عندما التقيت به

البارت1

الكاتبه/مريم

......

مرحبا اني اسمي شمس عمري16 سنه عايشه ب بغداد اني صاحبه القصه واليوم ح اعرفكم على عائلتي عندي اخو واحد واخت وحده اخويه اسمه جليل عمره19 سنه
واختي اسمها قمر عمرها15 سنه جنت ستوي جايه من المدرسه واجتي قمر وكلتلي..

قمر: كومي شمس ماما تصيحج حته تتغدين.
شمس: ماشتهي اريد انام.
قمر: اني ماعليه كومي خلصيني ماما تكول الا تتغدين يلاا.
شمس: شكد تلحين انتي لخاطر ربج كتلج ماريد.

"*وين رحتي انتي دزيناج تصيحين شمس.
قمر: جليل اني شكو كول الها خلي تكوم متقبل.
جليل: شمس عاد كافي دلع خلصينه كومي.
شمس: كايمه هسه على اساس اني ال موگفه غداكم.
جليل: دكومي زين مقدريج ومنتضرينج ع الغده.

باوعتله بطرف عيني وگمت رحت كعدت اتغده وجنت اتغده وبابا كال..
باسم: اكول بنتي شموسه شلونها الدراسه وياج وانتي رابع هسه.
شمس: الحمدلله بابا كلشي تمام.
باسم: اي عاد اذا طلعتي امتياز نفس ذيج السنه الج هديه.
شمس: بابا يعني شتتوقع اني بنت ابويه اكيد اطلع متميزه.
باسم: وكفو من بنت ابوها اتعلم اتعلم من اختك باقي بس تسخت وطلعات.
جليل:اني؟
باسم: لا عمي اي انته اشو جامعه اهليه دخلناك وحته مامغزر بعينك لاشغل تشتغل لاصخام تصخم بلبيت باقي واربعه وعشرين ساعه بيدك هذا الخرى التليفون..

"*ياباسم هسه دعوفه الولد خلي يتغده.
باسم: اي انته ضلي حفزي على الشي الي ديسوي والله انتي وابنج خل اشوف وين توصلينه بدلالج هذا.
شيماء: اي اي دكملو غداكم.

ف خلصنه غده ورحت نمت ساعتين وكعدت كملت واجباتي وخلصت وبعدين كلت خل اروح اكعد يم قمر شويه ف رحت لغرفتها جان اسمعها تخابر.

قمر: ايي ادري حبي بس دخل اخلص مدرسه
....
قمر: اي اعرف ترى كلنه اخلص مدرسه وعود اخطبني عليمن مستعجل.

ف دخلت عليها..
شمس: ااحممم.
قمر: اي اي يلا بعدين نحجي بيبايي.
ضليت اباوعلها.
قمر: شبيج تباوعين وبعدين ليش مدگيتي الباب؟..
شمس: ماعتقد اني غريبه ف مابيناتنه خصوصيه مو..؟
قمر: هااا ا اييي صح.
شمس: مم ويه منو جنتي تحجين.؟
قمر: هاا ءء مم محد.
شمس: على كيفج شبيج توترتي ترى سوال عادي.
قمر: هسه شتردين؟؟
شمس: على فكره ترى سمعتج مداعي تجذبين منين هذا ومن شوكت تعرفي وشسمه وشكد عمره ءء وين عايش زين لو موزين؟؟
قمر: بلهداوه بلهداوه شبيج اخخذي نفس.
شمس: اي اي خلصينه احجيي.
قمر: ءء مم شسمه اسمه اشرف عمره18 ءء من بغداد تعرفت عليه مره جنه طالعين بلمولل ف هوه جان عنده محل ملابس من دخلنه ضل يباوع وكذا اي ف صارت روحات للمول وادخل لذاك المحل مالته فف بيوم من الايام اعترفلي وصارت بينه علاقه وهسه يريد يجي يخطب بس اني اكله لمن اكمل دراسه و حته لو اني بلس..

رادت تكمل وانفتحت الباب بقوه وجان تدخل امييي..

يتبععع..

توقعاتكم للبارت القادم اضغطو على النجمه وصوتو حته احس بلدعم🦋💞