرف شنو لسبب هل عداوة  وسوو هيج لان هوة منتسب  لو قضاء وقدر.   ابو الوري نسجن   واهل حاتم  الله يرحمه  فصلو اهل ابو الوري

ومرت ايام  ودعاء حالتهة حالة. تعجبت  شلون تحب زوجهة   بهاي لطريقة.  بس طلع هوة يحبهة وخوش رجال مو مثل  لؤي لخيخة   حقة تسوي هيج من بعدة    ورجعت  يمنة  بلبيت   متقبل ترجع لبيت عيالهة. ولزمت  عدة  ومتطلع باب لبيت. خفت عليهة. لا تكتئب بسبب لعزلة  وگمت اضل يمهة اني وامي  من تبجي  منخليهة واخلي جوجو يمهة   حتة تلعب ويا وتنسة شوي بس ولا عبالك.  

ياسمين تحجي وياهة وهية خطية هم مريضة بسبب لصار. گلبهة متتحمل قهر  ومنا حمل  متعب ومهدد حياتهة بخطر. بس متعوفهة   تواسي بيهة   كل ماتشوفهة. تبجي
وقائد مدمر عليهة هوة حيل يسوي علة دعاء من زمان كلشي يحجيلهة  ميضم عليهة بس هسة من بدة يشتغل وميجي  بس سبوع  بشهر.  صرنة منشوفة  حيل وهوة  يجي تعبان. يادوبة يشبع نوم  قبل ليرجع للشغل مرة ثانية.  بس مع هاذ معايفنة.   من تزوجت لؤي  ما يوم لؤي صرف علية ربع  كلة قائد كلما يجي  يزورنة  يخلي مبلغ زين بيدي  مصرف الية. ويسوي هيج وية دعاء هم.   دعاء عدهة تلفون وتتواصل ويا كثير اني عمي كسر تلفوني  الي جابة جنيد  وياسمين وصلتة الي   وبعد ماقبلو اشيل تلفون  مرة ثانية. ولؤي ميخليني  الزم تلفونة. يشك.
.
وحياتي  كئابة   مرات اگول لو الله ماخذ لؤي وعايف  حاتم والله يسوة راسة.

بس الحمدالله  الله خلصني من لؤي

..................

.....  تريد تقنعني الي يجن لشقتك  ميصير بينك وبينهن شي  

....  ما مجبور اكذب ما انكر ردت انساهة بيهن بس ما گدرت  

....  لعد عليش كل يوم وحدة  شكل  انوب كلهة عرفت  عنوان لشقة  مطلعت شقة

..... ونتي شحارگ حمامج

....  هااا لان خايفة عليك   تصيح  علية مو صوجك