أنتِ غير
ــــــــــــ
بقلمي عاشقة القرائة
ــــــــــــــــــــــــــــــــ
ام جنيد.. كعدت من لصبح لگيت ياسمين. مخبوصة. ترتب بلبيت ومبايلهة. بيدهة تطلب اكل من مطعم راقي.
وبدلت ملابيهة بسرعة. وراحت للصولون سوت تنضيف لبشرتهة.
ورجعت محملة حلويات وضيافة. وطايرة من لفرح
... ماما ياسمين شصاير عازمة احد شنو مناسبة. هاي لتحضيرات
.... ماما ليوم اسعد يوم بحياتي.
... غير اعرف شنو ليوم. حتة افرح وياج
... خليهة مفاجئة ماما. للضهر تعرفين. بس رجائاً اتصلي علة بابا يكون حاضر بعد ساعة. بليززز ماما اتصلي بدون متسئلين علة شي.
... امري لله ماما راح اتصل
اتصلت علة حارث وكتلة. ياسمين تريدك بلبيت بعد ساعة. ستفسر عن لموضوع كتلة ماعرف ماقبلت تحجي
گال ماشي راح اكمل شغلي وارجع
سديتة من حارث. ولتفتت علة ياسمين. لابسة فستان قصير لون ابيض كرستال من عند لصدر. وبدون اكمام
ومسوية شعرهة كيرلي ولابسة تاج ناعم علة شعرهة وكسسوارات فضية وساعة. وكعب لون ابيض وكلة كرستالات وفخم. تفاجئت. من اناقتهة اعرف بنتي تحب لاناقة بس ليوم مبالقة شوي عرفت لموضوع مو عزيمة غير شي.
شكد ردت منهة تحجيلي مارضت. بوكتهة تمنيت لو بس حاجيتلي. جان تصرفت وماصار هيج
للضهر وصل حارث وكعد ينتضر ضيوف. ياسمين يوصلون
واني گلبي مو مطمن وهية لازمة تلفونهة. تراسل وعاگدة حاجبهة بتوتر
حارث... هاا بابا يأخرون ارجع لشغلي لو شنو
... لا باباتي حبيبي هسة راح يوصلون
رن لجرس. وياسمين فزت ... ماما راح اصعد ارتب مكياجي من جديد ستقبلوهم احسن ستقبال. امانة. بين مانزل
..... هسة غير نعرفهم
.. اطلعو استقبلوهم. وتعرفون
ام جنيد راح حارث شاف بلكامرات منو علباب ورجع
يحجي بنتر... هاي اختج. وابنهة. شيريدون هسة يجون ضيوف ياسمين يشوفونهم. هنا خاف يحطون لبنية بموقف محرج من اصدقائها يشوفون مستوا خالتهة وابن خالتهة.
ام جنيد.... هاي شبيك حارث جايين ضيوف علينة عيب هاذ لحجي بعدين ياسمين تحب خالتهة ولا يمكن تستعار منهة.
حارث... اطلعي شوفيهم شيريدون
ام جنيد... حارث عيب عليك امشي استقبلهم وياي احنة من نروح عليهم كلهم واكفين بلباب يهلون ويمرحبون
أنت تقرأ
أنتِ غير
Romanceهوة شاب. فقير جداً يكع بحب بنت خالتة وهي ابنت رجل غني جدا يتقدم لخطبتها ولاكن ماذا. تابعو لقصة لتعرفو المزيد أنتِ غير.. بقلمي عاشقة القرائة
