نقطه ومن اول السطر
مش هنقول فاتنا القطر
ولا نزل ياعم المطر
خليك فالبيت بعيد من الخطر
خليك وايدك بتمسح دموعك اللي بتقطر
بتبكي علي قلبك اللي من خوفه انفطر
والحزن اللي صابك والحلم اللي انكسر
لااااا
هتقوم وتفوق
وانت اللي تسوق
مش لازم قطر يوصلك
ولا سرعه تخليك تنطلق
دي الدنيا اتخلقت فسبع ايام
بشويش والراحه هتبقي تمام
خطط ونظم وبص لقدام
هتشوف السلم من اوله
وخطوه خطوه كل اللي عاوزه هتعمله
لحد متوصل لبر الامان
وتحقق حلمك واكتر منه كمان
ومن اعلي درجه فسلمك
هتفتكر الذكريات
وتبص لتحت
هتلاقي القطر اللي فات
هتحمد وتشكر رب السموات
وتقول الحمد الله ان القطر فااااات
بقلمي.......
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
