أنتِ غير
ــــــــــــــ
بقلمي عاشقة القرائة
ــــــــــــــــــــــــــــــــــ
صاح عمي ابو اسماء ..... ولك قاااااائد ولك عاااار تتزوج علة بنتي. وماصارلكم. شهرين والله فلا اخليهة علة ذمتك
وسحبني من ياخة لقميص. سطرني راشدي. بعدتة عني. وصحت..... عميييي كافييي ويننننن لغلط بلموضوع لشرع حلل اربعة واني اخذت ثنين
راد يهد علية انوب لزمو ساچت ولؤي اخذو كعدو عل كرسي لان تعب
ورجعو همة علية. ساجت يحجي ويغلط علية.
اسماء طلعت تبجي جابت مي لابوهة.
لؤاي گام يحجي ويريد اطلگ اختة. امي مسويتهة مناحة خواتي يتفرجن بلباب بس ياسمين ماكو
لتفت عليهن..... ساااسمين وين
نورة... طلعت تركض ورة لبيت
عفتهم يحجون. ويغلطون. وهاذ يرفع وذاك يكبس ورحت ادور ياسمينتي وين
. لگيتهة واگعة. . ورة لبيت ركضت شلتهة. اطبطب علة وجهة واحجي وياهة. ماترد. شلتهة وركضت. بيهة. للسيارة. وهمة. يركضون وراية لتفتت وحجيت بدون وعي علة كد ما اعصابي تلفت من لموقف .... وحق الله اذا صار شي لياسمين. لذبحكم
وصعدت بيهة لسيارة وامي وياي تحجي مراضية علة كلامي
اخذتهة. لاقرب مستشفى. شديتلهة مغذي. ورة ساعتين. من لقلق ولتوتر كعدت تبجي وحضنتني
همست بذنهة بحنية... اشش حبيبتي لتبجين كافي لتخافين ماصار شي
ردت بخوف وصوت ضعيف.... قائد حبيبي خايفة
... لتخافين يروحي صيري قوية. ماكو شي نشالله
حضنتني بقوة وترجف. ماعجبني وضعهة طلعت اسئل لدكتور عن حالتهة. بل گوة هدتني مجلبة بية.
دخلت مكتب لدكتور بعد ما ستئذنت وسئلتة عن حالتهة
صدمني من گالي .... عزيزي زوجتك تعاني من مرض نفسي وكتئاب حاد وبمثل هيج حالات لمريض لازم لا ينفعل ولا ينترك وحدة لان تجي افكار سيئة وسواس قهري يئدي. للانتحار
بلبداية ما ستوعبت كلامة بعدين جمعت من افكاري بعض مواقف تصرفت بيهة بغرابة. وسمعت مرة دعاء تحجي وية امي بخصوص تغير ياسمين لمفاجى وعصبيتهة لغير منطقية وعن لحبوب الي تاخذهة.
لدكتور عافني بصدمتي ما حجة ورة فترة كتب راجيتة وطلب اجيبلة هاذ لعلاج من لصيدلية وطمني نشالله ما عليهة شي تتحسن بلعلاج
رحت جبت لعلاج وشافة وعلمني شلون تاخذة.
وطلعت يم امي لگيت ياسمين. نايمة دنگت بستهة. واجيت كعدت عل قنفة بلغرفة. بصف والدتي وتنهدت بحزن
أنت تقرأ
أنتِ غير
Romanceهوة شاب. فقير جداً يكع بحب بنت خالتة وهي ابنت رجل غني جدا يتقدم لخطبتها ولاكن ماذا. تابعو لقصة لتعرفو المزيد أنتِ غير.. بقلمي عاشقة القرائة
